8. Jéova tcheng ge mghè faʼ pye pe dô
1 JÉOVA BE DÔLÔ, GOUNG TSE TSYE É GRE A NENG BE DÔLÔ
“Po gô pe dôlô, nekele ge be dôlô.” —Mtchoʼ 11:45
Ne pe dôlô thoute ge ke ?
-
Ne pe dôlô ke ne lô le, dé goung mjeng tchum yôkpe ne tchwe awè. Ne pe dôlô, be ne lô ne beng ne yôkpe, ne mdze ba ne paʼ yôkpe. A be ba ne ghe taʼ ma dôlô, mkwègne dôlô, neng ha ghamte dôlô bi Si.
-
Ne lô ba ne pe dôlô be ywe mtuôdeng bi Jéova.
-
Mghôm ghamte 19:8, 9; Matio 15:18, 19; Filipo 4:8
Ywe ye pe gre a fe ne mkwègne môkpe. Poʼo, pe gô pe ghe goung ywe ye pe fing a, ne ghe ge mkwègne môkpe pe a dôlô.
2 YÔKPE NE GHAMTE SI GÔ PE DÔLÔ
“Po tchwe pe dôlô, wô pye po kwa potse Jéova a.”—Izaya 52:11
Pe gô ghe la te yôkpe ne ghamte Si pe a dôlô ?
-
Pe gwaʼ mkô, ne ping, ba goung potse tsye pou gre, a pe be a tchoʼ ne tchôsi shyeshwe a.
-
Te fe a tyèʼ, Jéova de mtchoʼ ba mkhète mye é ha bi mghè faʼ pye a ne bômte wap.
3 MMA TCHWEPOUNG GRE YÔKPE NE PE M SO POU A JÉOVA PWA
“Pe lôgne ne tsôkpe ne goung mving awè ne bapne ba m ne jwégne.”—2 Korinto 7:1
Jéova bo tcheng ge pe waʼ ma tchi mma ?
-
Matio 22:39; Mfaʼ 17:25; Tito 3:1
Pe gwaʼ goung potse tsye a fing ne ghe pe gho ke doʼgne pfu a le. Taʼ foʼte, pe te nwe sika pe, pe le pe nwe mlouʼ te bam, pe le neng be gwim depaʼ khô. Pe gwaʼ potse bô dou ge pe ning deng ne vôk tsôkpe ba ye pyeshe pô, ba ne mtchoʼ goung ye pe tchwe tchum o a.
-
Ba m be ye ne waʼ taʼ ma tchwepoung be a tuô a, pe te bwa mkwé pe. Jéova gô kwite wôkpe ne waʼ ya.
4 PE FING NE WAʼ MMA TCHWEPOUNG MYE A BE PE GHE A
“Ge tchente khyep ne a, djap é ne khè, neng de é paʼ kwô a.”—1 Korinto 9:27, NWT.
Ke fing ne kwite wôkpe ne waʼ mma tchwepoung ?
-
Lo jwégne dôlô bi Jéova, a kwite o ne tôm ne o ne potse tchwepoung mye a fing ne sôʼ tchum mkwègne mou a.
-
Pôm mfilme, mjwôpshye ba pô pye wap fing ne ghe ge a tuô bou ne waʼ mma tchwepoung a.
-
Nyapte ne o paʼ o fing ne sing pyeshe pô, ywe ye a gre te o le pe gre she potse, ba paʼ ne nwe sika a.
