Parpunguan regional taon 2020 ma parjolo sahali acara na direkam jala na dibahen tersedia di Internet! Alai godangan akka donganta na di Malawi dohot di Mozambik boi do kebaktian dang pola mamakke Internet. Boasa boi songon i?

 Dibahen do pengecualian tu akka donganta di Malawi dohot di Mozambik. Nungnga disetujui Panitia Koordinator dohot Panitia Pengajaran sian Punguan na Mangaradoti asa disiarhon acara parpunguan regional mamakke televisi dohot radio di negara i. Boasa porlu dibahen pengaturan sisongon i? Alana di Malawi ma biaya Internet na ummarga di portibi on jala holan saotik do Saksi na boi mangakses Internet. Donganta si William Chumbi, sahalak anggota ni Panitia Cabang Malawi mandok, “Holan marhite radio dohot televisi ma boi akka donganta mamboto akka acara parpunguan.” Anggota Panitia Cabang Malawi na asing si Luka Sibeko mandok, “Molo dang disiarhon acara parpunguan regional i sian TV manang radio, holan saotik ma annon akka dongan di wilayah cabangnami na mamboto acara i.” Songon i ma nang akka donganta di Mozambik, holan saotik do na boi manuhor perangkat elektronik, jala na boi mangakses Internet.

 Alani pandemi COVID-19, parpunguan ganup minggu nungnga disiarhon di televisi dohot di radio tertentu. a Dihubungi akka donganta ma muse stasiun radio dohot TV on asa ditambai jam tayangna lao menyiarhon acara parpunguan regional.

 Di Malawi adong do tantangan ni akka donganta. Biasana holan sappe sajom do waktu tayang ni sada siaran tu setiap pelanggan. Khawatir do akka stasiun televisi molo palelengku dibahen sada acara, dang tertarik be akka penonton. Alai dipatorang akka donganta ma molo ulaonta on marguna do tu sude halak. Jala dipatorang do muse saleleng lockdown, taurupi do godang halak marhite barita na uli na tapasahat sian Bibel, na mangurupi akka halak gabe warga negara na burju jala mambahen ngolu ni akka keluarga lam denggan. Dung dibege nasida i, gabe dioloi nasida ma pangidoan ni akka donganta i lao manambai jam tayang.

 Di Malawi, acara parpunguan regional i disiarhon di sada stasiun televisi dohot di sada stasiun radio, termasuk ma i stasiun na boi menjangkau sude negara i dohot stasiun na boi dijangkau marjuta halak. Di Mozambik, acara parpunguan regional i disiarhon di sada stasiun televisi dohot di 85 stasiun radio.

 Biaya na dipakaluar tu dua negara i lao menyiarhon acara parpunguan lewat televisi totalna 28.227 dollar b jala habis do hampir 20.000 dollar lao menyiarhon acara i sian radio. Marasing-asing do arga ni biaya stasiun radio i, mulai sian stasiun na gelleng sahat tu stasiun nasional, mulai ma i sian 15 dollar sahat tu 2.777 dollar.

 Kerja keras do akka donganta asa boi denggan dipakke hepeng na disumbangkon i. Misalna di Malawi, ditawar nasida do asa dilehon arga na ummura, termasuk ma adong sada stasiun mangalehon diskon 30 persen. Alani diskon i gabe boi ma hemat 1.711 dollar. Di Mozambik, adong do piga-piga stasiun na olo mangorui arga ni stasiun i alani reputasi ni Saksi na denggan, ala jujur jala tepat waktu mambayar.

 Las situtu do roha ni akka donganta ala boi diida nasida jala dibege acara parpunguan regional i di akka stasiun televisi manang radio na di inganan ni nasida. Si Patrick sahalak sintua sian Malawi mandok, “Mauliate godang ma didokkon hami tu Punguan na Mangaradoti Organisasi ala diparrohahon nasida do hami saleleng pandemi on.” Si Isaac na sian Malawi mandok, “Dang adong be perangkatnami na asing, asing ni radio. Mandok mauliate do hami tu organisasi ni Jahowa ala dibahen pengaturan khusus lao menyiarhon acara parpunguan regional melalui radio. Alani pengaturan on gabe boi ma sude keluargakku mandapot manfaat sian acara parpunguan regional i. Jala boi ma diida hami na holong roha ni Jahowa tu akka naposona.”

 Parpunguan regional taon 2020 on ma parpunguan na parjolo di sahalak penyiar di Mozambik. Ibana mandok, “Pengaturan lao manonton acara parpunguan on di TV paingotton au na tutu do Jahowa Debata na marhuaso. Nang pe pandemi, alai dang mangabbati Ibana lao paradehon sipanganon na patoguhon naposona jala boi do i hunikmati di jabukku. Nungnga huida be na marsihaholongan akka naposo ni Debata. Jala pos do rohakku on do agama na sittong.”

 Sahalak sintua na margoar si Wyson mandok, “Naeng mandok mauliate do au tu cara ni naposo haposan mangurus hami saleleng pandemi on. Pengaturan na dibahen lao manonton acara parpunguan marhite radio dohot TV, mangurupi godang halak di liat portibi on na susa di parhepengon jala na pogos. Gabe boi ma ditonton nasida acara i jala mandapot manfaat sian i.”

 Taringot parpunguan regional 2021, nungnga dibahen Panitia Koordinator dohot Panitia Pengajaran muse pengaturan asa disiarhon acara parpunguan on marhite televisi dohot radio di wilayah tertentu. Boha do caratta manutupi biaya penyiaran acara parpunguan regional i? Marhite sumbangan na dilehon akka dongan di liat portibi on. Dilehon do i marhite marragam cara na adong di donate.pr418.com. Mandok mauliate do hami tu sude haburjuonmuna.