11. Tchwe ye tyèʼ lômdye tchye a
1 YÔKPE LÔMDYE FING NE HA MKHOUʼ JÉOVA
“Koungne te daʼ mi pe.”—1 Korinto 13:8
Ke fing ne kwite wôkpe ne nyapte mnwe mye pe djô tchum lômdye yôkpe a ?
-
Goung pô pye wap dôm dye a gô ghe mketuʼ. Daʼge ke loʼgne gôm ge lômdye o te gô ying pe.
-
Mghôm ghamte 25:4; Izaya 48:17, 18; Matio 6:33, 34
Tchwe ye taʼ mbè pou djwi é tchente tchwe beng Jéova a, lômdye yap tchente soumte.
2 MGHÔM MÔKPE BA MGHE TSE MÔKPE GRE YWE NE LÔMDYE YÔKPE
“A wap neng ji taʼ bapne.”—Ne thoʼ 2:24
Pe fing ne tchyete ghe ywe tchwepoung ne dze yôkpe ke djwi yôkpe le m tchi ge ke ?
-
Pe tchwe pe dendeng bi dze o ke djwi o le ba m tchum mkwègne mou. O gô tchente jye ywe ye é bo djouʼ tchum ne é a. O yô ge o gre taʼ ywe ye a djè é a, o tcheng ne kwyepgne.
-
Pe te bo tcheng ne laʼ gre ywe tchwepoung bi dze yôkpe ke djwi yôkpe le pe, ne beng ne é ke ne tum tsye le. Mghôm tchuôtuô bôpte taʼ lômdye.
-
Mghôm jyenwe 5:18; Ébraika 13:4
A be bi Jéova, ne paʼ pe mo tak dze é ke djwi é le, gô noung pou a mouʼ mo a, be taʼ hô gwye. Pe gô tchente le khète ne tchwe dendeng bi dze yôkpe ke djwi yôkpe le. Yôkpe lômdye gô pe ywe tuôdeng mnye pe. Pe te bo tcheng ne laʼ gre ywe ye a te ha mkhouʼ bi Jéova, bi dze yôkpe ke djwi yôkpe a le.
3 O FING NE GHE GE YOU LÔMDYE TCHENTE SOUMTE
“A tchye m ne jyenwe te pou kwe taʼ paʼ.” —Mghôm jyenwe 24:3
O fing ne ghe ge ke te you lômdye tchente soumte bing ŋwègne ?
-
Mghôm jyenwe 24:4; Matio 6:14, 15; Roma 12:2; 1 Pètro 3:1
Le tam ne gômte pou a dze o ke djwi o le. Pe gre pepoung bi é, ha mkhouʼ mye neng koung é. Lagne ne pe doʼgne tchousi.
-
Mghôm jyenwe 14:1; 31:29; Filipo 1:9; 2:4; 1 Pètro 3:7
Lo bi Jéova ge é kwite o ne ji taʼ dze ke taʼ mdjwi le, ye é ping boung téʼ a. Tcheng mtchi ne be gre pepoung ba ne pe tchente bing daʼte ge o sè nwe ne dze o ke djwi o le.
-
O ghe goung ywe ye o fing a ne daʼte bi dze o ke djwi o le ge o tchente koung é, neng be ha mkhouʼ mye, be lômdye o gô tchente soumte, o neng gre ge Jéova ŋwègne.