Dang adong parsampuluan di Saksi Jahowa. Sian sumbangan do sude hepeng na dipakke tu parkarejoan ni Saksi Jahowa. Jala dang dipaboa goar ni halak na mangalehon sumbangan. Alai, aha do parsampuluan? Jala, boasa dang adong parsampuluan di Saksi Jahowa?

 Tutu do, adong paretta mangalehon parsampuluan di Uhum na dilehon si Musa tu Bangso Israel. Alai, songon na disurat di Bibel, halak Kristen dang be mangulahon Uhum ni si Musa—dohot ma i aturan lao mangalehon parsampuluan.—Heber 7:5, 18; Kolosse 2:13, 14.

 I do alana, dang adong parsampuluan di Saksi Jahowa. Songon halak Kristen di abad na parjolo, adong do dua na diulahon hami lao mangurupi ulaon marbarita na uli, i ma mangalehon sumbangan jala dang digaji lao marbarita.

 Las do rohanami mangihutton poda sian Bibel na mandok, “Ganup ma nionjar ni rohana, unang ma sian muruk manang sian na so tarjua; ai dihaholongi Debata do na las roha mangalehon.”​—2 Korint 9:7.