Dipakke sahalak kontraktor do truk derek lao mamboan kontainer. Sian kaca do bagian jolo ni kontainer on. Kontainer on ma annon na gabe inganan ni akka halak na lao mangida proyek sian ginjang. Dibahen ma i di inganan na tartutup jala aman. Mulai ma dibahen pengaturan lao mangida proyek on di bulan Mei 2017. Jala di bulan Agustus adong lobi sian 17.000 halak naung mendaftar lao mangida proyek on.

Dipakke kontraktor do menara derek lao papindahon rangka beton tu inganan F. Inganan on ma na parjolo sahali dipajongjong. Ala godang dope tano na kosong, hatop do papindahon rangka beton i.

Dikarejohon dope lima bangunan na lao gabe inganan. Di bagian jolo, adong akka kontraktor na mamasang bosi-bosi na lao dicor gabe fondasi inganan B. Di pudi sabola kanan, akka kontraktor mancor lantai ni inganan D. Di pudi sabola kiri, adong menara derek dipakke lao mambahen jalur ni lift dohot tangga di inganan E.

Donganta borua sian tim mesin mamakke alat na boi paturehon sambungan pipa ni aek, na dipakke lao pamatehon api molo masa kebakaran. Dipalas ma dua pipa i, asa malala jala boi ma lokkot. Dipaias ma bagian na lokkot i, dung i diuji ma. Hira-hira 4 km ma ganjang ni pipa naung dipasang on.

Sahalak parkarejo paiasson saluran air bawah tanah. Di ginjang ni saluran on, naeng dibahen do dalan asa boi aek na di toru i mamolus tu kolam penampungan jala asa unang banjir.

Sahalak bawa dohot istrina sian tim arsitek manandai bagian na naeng dibahen gabe dinding di lante na di toru.

On ma gombar ni proyek pembangunan lima inganan na dibuat sian timur. Di bulan September nunga sae dibahen rangka beton. Dinding ni inganan F (di pudi sabola kanan) dikarejohon dope, dung i ma diplester jala dicat. Jala dinding dohot jandela ni inganan E (di pudi sabola kiri) mulai dipasang akka parkarejo. Tim arsitek, tim kelistrikan, tim mesin, dohot tim scaffolding (perancah) nungnga rade lao pajongjokkon inganan B, C, dohot D (na dijolo).

Asisten Panitia Penerbitan sian Badan Pimpinan dohot pengawas Departemen Rancang/Bangun Sedunia, i ma si Robert Luccioni. Ibana ma na marjamita lao patoguhon akka parkarejo. Departemen Rancang/Bangun Sedunia do na mangaradoti ulaon pajongjokkon kantor cabang na baru. Nasida ma na mamastihon asa denggan sude ulaon i jala asa denggan dipakke hepeng tu ulaon i.

Akka parkarejo paradehon beton na lao dipakke lao pajongjokkon inganan ni gas, surat-surat, dohot akka alat listrik. Di sabola kanan, dipakke akka parkarejo do pompa beton lao mangecor fondasi pagar. Pagar i ma annon na mambahen asa unang tarbege suara ni masin dohot akka alat na asing.

Dipareso tim arsitek do gombar ni bangunan asa boi ditandai jala diboto bagian lantai na dia do na ikkon dipasang rangka bosi.

Sahalak parkarejo mamasang rangka bosi na lao gabe dinding luar.

Dipasang do perancah di inganan E. Asa mura akka parkarejo i makkarejoi dinding luarna.

Sahalak parkarejo mamasang lapisan pelindung tu jandela na baru dipasang. On ma na gabe pelindung ni kaca i tikki pajongjokkon inganan i, jala boi do annon dibukka muse.

Dipareso akka parkarejo do alat pemanas na di toru ni lantai kamar. Molo nungnga sae dipareso, dilapis beton ma alat pemanas i.

Sahalak parkarejo mambuat bunga liar di area pintu masuk kantor cabang. Ala adong bunga liar on, dang tubu be disi duhut-duhut. Jadi dang porlu be nasida palojahu mangaradoti taman na jonok tu jalan raya na jotjot akka mobil mamolus sian i.

Diukkur petugas ma dalan masuk tu kantor mamakke GPS jala dibahen ma tandana sada tungkot. Dung i dicat ibana do tungkot i asa mura berengon. Inganan on ma annon na lao gabe dapur, ruang mangan, dohot inganan marpungu. Gombar na di pudi, inganan ni parkarejo.

Sahalak bawa dohot istrina mamasang cetakan beton na lao gabe pengatur aliran air. Termasuk ma on gabe bagian ni sistem pembuangan air hujan. Gombar na di pudi, inganan E dohot F. Ditutup do i mamakke palastik asa boi nasida toktong karejo nang pe di tikki musim dingin.

Sahalak parkarejo mangajari parkarejo na asing mamakke alat pengangkat selang pengisap. Dipakke do alat pengangkat on lao mamasang batu na lao gabe pembatas. Borat ni batu on 70 kilo. Dung dipasang batu-batu i dibahen ma beton asa unang marhusor batu pembatas i.

Dung denggan dipasang pipa air, sahalak anggota tim mesin manjaga asa unang marhusor pipa i. Adong hira-hira 5 km pipa air na dihaporluhon di kantor cabang on.

Sahalak anggota tim eksterior mamakke gergaji masin lao mamotong batu bata. Batu bata on ma annon na disusun gabe bagak, goarna ikatan Flemish. Dipasang ma on annon di tembok na di ujung ni inganan. Jadi, porlu do 300.000 batu bata lao mamasang ikatan Flemish di sude inganan.