Akka Guru di Filipina Mandapot Laba sian JW.ORG
Taon 2016 akka Saksi Jahowa patuduhon akka video dohot sijahaon tu punguan ni akka guru di Zamboanga del Norte, Filipina. Parjolo, ro ma nasida tu kantor Departemen Pendidikan di ibu kota provinsi i, i ma di Kota Dipolog. Las do roha ni akka pengurus i mangida situs jw.org. Jadi adong tolu seminar naeng dibahen tu akka guru na sian marragam luat di Zamboanga del Norte. Digokkon pengurus i do muse Saksi asa pasahatton presentasi saleleng 30 minut di tolu seminar i.
Songon dia do presentasi i dipasahat?
Di ganup seminar i, dipatudu akka Saksi do tu nasida akka video naung dipillit jala sijahaon sian situs jw.org. Godang do na lomo rohana tikki mangulas taringot “Mengatasi Ketegangan Akibat Utang”. Didok akka guru i, godang do laba ni presentasi on tu akka guru dohot murid. Dung i dijalo nasida ma risalah Di dia do Hita Boi Mandapot Alus ni Sungkunsungkun na ringkot di Parngoluon? Isi ni risalah i taringot akka informasi na boi tadapot di jw.org. Didownload piga-piga guru do akka video sian situs i.
Las do roha ni akka guru tu tolu presentasi i. Jadi diatur departemen pendidikan ma asa dibahen muse presentasi lao mangurupi hira-hira 600 guru BP dohot akka guru na asing. Godang do muse na las rohana tu presentasi i.
“Godang do laba ni situs web i”
Dipaboa nasida ma songon dia presentasi i dohot situs i mangurupi nasida. Didok sahalak guru, “Mauliate ma hudok tu nasida, boi do hupakke situs web i lao mangajari akka muridhu.” Adong muse guru na mandok, “Godang do na huparsiajari sian situs i. Tarlumobi taringot songon dia asa unang stres. Godang do laba ni situs web i, dang holan tu akka naposo alai dohot do tu akka na matua.”
Adong lobi sian 350 guru na mangido gumodang hatorangan. Jadi, dilehon akka Saksi ma sijahaon na asing tu nasida, jala dijahahon ma piga-piga ayat sian Bibel tu halak na mangido poda.
Las do roha ni Saksi Jahowa ala adong 1.000 guru na mangida presentasi di Zamboanga del Norte. Gabe diboto akka guru i ma, massai denggan do situs jw.org dipakke tikki mangajari akka murid. Situs web on boi do mangurupi akka guru di liat portibi on lao mangajari taringot songon dia asa marparange na denggan jala songon dia asa jonok tu Debata. *
^ par. 9 Lembaga Pendidikan di Filipina dang holan martanggung jawab lao mangalehon parbinotoan tu akka murid, alai dohot do “patoguhon nasida di partondion jala asa marparange na denggan jala disiplin.”—Konstitusi Republik Filipina taon 1987, Artikel XIV, Bagian 3.2.
Mungkin Lomo do Rohamuna Mamboto
MANGURUPI AKKA HALAK
Mangurupi Akka na Poso Mangadopi Sipangarehei di Sikkola
Si Hugo, na marumur sappulu taon, mandapot Penghargaan Putri Diana ala mangurupi akka dongan sasikkolana mangadopi sipangarehei. Songon dia bawa na marumur sappulu taon on boi gabe wakil program mangadopi sipangarehei?