“Po youʼgne bi Si; daʼge khengne Sata, é khu wô gô grô susuô.”​—Yakop 4:7

Pe jye m ge ke ge pe fing ne kengne Sata ?

• Apokalipse 7:9, 14

  Jéova tchu dze ne ywe ye Sata fing ne ghe ne pe a. A be é kaʼgne ge medou pô gô ti vôk, neng tchwe tchum sitchaʼ se.

• 2 Mtchoung Israèl 15:2

  Tchwe ye pe tchwe pe beng Jéova a, Sata ka fing ne pôpte yôkpe ne pe m so pou a Jéova.

• 1 Korinto 10:13; Ébraika 11:4-40

  Jéova khaʼgne ne kwite wôkpe ne pe dendeng bi é, paʼ é le kwite medou é ne mghè faʼ pye tchwedze a.

“Pe ka tuôgne mye mkwègne.”​—2 Korinto 2:11

Ke gre Sata pe doʼ pô pye wap gamte Jéova a ? É gwim ma tchi m yoʼ ?

• Yohané 15:19; Apokalipse 12:12, 17

  Sata saʼ dzu, daʼge é te saʼ pô pye wap gamte Jéova a pe. A pe poʼo, é pe doʼ pe kwaʼ wap.

• Ne thoʼ 3:1; Galata 5:19-21; Éféso 6:12

  Sata tcheng ne jye mtsuʼ mye pe pwa ne a, jye ge é gô ne tuʼ yoʼ ne pe.

• Mtchoʼ 19:26; Izaya 1:13, 15; Markousi 5:25, 26

  Tchwe ye o bo gô le taʼ khète ne tchi hwe ye o gô le a, tchente bôm. Taʼ mo fing ne pe be é tcheng téʼ ne ghe hwe ye a gô pa é a, é le yô, a ghe é ping ba she mhwe mye a fe m bi mghè kè a.

• Bate mtchoʼ 18:10-12; Mfaʼ 19:19; Galata 6:7; Apokalipse 21:8

  Mjwégne tchwepoung yô ge nwe kè boung wôkpe, be wap fing ne tchye m ne duʼ yoʼ ne pe. Pe neng tchoʼ pou yôkpe ne kè be pe te gô ping pe dendeng bi Jéova pe.

“Sata . . . be shwanwe, bing be ta mtchwanwe.” ​—Yohané 8:44

Pe fing ne po tchyagne mtchwanwe Sata m tchi ge ke ?

• Roma 1:11, 12; 2 Timotio 2:16

  Pômneng thate she mtôné, a pe gre pou kwè ge Sata pou a mjwégne tchwepoung be wap tuô te tchye paʼ wap ne be kwaʼ nyenyô a. Daʼge tse ne tchyagne mtôné bô mye a gre pou pwôk mjwégne tchwepoung a, a tcheng ge pe le khète ne pe ha kaktuô tchetche pe.

• Éféso 6:11

  Tchwe ye pe jye m yoʼ mye Sata duʼ ne pe a, pe fing ne kengne é, neng tchwe pe beng Jéova.