Las do roha ni Jahowa mangajari naposona. I do alana dibahen organisasina do akka sikkola lao mangalatik akka siswa asa lam denggan mangulahon tugas ni nasida. Sikkola tu Parbarita Harajaon (SBPK) ma uppamana. Di piga-piga taon na parpudi on, nungnga dipadenggan organisasi ni Jahowa be materi ni sikkola teokratis i, jala diparade do muse akka bangunan na denggan. Tujuanna, i ma asa lam denggan akka siswa i marsiajar jala akka instruktur pe lam denggan mangajari. Songon dia do sumbanganmuna dipakke lao mendukung tujuan ni organisasi?

 Sebelumna, di Bale Harajaon manang di Bale Kebaktian do dibahen akka sikkola i. Alai, di pudian ni ari dibahen do sikkola i di bangunan na dipadenggan organisasi. Adong 3 alasan boasa dipillit organisasi cara on.

 Massai godang do kebutuhan di lapangan. Si Christopher Mavor, na mangurupi Panitia Dinas sian Punguan na Mangaradoti mandok, “Adong do laporan sian akka cabang na paboahon massai godang do kebutuhan di lapangan. Uppamana, di taon 2019 cabang Brasil paboahon porlu dope di nasida hira-hira 7.600 tamatan SBPK lao ditugasson tu lapangan.” Cabang Amerika paboahon porlu do di nasida godang perintis na boi mangalatik na asing asa terampil marbarita di daerah metropolitan, marbarita di pelabuhan, dohot di penjara. Asing ni i, godang do donganta na dihaporluhon lao mangurupi Departemen Rancang/Bangun Setempat dohot Panitia Penghubung Rumah Sakit. Akka tamatan SBPK on boi mangurupi sude kebutuhan i.

 Massai godang do na mendaftar tu sikkola i. Di piga-piga cabang, godang do na mendaftar tu SBPK, sappe dang siat gedung ni sikkola i. Uppamana, di Brasil adong hira-hira 2.500 na mendaftar tu SBPK di bagasan sataon. Hape holan 950 siswa do na siat di akka gedung na adong disi.

 Pemondokan na denggan. Molo sikkola i dibahen di Bale Harajaon manang di Bale Kebaktian, somalna manginap di jabu ni akka donganta na jonok tusi do akka siswa i. Sebenarna dang masalah i molo holan piga-piga kelas do na dibahen di bagasan sataon. Alai molo unjotjot do dibahen sikkola, boi do gabe dang siat pemondokan tu akka siswa na ro ganup taon. Alani i, diputusson organisasi ma asa dibangun gedung pemondokan na jonok tu ruang kelas jala diatur asa sesuai tu kebutuhan ni siswa.

 Biaya na dipakaluar lao mambangun sada ruang kelas, tempat tinggal ni instruktur dohot hira-hira 30 siswa, jala biaya tu kebutuhan na asing, boi do sappe piga-piga juta dolar AS bergantung tu situasi setempat.

 Somalna dibahen do gedung sikkola i di inganan na agak sepi manang di luar kota, alai jonok dope tu transportasi umum. Dipillit organisasi do akka tempat na godang penyiarna asa boi nasida mangurupi tikki dibahen sikkola i. Jala asa boi tong nasida memelihara fasilitas sikkola i.

 Adong do muse perpustakaan, area belajar, komputer, printer, dohot peralatan na asing di fasilitas sikkola i. Biasana, adong do tong ruang makan asa boi rap mangan akka instruktur dohot siswa. Adong do muse tempat olahraga dohot tempat bersantai.

 Denggan do dipikkirhon rancangan ni kelas i. Donganta si Troy na mangurupi di Departemen Rancang/Bangun Sedunia di Warwick, New York mandok, “Jolo martukar pikkiran do hami dohot Departemen Sikkola Teokratis lao mamboto rancangan ruang kelas na songon dia do na marguna tu akka siswa. Dipaboa nasida ma petunjuk taringot ukuran kelas, rancanganna, dohot letak ni peralatan audio-video na dipakke.” Donganta si Zoltán, sahalak instruktur SBPK di Hongaria mandok taringot peralatan audio na diparade, “Najolo dang adong mikrofon di kelas, jadi dipangido hami ma asa gogo makkatai akka siswa i. Alai saonari dang porlu be i ala adong do mikrofon di ganup meja.”

 Aha do manfaat na dihilala akka siswa dohot instruktur? Donganta si Angela na hea mangihutton SBPK di Palm Coast, Florida, AS mandok, “Massai tenang do suasana disi. Denggan do diparade ruang kelasnami dohot akka kamarnami. Gabe boi do hami fokus marsiajar.” Donganta si Csaba sahalak instruktur di Hongaria mandok, “Tikki rap mangan hami, boi do akka siswa marcerita taringot pengalaman ni nasida. Lam terbuka ma nasida tu hami jala lam ditanda hami ma nasida. Gabe boi ma disesuaihon hami na dibahas di kelas sesuai tu kebutuhan ni nasida.”

 Pasu-pasu sian Jahowa, ‘Guru na Sangap’ i do fasilitas sikkola i tu akka siswa dohot instruktur. (Jesaya 30:20, 21) Sahalak donganta borua di Filipina na mangihutton SBPK di bangunan sikkola na baru mandok, “Suasana di sikkola i paingotton hami dang holan siswa hape hami, alai tamu ni Jahowa na istimewa do hami. Dipastihon Ibana do asa denggan jala las rohanami marsiajar sian Hatana.”

 Boi pe dibangun, dipelihara, jala dipadenggan fasilitas sikkola i, alani sumbanganmuna do i, termasuk na dikirim hamu tu donate.pr418.com. Mauliate godang ma di sude burju ni rohamuna.