5. Pe tchwe pe te pe ne dzu
1 MKRITÈ BE DENDENG NE NEFO SI
“Nefo tse te be ne yeng dzu pe.”—Yohané 18:36
Pe daʼte ge pe te de pak ne yeng dzu a, neng be tchu pou pe daʼ ne Nefo Si m tchi ge ke ?
-
Izaya 2:2-4; Yohané 6:15; 1 Pètro 3:15
Pe te doʼ shou pe, pe le neng be ne khekhe.
-
Pe te gamte sômywe ye a lé goung a pe. Taʼ foʼte, pe te tchaʼte dze goung pe
-
Pou guʼ kwiʼ de a pou guʼ ne sôʼ te a yôm. Pe byap ge Jéova nyapte goung mnwe yeng dzu te a mi ne mama.
-
Yohané 13:34, 35; 1 Yohané 3:10-12
Goung Mkwithè Jéova pebè ba pedjwi awè be mfe pôkpe, ke wap tem ba ne ya goung, kô, ke temlaʼ le. Pe te gô laʼ sôm tyèʼ loʼ shou tchetche pe pe.
2 MKRITÈ “TE BE NE DZU PE”
“Wap te be ne dzu pe, dendeng paʼ the be ne dzu a pe.”—Yohané 17:16, NWT.
Nweke pe gô tchwe pe te pe ne dzu Sata ?
-
“Dzu”, thoute ge pômneng pye wap te gamte Si a pe, be wap neng gre mkwègne Sata, fo yeng dzu.
-
Pe bo tcheng ge Jéova le wôkpe paʼ mso pye a. Pe thela ne sè, ne ghôm ba ne ghe ywe paʼ Jéova pou Yéso a.
3 MKRITÈ GWAʼ MYE MTCHI NE SÈ DZU
“Pômte tum tsu te tchye goung ywe awè.” —Mghôm jyenwe 4:23
Pe fing ne tchyete ghe mye mtchi ne sè dzu Sata m tchi ge ke ?
-
Sata sè nwe pe ne ye tse, be é ghe ŋaʼne, neng be taʼ kwékwé tchuôtse. É tcheng ge pômneng kwè ge wap te gô youʼgne bi Si pe.
-
Pe daʼte ge pe te be ne dzu pe, tchye m ne mghôm pou a mfaʼ môkpe, ba ne ywe ye a bo tchente dé bawele pe do é a.
-
Pe gô ne khouʼgne ne tchyete ghe mtchi ne sè ba mtchi ne ghe nwe, mye a fe m bi Sata a, be pe fuʼte ne tsôkpe tchwe beng Jéova neng pe ghe ge mkwègne mye lo tchum tum tsôkpe.
4 KHAP TE BÔMTE WÔKPE KWAʼ NYENYÔ PE, A LE PE HA HWITE NYENYÔ TCHUM MKWÈGNE MÔKPE
“Nekele, mo ghe kakhou pe deng gekele, be ywe ye é ghe a te gô ha vôk bi é pe.”—Loukasi 12:15, NWT.
Ke gô kwite wôkpe ne yô kakhou paʼ Jéova djô a ?
-
Sata bo tcheng ne ghe pe kwè ge mŋwègne bapne ba kakhou fing ne ghe pe youʼ pepoung. Daʼge a be Yéso lagne wôkpe tchi paʼ pe fing ne ŋwègne a : Pe gô ghe tchi ne tchwe pepoung pou a Si, neng pe ghe ma ne ghap.
-
Matio 6:31, 32; Markousi 12:30, 31; Loukasi 21:34-36
Tchwe ye pe djap tse yôkpe ne faʼ tsye pe gre bi Jéova a, pe tchwe pepoung. Pe ŋwègne ne ywe ye a be pe ghe a, neng gre hwite tchum mkwègne môkpe.