DENDZE KWITE NE GHO Seso, po tchente jye ge yeng jeng faʼ be daʼ ye ne kwite mo tchwe ye é kam gho, a po tcheng ge pou loʼgne faʼ ne é a.

MBOUTCHI Pou yap medou mkwôʼ, potse odio-vidéo ba medou potse ne yeng tsuʼ ne gre tchouʼte gwye, ne ne kwite wôkpe ne fouʼte ne yôkpe ha ne Jéova tchum ŋwègne. A be a ghe ge pou sim medou khap. Mboutchi mye po gre a kwite ge pou ghe khap ne bé potse tseng neng be kwite ba ne faʼ tchum dzu. Ne ne kwite ge a ke tuô ne ha ywe, pou yap mtwôʼ mboutchi be a ka tuô ne ting ma ne tchitchi mtsuʼ ne tsuʼ tchouʼte gwye. Po fing ne ghô ba ne donate.pr418.com ne gre poutchi ne intèrnet. Pou tchente khoung baya poutchi le ye po gre a. Pe Laʼte Jye bo tcheng ne ghoʼte wô ne paʼ po de pountum tchu pou ne faʼ Nefo a.

MKWÔʼ Po pe tcheng ye pepoung pyeshe pô. Po pe de mtsuʼ daʼ mye pô toundye yô, pô pye wap tchwe pou a wô, pô pye wap ghe waka pou a wô, ke pô pye wap jiʼte Bible pou a wô a le. Ka po yap sômywe ne she mkwôʼ.

NOUʼSHYE Pou tchyete kwyepgne pe, be tsuʼ pô pye wap gô ghe nouʼ shye a gô pe dze tsuʼ ye pou tingne ne te ha mghôm a. A tcheng ge pô pye wap gô ghe nouʼshye a ghô tchwe tsuʼou Sasedé fôkdzu, te pou ghe ghôm ne gre nouʼshye. A tcheng ge bawele ne pou ne sôʼ de dze ye pou gô ne nouʼ é shye a be a poung ba taʼ tawèt.

PE LE PÔ Pô pye wap faʼ ne ne le pô a si ne kwite wô. Po ghing ne mthôk mye wap gô ha bi po a ne tchi ne tchu metoua yô, tchi ne ghing ne tsuʼ tchouʼte gwye, ne tchi ne le mtsuʼ mye po gô tchwe ne a, ba she potse.

PE LE POUNTUM FAʼA Po pe tcheng ne kwite yô ne mfaʼ mye pou gre ne ne gre ge tchouʼte gwye yeng tchyete pepoung a, po ghô ne jeng faʼ ye a ha potse tsye a tcheng ge pou jye a bing be dé nwe ne pe le pountum faʼ a.

POTSE TSYE A PI POU PING DJÔ A A tcheng ge pou yap bakele ye a pi a ne jeng faʼ potse tsye a pi pou ping djô a. Po fing ne ghô ne jeng faʼ bô be ye ywe pi bi po a. Pou gô le ba po pye wap pi a ne ghô ne jeng faʼ bô. Daʼge ne ne bwôk paʼ taʼ ywe ye a fing ne ghe mo jwing a tchyete a, po pe dé po pô neng be gre ge wap pe a beng po.

Sekou pe sing tchoung pepoung ne Nefo Pou bo khé mŋaʼjye pye mgouʼdzu map bo thoʼ ne 23 kem ne 65 a, pye wap bo tcheng ne kwiʼ faʼ tsap a, ge wap pe bwadzu Sôdé sôʼ ne taʼ tchouʼte ye a gô ghôm nwe ne sekou pe sing tchoung pepoung ne Nefo a. Pou gô ghôm tsuʼ ba tam ye pou gô ghe ya ne a tchum mtchoung.