Dua anggota tim eksterior paturehon simin naung dibahen tu batu bata. On ma na lao dipakke asa boi lokkot tu kerangka bosi, jala dipasang ma i tu dinding baja.

Sahalak anggota tim arsitektur mambahen tanda didia do annon dibahen dinding ni apartemen. Dipakke ibana do laser na di tripod dohot tongkat pengukur. Di bagian pudi, i ma Inganan F. Dikarejohon dope bagian dalamna.

Sahalak borua manemprothon aek tu dinding naung diplester, dung i dirapihon ma i. Asa hemat aek, dibuat Departemen Finishing ma aek na sian pengatur kelembapan, jala dipangke ma i laho dicampurhon tu plester ni dinding dohot atap.

Di luar ni Inganan E, angka kontraktor mangaspal dalan disi.

Sahalak baoa na marumur 71 taon mambahen dinding luar ni Inganan F. Sian mula ni proyek on, adong lobi sian 100 Sitindangi na marumur lobi sian 70 taon rade mangurupi.

On ma angka inganan molo tabereng sian arah barat. Naeng dibahen do angka tanaman di sude atap ni inganan on. Dung sae dilapis, dipasang penyerap aek dohot saluran aekna, baru ma disuan boni ni angka tanaman. Marlaba do on tu angka binatang na adong disi, boi manghemat energi, jala asa ndang banjir. Di bagian jolo, disi ma annon dibahen fondasi ni inganan A dohot fondasi ni kantor.

Dua halak parkarejo mamasang kosen pintu na sian bosi di pintu masuk apartemen. Nunga dicat hian kosen dohot pintuna i jala nunga dibahen engselna dohot kuncina, jadi mura ma i tingki dipasang.

Tingki botari, angka kontraktor mamasang fondasi ni Kantor. Gombar na di tonga i, dipamasuk angka kontraktor ma baja tu lubang na bagasna hira-hira 20 meter dung i diisi ma i dohot simin. Bangunan na di pudi, i ma inganan B.

Sahalak parkarejo mamasang inganan ni pipa saluran aek las di atap ni inganan parkir. Atapna i dilapisi plafon asa unang ngali lante na di tingkat dua.

Sahalak anggota tim finishing mangamplas dinding naung diplester asa boi annon dibahen lapisna. Adong lubang di alat pengamplas i na boi menyedot debu sian dinding i.

Dua halak parkarejo mangkarejoi dalan. Ditutung nasida ma cetakan na adong di siminna i mamangke api sian gas, jala dibahen ma rongga-rongga asa tubu duhut-duhut disi. On boi mambahen asa ndang adong banjir.

Dua parkarejo manemprothon cat laho melapisi dapur ni apartemen.

Tim perancah mambongkar angka perancah laho mamasang balkon. Pipa na merah i dipangke laho pamasukkon udara hangat tu ruangan. Asa tingki musim dingin hatop koring lante naung disimin, dohot dinding naung diplester jala naung dicat.

Sahalak anggota tim finishing pakaluarhon udara na adong dope di lapisan dinding i. Godang do guna ni lapisan on jala tahan lama. Di pudi i, angka anggota na asing mangecat dinding jala mamasang lapisan dindingna.

Angka parkarejo mambahen rapat andorang so mangulahon karejona. Sahalak na manguluhon parkarejo paingothon taringot keamanan do na umringkot. Jala dipaboa ibana ma angka situasi na porlu diparrohahon asa unang gabe bahaya. Angka parkarejo sian marragam departemen rade do lembur laho paiashon inganan F dohot humaliangna andorang so dipangke.

Angka kontraktor mamangke alat berat laho mamasang balkon di inganan F. Marasing-asing do dibahen warna ni balkon i asa mura ditanda bangunanna. Jala tingki musim gugur gabe bagak ma idaon ala sarupa warnana tu angka daun na disi. Di pudi i, dibungka ma palastik na dibahen di inganan E asa boi dibongkar perancahna.

Dung sae karejo, sahalak baoa dohot istrina papindahon angka barang ni nasida tu inganan F naung sae dikarejohon. Ala dibahen do jabu sementara disi, gabe ndang godang biaya dipangke laho pinda dohot manewa jala parkarejo i pe denggan ma karejo.

Angka kontraktor mangusehon simin tu inganan parkir tingki borngin. Na di pudi, i ma inganan B.

Sahalak baoa dohot istrina mamotong meja dapur mamangke gergaji bulat naung dipasang alat penyedot. Di dapur do dipotong meja i asa mura dipindahon jala dipasang.