7. A be bi pe vôk pe be a ghe deng paʼ bi Si a ?
1 A BE BI JÉOVA BE VÔK GHE DENG
“O be tsuʼ ye vôk fe m ne a.”—Mghôm ghamte 36:9
Nweke a tcheng ge pe yô vôk paʼ taʼ poutchi ye a ghe deng a ?
-
Ne thoʼ 1:27; Mghôm ghamte 19:7-11; Mghôm jyenwe 2:6-11
Jéova be é pem goung tse tsye a be a ghe vôk a, ba pômsoung. A be pe ghe deng bi é. É tcheng ge goung pômneng awè tchwe tchum ŋwègne neng gre taʼ tchi ne tchwe ye a ghe deng a.
-
Jéova be é ka pem wôkpe paʼ m mesing a pe. É be é ha lepue bi pe ne tchi ywe ye pe gô ghe a, ba tuô ne de mkhète pepoung, mye a daʼte ge vôk be ywe mtuôdeng bi pe a.
2 A BE BI JÉOVA, MTCHYE PE YWE BE A GHE DENG TÉʼ
“Vôk bap be tchum mtchye.”—Mtchoʼ 17:11
Jéova djô mtchye m tchi ge ke ?
-
Mtchoʼ 17:10; Mghôm jyenwe 13:16; Mfaʼ 15:20; Roma 12:2
She mnwe fing ne ŋwak ne pe, tsegne wôkpe ne le mkhète mye a bo dé nwe dôkta a. Te bya pou ghôm bi pe ge pou gô tu mtchye ke taʼ jeng ne mtchye le ne pe, be pe gô ghe la ? Sôm mo ka fing ne le khète tuôdeng bô ne yôkpe tsuʼ. Daʼge pe gô pe ghe priya ne lo ge Jéova laʼte wôkpe medjye, neng pe tcheng potse tsye a fing ne kwite wôkpe a, te tchi nwe bô ne sôʼ ne pe.
-
Ne thoʼ 9:4, 5, 9; Bate mtchoʼ 12:16; Mfaʼ 15:28, 29
Bible gôm ge mtchye be vôk. Mtchoʼ Si ne mtchye be a la m fe kwyepgne. Te fe te tyèʼ a be a poʼo, te fe ne ye wôdzu Noé, khem ne ye wôdzu ye Israèl le ging ne mtchoʼ Mosè a, ba ne ye wôdzu mkritè.
3 PE GÔ PE YÔ VÔK PAʼ JÉOVA DJÔ A
“Me mtchi ne ghe be a tchye mô mtchi ne ghe, mkwègne me neng be be a tchye mô mkwègne.”—Izaya 55:9
Pe fing ne laʼte ge vôk be ywe mtuôdeng bi pe m tchi ge ke ?
-
Vôk pômsoung be ywe mtuôdeng dze Jéova. Ne té mou vam be ywe be a pôk nekele a be bi Si, mou ye pou bo gô te tse é a, dzèm pe taʼ mo be tse vôk.
-
Mghôm ghamte 103:8-14; Mfaʼ 3:19; Éféso 1:7
Taʼ mdjwi po diʼ paʼ é le té mou a, be Jéova gô tchousi é.
-
Mghôm ghamte 11:5; Ékléziaste 11:9, 10
Pe daʼte ge pe ha mkhouʼ ne vôk, be ye pe gwaʼ spôr ba potse tsye a fing ne ghe mo pi vôk a, ba ma ne pe gre pou guʼ. Pe gô pe lé ge paʼ yôkpe, ba metwa yôkpe pe a pepoung.
4 A BE BI JÉOVA, DZU SATA PE PFYE MTCHYE PÔMNENG
“A le pe poʼo bing djô mdjwi be é pam mtchye pô dôlô.”—Apokalipse 17:6
Nweke a be bi Jéova, dzu Sata pe pfye mtchye pômneng ?
-
A be mtchôsi, khekhe, ba ma ghiʼgne, ghe ge mshouʼ shouʼ pô pfute.
-
Matio 24:14; Yohané 17:16; Mfaʼ 20:26, 27
Mkritè te de pak ne sôm gheng ne yeng dzu pe. Wap te tchu pou ne sôm tchouʼte ye a djwete pômneng a pe, ke be tsegne pômneng ne ghô shou a le. Pye sing tchoung pepoung ne Nefo Si bi pômneng ne kwite wap ne ghe vôk mama.
