Nasida mandok: Dang diulahon Saksi Jahowa Paska ala dang Kristen nasida.

 Na Sasittongna: Porsea do hami molo Jesus Kristus i Sipalua hami, jala marsitutu do hami mangihutton “bogas ni patna”.—1 Petrus 2:21; Lukas 2:11.

 Nasida mandok: Dang porsea hamu molo Debata pahehehon Jesus sian hamatean.

 Na Sasittongna: Porsea do hami molo Debata pahehehon Jesus; jala marojahan tusi do haporseaon ni halak Kristen. Dipaboa hami do on tikki marbarita.—1 Korint 15:3, 4, 12-15.

 Nasida mandok: Dang dipikkiri hamu las ni roha ni ianakkonmu molo diulahon nasida Paska.

 Na Sasittongna: Dipikkiri hami do ianakkonnami—diulahon hami do manang aha pe lao mangajari jala mangurupi nasida asa marlas ni roha.—Titus 2:4.

•   Paska dang hombar tu Bibel.

•   Diparettahon Jesus do hita asa mangulahon parningotan ari hamamatena, dang ari haheheonna. Parningotan na diulahon hami ganup taon, hombar do tu tanggal na adong di Bibel.—Lukas 22:19, 20.

•   Porsea do hami molo Paska dang dihalomohon Debata ala marharoroan sian ritus kesuburan kuno. Debata mandok, “Dang olo Ahu patudoson dohot na asing”, jala dang dihalomohon Ibana panombaon na mangihutton ulaon na sala.—2 Musa 20:5.

 Porsea do hami molo haputusannami asa unang mangulahon Paska, hombar tu Bibel. Bibel manjujui hita mamakke bisuk dohot pikkiran asa unang mangihutton hasomalan na so dihalomohon Debata. (Poda 3:21; Mateus 15:3) Tikki dipaboa hami haporseaonnami taringot Paska tu halak na manukkun, diargai hami do haputusan nasida lao mangulahon Paska manang na dang.—1 Petrus 3:15.