Ditongoshon walikota ni Rostov-on-Don, di Rusia Selatan ma surat tanggal 20 Mei 2015 na mandok mauliate tu Saksi Jahowa “ala nungnga ringgas nasida mangurupi paiashon kota i di musim semi.”

Di ulaon lao mambahen lam ias kota Rostov-on-Don, Saksi Jahowa sian opat huria rade papunguhon sampah na adong di sude dalan dohot di topi ni sunge. Holan piga-piga jom pe nungnga dipapungu nasida 300 goni sampah, dung i martruk ma diboan.

Boasa olo Saksi mangulahon on? Si Raisa na marumur 67 taon mandok, “Dang boi paula so hubereng, las do rohakku molo ias kota on jala sude halak gabe sehat. Nang pe dang godang halak na mangida, alai las do rohanami mangulahon on. Alana diida Jahowa do sude.” Didok si Aleksander muse, “Dang holan marbarita na uli ulaonnami, alai rade do hami mangurupi nasida. Massai las do rohakku ala boi huulahon na denggan tu akka hombar ni jabukku.”

Diargai akka halak do na diulahon Saksi Jahowa. Sahalak na tading disi tarsonggot dung diboto dang digarar hape Saksi mangulahon i. Gabe taronjar ma rohana dohot di ulaon i jala didok ibana, “Dang hurippu boi las roha mangulahon ulaon paiashon jala godang labana!” Didok ibana muse, “Nang pe piga-piga sian hamu dang parhuta on, alai olo do hamu mangurupi!”

Diparrohahon sahalak pejabat ma piga-piga halak Saksi papunguhon godang sampah. Difoto ibana ma nasida di lambung ni akka goni sampah na dipapungu nasida i, asa boi patuduonna tu na asing gabe sitiruon.