6. Tchi paʼ pe fing ne tchi mfye môkpe ba potse ne de tam a
1 MTCHI MFYE MÔKPE BA POTSE TSYE PE NE DE TAM A DAʼTE DENG PAʼ PE NE KOUNG JÉOVA A
“Po ghe goung ywe awè ne ne gouʼte Si.” —1 Korinto 10:31
Nweke a tcheng ge pe pôm, tchwe ye pe bo tchi mfye môkpe ba potse tsye pe ne de tam a ?
-
Mghôm ghamte 11:5, 7; 34:14; Roma 12:9; 1 Korinto 6:9, 10
A be tyôʼô, pou guʼ, nwe ghap ba kè, pe tchum boʼgwye potse ne de tam—paʼ mfilme, intèrnèt, potse tsye pou djô tchum télé a, mgèm vidéo, ba mjwôpshye.
-
Tse tsye pe de ne fye, ba mye ne de tam a poung, be a gô ghe pepoung bi pe. A pe potse tchwepoung, be a gô pôpte yôkpe ne pe dendeng dze Jéova.
-
Tse tsye pe de ne fye, ba ne ne de tam a gre ywe ne pe.
2 MKHÈTE BIBLE FING NE KWITE WÔKPE NE TCHI MFYE MÔKPE BA POTSE TSYE PE NE DE TAM A
“Po pe tchente djouʼ ywe ye Jéova tcheng a.” —Éféso 5:17, NWT.
Ma mkhète Bible fing ne kwite wôkpe ne tchente tchi mfye môkpe ba potse tsye pe ne de tam a ?
-
Mghôm ghamte 16:8; Mghôm jyenwe 6:16-19; Galata 5:19-21
Pe gô pô ywe ye Jéova bô a, paʼ pou guʼ, nwe ghap ba kè a.
-
Mghôm ghamte 19:14; Filipo 4:8
Tchwe ye pe dogne mkwègne môkpe pou a potse pepoung neng be sè nwe ne a, a ŋwègne tum Jéova.
-
Pe gô tchente lé deng tam ye pe djap ne fye a. Yôkpe ghamte ye pe ha bi Jéova Si a, gô pe dendze ywe ye a be mtuôdeng tchum yôkpe ne tchwe a.
3 POTSE TSYE PE TCHI A TCHOʼ PYESHE PÔ
“Sôm mo ke tcheng pe daʼ ye nwe, é tcheng ba ye pyeshe pô.”—1 Korinto 10:24
Tchwe ye pe bo tchi môkpe mfye ba potse tsye pe ne de tam a, nweke pe gô pe sè nwe ne tchi paʼ pyeshe pô ne djouʼ ne yap a ?
-
Mkritè te be tchi map mfye ba potse tsye wap ne de tam a, gre pe kwi tchi pe. Pe thela kwaʼ wôkpe ne pe tchi potse pepoung tse ne pe fyèʼ a pyeshe pô, ba tse tsye wap tchi ne ghe a.
-
Saʼtum yôkpe tsegne wôkpe ne tchi she potse. Daʼge, goung yôkpe awè, msaʼtum môkpe te be kwi tchi pe.
-
Pe te bo tcheng ne ghe mfe pôkpe youʼ tchwepoung pe. Pe de jyenwe ne tchi môkpe mfye ba potse tsye pe ne de tam a.
