Sadia Godang do Saksi Jahowa di Liat Portibi on?
Akka ise do na boi didok Saksi Jahowa?
Sasahalak didok Saksi Jahowa molo marbarita na uli ganup bulan. (Mateus 24:14) Termasuk ma disi halak naung tardidi gabe Saksi Jahowa dohot halak na so tardidi dope, alai nungnga memenuhi syarat lao marbarita na uli.
Ikkon adong do talehon sumbangan asa boi gabe saksi Jahowa?
Daong. Sumbangan na dilehon sasahalak dang boi mambahen ibana gabe Saksi Jahowa manang asa mandapot tanggung jawab di huria. (Ulaon ni Apostel 8:18-20) Jala dang hea dipaboa goar ni akka halak na mangalehon sumbangan. Sude do Saksi Jahowa mangalehon tikki, gogo dohot arta ni nasida lao mendukung ulaon marbarita bergantung tu keadaan ni nasida.—2 Korint 9:7.
Sian dia do diboto hamu sadia godang Saksi Jahowa na marbarita?
Ganup bulan dilaporhon akka Saksi Jahowa do ulaon ni nasida marbarita tu sintua di huriana. Jala dang dipaksa nasida mangulahon i.
Dung dipapungu huria laporan i, dikirim ma i tu kantor cabang. Dung dipapungu kantor cabang sude laporan sian akka huria di negara i, dilaporhon ma i muse tu kantor pusatnami.
Di ujung ni taon dinas, a dipareso hami ma laporan dinas sian ganup negeri. Dukkon i, diida hami ma di bulan na dia do jumlah ni penyiar na unggodang. Sian i diboto hami ma sadia godang do Saksi Jahowa di liat portibi on. Laporan sian ganup negara, dohot pengalaman ni nasida tikki marbarita dibahen di situsnami, di bagian “Di Liat Portibi on”. Tikki dijaha hami laporan on, lam semangat do hami songon halak Kristen di abad na parjolo.—Ulaon ni Apostel 2:41; 4:4; 15:3.
Molo adong halak na ro tu parpunguanmuna alai dang dohot marbarita na uli, didok do i Saksi Jahowa?
Daong. Nang pe songon i, las do rohanami molo ro nasida tu parpunguannami. Godang do sian nasida na ro tu Parningotan hamamate ni Jesus ganup taon. Asa taboto sadia godang nasida, boi do tabandikkon jumlah ni na ro tu Parningotan hamamate ni Jesus tu jumlah ni Saksi Jahowa. Di 2023, adong 20.461.767 halak na ro tu Parningotan.
Godang do muse halak na olo marsiajar Bibel gratis di jabu ni nasida, alai dang ro tu parpunguannami. Saleleng 2023, adong ma hira-hira 7.281.212 parsiajaran Bibel ganup bulan. Sahali marsiajar Bibel, boi do lobi sian sahalak na dipandu.
Boasa unggodang jumlah ni Saksi Jahowa di sensus na dibahen pamaretta sian na dilaporhon hamu?
Tikki mambahen sensus penduduk pamaretta, data na dibahen nasida holan berdasarkan alus ni akka halak. Contohna, dibahen Biro Sensus Amerika Serikat do survei “lao mamboto sadia godang pengikut ni ganup agama”. Alai didok biro i muse, hasil na dapot ni nasida i “holan berdasarkan pengakuan ni sasahalak do, dang sian hatorangan na sasittongna”. Alai dang sude halak na mangakku Saksi Jahowa tutu ibana Saksi Jahowa. Holan halak na marbarita na uli jala na melaporhon i do na didok Saksi Jahowa.
a Taon dinas dietong mulai sian 1 September sahat tu 31 Agustus taon na mangihut. Umpamana, taon dinas 2015 dietong mulai sian 1 September 2014 sahat tu 31 Agustus 2015.
Mungkin Lomo do Rohamuna Mamboto
BUKKU & BROSUR
Laporan Taon Dinas 2023 sian Saksi Jahowa di Liat Portibi on
Ida ma hatorangan taringot ulaon marbarita na diulahon Saksi Jahowa di liat portibi on mulai bulan September 2022 sahat tu Agustus 2023.
NA JOTJOT DISUKKUN HALAK
Aha do na Dihaporseai Saksi Jahowa?
Ida ma 15 kesimpulan taringot ojahan ni haporseaonnami.
HATA PAMUNGKA TINGKI MARBARITA
Ise do Sitindangi Ni Jahowa?
Godang do halak na manukkun ise do Sitindangi Ni Jahowa. Botoonmu ma alusna sian hatorangan na boi dihaporseai.
NA JOTJOT DISUKKUN HALAK
Songon dia do Asa Boi Au Gabe Saksi Jahowa?
Mateus 28:19, 20 ida ma tolu carana.
TARINGOT HAMI
Kunjungi Hamu ma Au
Marsiajar akka topik na sian Bibel manang mamboto taringot Saksi Jahowa.