“Piga-piga taon naung salpu, agak maol ra tabayakkon mandapot sipanganon partondion di versi elektronik.” On ma deba hata ni si Geoffrey Jackson di Laporan na Terbaru sian Punguan na Mangaradoti Taon 2020 (Bagian 6). Songon i do na dihilala hamu? Didok ibana do muse, “Alai saonari maol do tabayakkon songon dia hita mangadopi pandemi on molo dang adong JW Library. Na dilatik Jahowa do hita saleleng on asa rade mangadopi situasi na sisongon on.”

 Songon dia cara ni Jahowa mempersiappon hita? Akka aha do na diulahon lao mambahen aplikasi JW Library on? Akka aha do muse na dibahen asa lam denggan jala asa tetap denggan berfungsi aplikasi on?

 Di bulan Mei 2013, dipangido Punguan na Mangaradoti ma tu Departemen MEPS Programming di kantor pusat asa mambahen sada aplikasi na marisi Bibel Hata ni Debata tu Akka Jolma na Naeng Mangolu di Tano na Imbaru. Songon on ma na didok si Paul Willies na karejo di MEPS Programming, “Tikki i dang hea dope dirilis hami aplikasi na boi dibukka di HP dohot di tablet marhite app stores na dia pe. Nang pe songon i, dibahen hami ma sada tim, dipaso hami ma piga-piga proyek, jala bekerja sama ma hami dohot piga-piga departemen asa boi merancang, mambahen aplikasi on dohot isina. Sering do hutangiakkon hami i. Ala diurupi Jahowa hami, holan di bagasan lima bulan, boi ma dirilis aplikasi on di pertemuan tahunan!”

 Pekerjaan berikutna, ikkon boi do godang publikasi di marragam bahasa adong di aplikasi i. Jadi dang holan Bibel na adong disi. Di bulan Januari 2015, nungnga adong be di aplikasi i godangan publikasi bahasa Inggris na sering dipakke. Jala holan di bagasan onom bulan dukkon i, nungnga adong akka publikasi i di marratus bahasa.

 Mulai sian i, torus ma aplikasi i diperbarui jala adong piga-piga fitur na ditambai. Misalna, nungnga adong be marragam video di aplikasi on. Asing ni i, nungnga dipapungu be sude publikasi, gambar, dohot video na lao dipakke di parpunguan tu sada bagian. Jala tikki manjaha Bibel hita, boi do pittor dibukka akka bahan na adong di Tudutudu Laho Marsiajar.

 Tiap ari, adong 8 juta perangkat elektronik na mambukka JW Library, jala tiap bulan adong 15 juta perangkat eletronik na mambukka i. Aha ma na porlu diulahon asa boi denggan aplikasi on dibukka di perangkat elektronik? Didok donganta si Willies, “Ikkon torus do diperbarui aplikasi sisongon on. Jadi torus do ditambai hami akka fitur na baru tu aplikasi i asa ummura dipakke. Asing ni i, torus do diperbarui sistem operasi perangkat elektronik. Jadi asa boi aplikasi JW Library on torus dipakke, ikkon sering do aplikasi i diperbarui. Jala program komputernami pe ikkon torus do ditambai, alana torus do martamba godang ni publikasi, rekaman audio dohot video di aplikasi i.” Jadi molo ditotal publikasi di sude bahasa na adong di aplikasi on, adong do hira-hira 200.000 publikasi. Jala lobi sian 600.000 rekaman audio dohot video na adong di aplikasi i.

 Asa boi tetap denggan berfungsi aplikasi on, porlu do godang peralatan elektronik. Jala porlu do adong piga-piga lisensi program komputer na ikkon dituhor. Sada lisensi argana 1.500 dolar AS (hira-hira 20 juta rupiah) sataon. Asing ni i, hira-hira 10.000 dolar AS (hira-hira 140 juta rupiah) ma sataon na dipakke MEPS Programming lao manuhor perangkat elektronik. Sude perangkat elektronik i dipakke lao memastihon boi do JW Library i dibukka manang na dang di komputer, tablet, dohot HP na terbaru.

 Ala nga adong aplikasi JW Library, gabe moru ma biaya na dipakke lao mencetak, menjilid, jala makkirim akka publikasi. Contohna, buku kecil Manulikkit Hata ni Debata Ganup Ari. Di taon 2013, hira-hira 12 juta ma bukku i dicetak. Alai di taon 2020, holan 5 juta ma bukku i dicetak. Hape martamba do godang ni Saksi Jahowa di seluruh dunia hira-hira 700.000 halak. Jadi boasa ma lam otik bukku na dicetak? Alana godangan akka donganta manjaha ayat harian di JW Library. a

 Godang do manfaat na dihilala akka halak na mamakke aplikasi JW Library on. Misalna, si Geneviève na tinggal di Kanada. Dihilala ibana ala adong aplikasi on, gabe lam sering ma ibana mamparsiajari Bibel. Didok ibana, “Molo ikkon jolo hupapungu godang bukku sebelum belajar, jujur ma pasti dang na lao marsiajar Bibel au tiap pagi. Alai ala adong aplikasi on, nga rade be di tablethu sude publikasi na porlu di au. Ala taratur au marsiajar Bibel, gabe lam togu ma haporseaonku jala lam jonok ma au tu Jahowa.”

 Godang do manfaat ni aplikasi on tarlumobi saleleng pandemi COVID-19. Si Charlyn na sian Amerika Serikat mandok, “Ala di seluruh dunia do pandemi on, gabe dang hea be hujalo publikasi tercetak saleleng sataon on. Ala sai adong do akka publikasi di JW Library, gabe boi ma torus hupatogu haporseaonku. Alani i, mandok mauliate do au tu Jahowa.”

 Godang do ra sian hita na songon si Faye perasaanna. Didok ibana, “Adong do sude di aplikasi on na boi mambahen lam jonok hubunganku tu Jahowa. Molo tikki pagi, hupakke do aplikasi i lao manjaha. Tikki makkarejohon karejo di jabu, hupakke do tong aplikasi i lao manangihon rekaman audio. Jala hupakke do muse aplikasi i lao mempersiappon bahan tu parpunguan dohot bahan na lao hubahas dohot parsiajar Bibelhu. Molo lagi santai au, hutonton ma akka video na adong di aplikasi i. Jala tikki paimahon antrian pe hupakke do aplikasi on lao manjaha akka artikel manang Bibel. Aplikasi na berharga do on.”

 Bermanfaat do tong aplikasi on tikki marbarita na uli. Misalna, adong sahalak donganta borua na di Kamerun. Tikki marbarita, naeng dipatudu ibana do sada ayat na dipakke donganta borua na asing saminggu sebelumna. Alai dang diingot ibana ayat na dia i. Didok ibana, “Uttung ma huingot piga-piga kata sian ayat i. Jadi hulului ma i sian fitur pencarian tikki mambukka Bibel sian aplikasi i. Pittor dapottu ma ayatna. Godang do manfaat ni aplikasi on, gabe mura ma dapottu ayat na so huingot.”

 Alani sumbangan na dilehon hamu, gabe boi ma lam denggan dibahen hami aplikasi JW Library. Dipakke hamu do marragam cara menyumbang songon na dipaboa di donate.pr418.com. Mauliate ma tu kemurahan hatimuna.

1. Oktober 2013—Dirilis ma aplikasi on na marisi Bibel Hata ni Debata tu Akka Jolma na Naeng Mangolu di Tano na Imbaru

2. Januari 2015—Dipamasuk ma akka publikasi bahasa Inggris tu aplikasi on. Dung i dipamasuk ma marratus bahasa na asing

3. November 2015—Ditambahon ma fitur na boi mewarnai teks

4. Mei 2016—Ditambahon ma akka bahan tu parpunguan

5. Mei 2017—Ditambahon ma fitur lao mambahen catatan

6. Desember 2017—Nungnga adong be Alkitab Edisi Pelajaran di aplikasi on

7. Maret 2019—Nungnga boi be dipakke aplikasi on lao mendownload rekaman audio, mamutar video, dohot mambukka akka bahan sian Tudutudu Laho Marsiajar

8. Januari 2021—Nungnga adong be bukku Mangolu Saleleng ni Lelengna di aplikasi on