Galeri foto Inggris 2 (September 2015 sahat tu Agustus 2016)
Lao dipapinda ma kantor cabang ni Saksi Jahowa na di Inggris, sian Mill Hill, London tu jonok ni kota Chelmsford, Essex. Inganan i daona hira-hira 70 kilometer dompak timur sian kantor cabang na dipakke saonari. Di galeri foto on, idaonmuna ma aha naung diulahon sian mulai September 2015 sahat tu Agustus 2016.
29 Oktober 2015—Inganan lao paradehon ulaon i
Akka parkarejo mangusehon cor beton di jolo ni inganan na lao dibahen gabe panimpanan ni barang na porlu tu ulaon i.
29 Oktober 2015—Inganan lao paradehon ulaon i
Parkarejo mamasang atap tenaga surya di inganan na lao dipakke gabe kantor dohot ruang makan saleleng adong ulaon i.
18 Januari 2016—Inganan lao paradehon ulaon i
Di dalan lao masuk tu inganan i, sahalak parkarejo mamakke masin ekskavator na dipasang alat pemotong asa boi mambolokkon akka hau na so porlu. Parjolo, dihapit ma hau i, dung i ditaba jala dibolokkon. Asa adong ganti ni hau naung ditaba i, ditanom ma muse marribu hau na baru, andorang so sae ulaon i.
31 Maret 2016—Inganan ni kantor cabang
Asa ias jala boi dipakke muse tano i, akka parkarejo pasidikkon sampah na ditadikkon nampuna tano i hian.
14 April 2016—Inganan ni kantor cabang
Akka parkarejo lao mangangkat akka kabin mamakke crane (alat derek). Kabin on ma na gabe kantor ni tim konstruksi dohot kontraktor.
5 Mei 2016—Inganan ni kantor cabang
Akka parkarejo papunguhon sampah tu inganan daur ulang. Lao didaur ulang Panitia Proyek Pembangunan ma 95 persen sampah na boi dipakke muse di inganan i, jala on ma na diharikkotton nasida. Dung i, 89 persen ropuk-ropuk ni bangunan, songon batu bata, beton, dohot akka hau, dipapungu asa boi dipakke muse.
23 Mei 2016—Inganan lao paradehon ulaon i
Sahalak parkarejo manutup dalan ni kabel dohot pipa di inganan sementara na dipakke tim konstruksi.
26 Mei 2016—Inganan ni kantor cabang
Sahalak kontraktor mamareso tano lao manottuhon boi manang dang tano i dipakke gabe dalan di inganan ni ulaon i.
31 Mei 2016—Gombar inganan ni kantor cabang
Tanggal 31 Mei 2016, disetujui Punguan na Mangaradoti Organisasi ni Sitindangi Ni Jahowa ma rancangan on. Jala rancangan on pe nungnga disetujui pamarenta disi. Alani i, boi ma ulaon i toktong diuduti.
16 Juni 2016—Inganan ni kantor cabang
Akka parkarejo mambolokkon sampah sian tano, asa boi dipakke muse tano i. Ujungna, dang pola godang hepeng na dipakke lao papindahon dohot manuhor tano.
20 Juni 2016—Inganan ni kantor cabang
Akka parkarejo paiashon inganan na laho dipangke gabe dalan masuk utama. Tongtong do nasida karejo nang pe margambo inganan i alani udan na mansai doras di bulan i.
18 Juli 2016—Inganan lao paradehon ulaon i
Toktong do disiram dalan na dipakke asa boi ias inganan i. On ma na gabe syarat sian Organisasi Standar Proyek Pembangunan. Mandaftar do Panitia Proyek Pembangunan tu nasida asa manggohi pangidoan ni Dinas Tata Kota. Hombar do syarat na dipangido nasida tu poda ni Bibel, i ma mangargai akka halak di luat i jala manjaga inganan i asa toktong denggan.
18 Juli 2016—Inganan lao paradehon ulaon i
Sahalak parkarejo mamonggolhon bosi na lao dipakke mangganjal cerobong pipa AC.
22 Juli 2016—Inganan ni kantor cabang
Akka parkarejo paiasson 20.000 ton tano sian kerikil. Songon gombar na di tonga, dipamasuk ma tano i tu masin penyaring. Dung i, ala marragam do ukuran ni penyaring i boi ma dipasiding akka kerikil na gelleng manang na balga sian tano i. Diangkat ma tano, kerikil na balga dohot na gelleng mamakke rel tu truk pengangkut.
22 Juli 2016—Inganan ni kantor cabang
Dipapinda akka kontraktor ma tano, asa boi inganan ni ulaon i hombar tu syarat rancangan bangunan.
18 Agustus 2016—Inganan ni kantor cabang
Molo taida gombar, di sabola hambirang di tonga, tarida ma nungnga sae akka kontraktor padosdosson inganan ni proyek i, asa boi dibahen fondasi ni gedung na gabe jabu. Di sabola hambirang di ginjang, tarida ma inganan sementara na diingani 118 parkarejo disi.
Mungkin Lomo do Rohamuna Mamboto
PROYEK PEMBANGUNAN
Galeri Foto Inggris 3 (September 2016 sahat tu Februari 2017)
Denggan do perkembangan ni ulaon pajongjongkon kantor cabang ni Saksi Jahowa di Inggris.
PROYEK PEMBANGUNAN
Mangalinggomi Akka Binatang Liar di Chelmsford
Saksi Jahowa di Inggris mulai pajongjokkon kantor cabang na baru di jonok ni Chelmsford di provinsi Essex. Aha do na dibahen nasida lao mangalinggomi akka binatang liar?