Adong lobi 200 daerah na diurupi Saksi lao mendukung ibadat ni nasida dohot mangalehon bantuan kemanusiaan. Alai adong do 35 daerah na sanggup mambiayai kebutuhan ni nasida sian sumbangan na didapot di daerah i. Jadi songon dia molo daerah na hurang mampu, songon dia carana mangurupi nasida?

 Diparrohahon Punguan na Mangaradoti Saksi Jahowa do, aha na porlu tu ulaon ni Saksi Jahowa dohot tu ulaon marbarita na uli. Manat do dipakke nasida sumbangan na didapot jala denggan do i diatur lao tudia dibahen sumbangan i. Molo adong kantor cabang mandapot sumbangan lobi sian na dihaporluhon nasida, dilehon ma sumbangan i tu daerah na makkaporluhon. Pengaturan on dibahen songon pengaturan na dibahen halak Kristen di abad na parjolo. Dibahen pe songon i ‘asa boi do na lobi, manutupi na hurang’ di akka dongan na asing. (2 Korint 8:14) Jadi molo adong lobi sumbangan i, dipakke ma i mangurupi akka dongan na hurang mampu.

 Boha do pakkilalaan ni akka donganta na mandapot sumbangan sian akka kantor cabang i? Contohna di Tanzania, lobi sian satonga pendudukna hira-hira tolu pulu ribu (2 dolar AS) do nasida sanggup membiayai kebutuhan ni nasida sadari. Jadi sumbangan na didapot ni nasida sian kantor cabang na asing, dipakke ma i lao mangarenovasi Bale Harajaon Huria Mafinga. Akka dongan di huria mandok, “Dung direnovasi Bale Harajaonnami, gabe lam tamba do halak na ro marpungu! Mandok mauliate do hami tu organisasi ni Jahowa dohot tu akka dongan di liat portibi on na burju mangurupi. Gabe tamba do las ni rohanami ala nga bagak Bale Harajaonnami.”

 Piga-piga donganta di Sri Lanka mandapot bantuan sipanganon saleleng pandemi COVID-19. Sada sian donganta na mandapot bantuan i, i ma si Imara Fernando dohot anakna si Enosh. Alani akka sumbangan na dilehon sian daerah na asing, gabe boi ma dapot ni nasida bantuan na dihaporluhon. Dibahen nasida ma kartu ucapan, didok nasida, “Mandok mauliate do hami tu akka dongan na makkaholongi hami di tikki hasusaan on. Las hian do rohanami ala boi gabe bagian sian keluarga on. Jala sai martangiang do hami tu Jahowa, asa diurupi akka dongan di liat portibi on saleleng ari parpudi on.”

 Manang didia pe akka donganta tinggal, lomo do roha ni nasida mangalehon sian nasa tolap ni nasida. Songon si Enosh, dibahen ibana ma celengan na gelleng asa boi ibana mangalehon sumbangan tu akka dongan na makkaporluhon. Songon i do tong si Guadalupe Álvarez na tading di Meksiko. Otik do gaji dison. Alai nang pe songon i, burju do ibana mangalehon sumbangan nang pe otik pendapatanna. Didok ibana, “Mandok mauliate do au tu Jahowa, alani burjuna dohot holong na dipatudu Ibana. Huboto do sumbanganki boi do manambai akka sumbangan na asing, jala lao dipakke do akka sumbangan i lao mangurupi akka dongan na membutuhkan.”

 Las do roha ni kantor cabang mangirim hepeng tu daerah na membutuhkan. Donganta si Anthony Carvalho, na melayani di Panitia Cabang Brasil mandok, “Saleleng martaon-taon, dilehon hami do bantuan tu negara na asing. Alani bantuan i, luar biasa do diida hami perkembanganna. Nang pe muba situasi ni parhepengonnami, alai las do rohanami ala boi dope mangurupi halak na asing. Akka donganta pe, diida do songon dia perkembangan ni ulaon marbarita di liat portibi on. Jala boi do diulahon nasida songon na diulahon Jesus na rade mangalehon dirina tu akka siseanna.”

 Songon dia do Saksi Jahowa mangurupi akka dongan ni nasida? Dang langsung tu kantor cabang na membutuhkan i dikirim nasida hepeng i, alai dilehon do i marhite sumbangan pekerjaan sedunia. Boi do dipamasuk nasida sumbangan i tu kotak sumbangan na dibahen goarna di kotak i “Pekerjaan Sedunia”, manang boi do marhite donate.pr418.com. Mandok mauliate do hami tu sude sumbangan i.