Adong marjuta halak tunarungu (na bisu) na tinggal di Indonesia, negara na digoari Zamrud Khatulistiwa. Lao mangurupi nasida, dibahen Saksi Jahowa ma akka bukku dohot video di Bahasa Isyarat Indonesia. Jala diurupi Saksi Jahowa ma nasida marsiajar Bibel. Godang do halak na lomo rohana tu na binahen ni Saksi Jahowa on.

Di taon 2016, dibahen Saksi Jahowa do kebaktian Bahasa Isyarat Indonesia di Medan, Sumatera Utara. Ro do sahalak pejabat tu acara i jala dipuji do Saksi Jahowa ala dibahen parsiajaran Bibel gratis. Alani las ni rohana gabe dohot do ibana marbahasa isyarat tikki marende di kebaktian i.

Menejer ni gedung i pe mandok, “Aman do sude saleleng kebaktian i jala denggan.” Didok ibana muse, “Sai dibahen Saksi Jahowa ma nian torus acara songon on lao mangurupi akka donganta na tunarungu.” Tikki diboto nappunasa gedung i kebaktian i lao tu tunarungu, disuru ibana ma manajer na asa manuhor mangan siang tu 300 halak na ro.

Ro do muse Saksi Jahowa manjuppangi akka tunarungu tu jabu ni nasida. Lao paboahon barita na uli sian Bibel. Dipakke nasida do video Bahasa Isyarat Indonesia lao mangurupi akka tunarungu asa denggan ngolu ni nasida.

Dohot do bapak Mahendra Teguh Priswanto mamuji ulaon on. Ibana sahalak wakil ketua dewan perwakilan cabang Gerakan untuk Kesejahteraan Tuli Indonesia (Gerkatin) di Kota Semarang, Jawa Tengah. Didok ibana, “Denggan do na binahenmuna on lao mangurupi akka na tunarungu. Contohna, godang do guna ni video Keluargamuna Boi do Martua. Sai torus ma nian diulahon hamu ulaon na songon on.”

Godang do guna ni ulaon na dibahen Saksi Jahowa on tu akka tunarungu. Contohna adong sahalak tunarungu na margoar si Yanti mandok, “Godang do halak na mangissaki hami ala tunarungu hami. Alai, holong do roha ni Saksi Jahowa tu hami. Godang do Saksi Jahowa na so tunarungu marsiajar bahasa isyarat, asa boi mangurupi hami mananda Debata jala asa denggan ngolunami. Las hian do rohakku ala tulus nasida mangurupi hami.”

Saonari nga Saksi Jahowa be si Yanti jala nga dohot ibana menerjemahon video Bahasa Isyarat Indonesia. Didok ibana, “Gabe lam mura ma halak marsiajar bahasa isyarat ala video na dibahen hami. Jala video i, boi do mangurupi akka na tunarungu asa marlas ni roha nasida jala denggan ngoluna.”