4. Nweke pou pe gô ha mkouʼ bi pô pye wap ghe taʼ pawa a ?
1 JÉOVA DE SHE PÔMSOUNG NE DAʼTE JYE BI PE
“Po ha mkhouʼ bi goung pô awè . . . po pwôk Si.”—1 Pètro 2:17
Nweke a pe she mtchum tchuô ne ying ne jye ye pou daʼte bi pe a ?
-
Ne Sè 16:1-3; Ékléziaste 8:9; Roma 5:12
Pô pye Jéova de wap ne daʼte jye bi pe a, be pô mving paʼ wôkpe a.
-
Yéso ha foʼte pepoung bi pe ne tchi ne pe djouʼgne. É le be goung mtchum awè be djouʼgne bi Jéova.
-
Mghôm jyenwe 27:11; Markousi 12:29, 30
Ne koung Jéova tsegne wôkpe ne pe gre mkhouʼ ne mkhète mye. Tchum toundye, pe ha mkhouʼ tadye. Tsuʼ sekhou, pe ha mkhouʼ mtchitcha. Tchum bemte, pe ha mkhouʼ mghetso.
2 JÉOVA NÉ GRE GE TOUNDYE PE WE
“A poʼo te ge we kham mkwiʼte dze Ta, yu ye tso ba ya toundye le them pe bi . . . le.”—Éféso 3:14, 15
Jéova tcheng ge pe ghe mkhouʼ ne paʼ é tchu toundye a. Neke ?
-
Tchwe ye Jéova le nyapte toundye a, é le bo tcheng ge a pe taʼ tsuʼ ye pekhu fing ne kwye ne a, ba tsuʼ ye bawele fing ne youʼ koungne ne, neng koung pyeshe pô a.
-
Mghôm jyenwe 1:8; 1 Korinto 11:3; Éféso 6:1-3; 1 Pètro 3:1
Tchwe ye bawele faʼ tsye faʼ a, toundye dzu pé.
3 JÉOVA BE É HA GOUNG PAWA AWÈ BI YÉSO NE BEMTE
“Kristo be fo bemte.”—Éféso 5:23, NWT.
Nweke a tcheng ge pe pemte faʼ pou a bemte ?
-
Yéso de “gè faʼ dendeng ba djyenwe” ne dé temlaʼ Jéova Si dem tchaʼa.
-
1 Tésalonika 5:12; Ébraika 13:17
Mghetso ba mghè faʼ kwite, kwite mfe tchum bemte ne ghe ge pintum yap lète. Ne pe bemte faʼ pou a mfe bô daʼte ge pe bo gre mkhouʼ ne pawa Jéova.
-
Bawele dzu pé tchwe ye pe tchente tchu pou ne bemte a. Jéova né djap bemte ge pe pe ne gamte é.
4 JÉOVA THAK GE MGÔPNAʼ NAʼ GRE MOUʼ DENG PAWA
“Ne saʼ fe pe bi Si, yu né thak ge ba ya ne saʼ le pe we.”—Roma 13:1, NWT.
Pe fing ne laʼte ge pe bo gre mkhouʼ mgôpnaʼ m tchi ge ke ?
-
Pe daʼte ge pe bo ha mkhouʼ tchye m ne ywe ye pe gre ke gôm a le. A ha ghouʼte bi Jéova.
-
Mkritè djouʼgne ne mtchoʼ goung ye wap tchum o a. Ba m be ye pou bo de wap ne djô goʼ a, wap djouʼgne.
-
Mkhète Bible fing ne kwite o ne youʼgne bi pe saʼ goung.
-
Matio 22:37-39; 26:52; Yohané 18:36; Mfaʼ 5:27-29; Ébraika 10:24, 25
Gôpnaʼ ghôm bou ge o ghe taʼ ywe ye mtchoʼ Jéova te bing a pe, be o gô le khète ne mo ye o gô youʼgne bi é a.