Si khé goung pômsoung awè ge wap tchye m ne priya fou’te ne yap ha beng é. (Psaume 65:2) Da’ge é te djou’ goung mpriya wè pe; a thoute ge é te bing ma wè pe. Ta’ fo’te, ta’ mbè pe de djwi é djô go’, be a fing ne kô pa’ Si gô you’ mpriya mye a. (1 Pètro 3:7) Dendeng po’o, tchwe ye pô a Israèl le tuôtse, be gre a tse tsye a pôk a, Si late be djou’ mpriya map pe. Da’ge Si bing mpriya pô pye wap hô bing bwegne mtum map a, ba tchwe ye a be mhô bô pôk té’ a. Kwa’ nyenyô, ne ghe priya be ta’ khou’ gwye.​—Ké Isaïe 1:15; 55:7.

Yô vidéo Si djouʼ goung mpriya wè a ?

Ne ghe priya be ne ghe ghamte. Ya ne gre te pou gô pe ghe priya da’ bi Jéova, Mo ye é bem wôkpe a. (Matio 4:10; 6:9) Bing kwi’ ne ge, pa’ pe be pô mving a, pe gô tchye m ne tso Yéso te ghe priya nekele é le pfu ne mhô môkpe. (Yohané 14:6) Jéova te bo tcheng ge pe pe gre mpriya mye pe lagne ma bô, dwô’ tchum mtse môkpe a pe, ke ba myé pou bve a le. É tcheng ge mpriya môkpe pe fe tchum tum tsôkpe.​—Ké Matio 6:7; Filipo 4:6, 7.

Mo ye é bem wôkpe a djou’ ba mpriya mye pou ghôm te si a. (1 Samuel 1:12, 13) É gôm bi pe ge pe ghe priya goung mtchwe awè: tchwe yé dzu lô a, ba m bwadzu, tchwe yé pou bo dzu ywe a, ke ba tchwe ye mnwe tu si a le.​—Ké Psaume 55:22; Matio 15:36.

Ne fou’te ne yôkpe ha beng Si te be mou pfe ywe pe, nekele pe tchwe tchetche pômneng be wap ka ghe pintum ne Si, wap neng be gwi pa’ é kha’gne ne ning byagne demtcha’  a. (2 Timotio 3:1, 4; 2 Pètro 3:3, 13) Ya ne gre te a po tcheng ge pyeshe mfe pôkpe pe ha kaktuô bi pe ba wôkpe neng be ha kaktuô bi pou yap.​—Ké Ébraika 10:24, 25.

Ne pe pou a pô pye wap koung Si a kwite wôkpe ne fou’te ne yôkpe ha beng é. Mtchou’te Mkwithè Jéova ha medjye pepoung ne gre ge pintum pyeshe pô kwi’ yôkpe.​—Ké Roma 1:11, 12.

Ne tchente sè nwe ne ywe ye o dagne tchum ghôm Si a gô kwite o ne fou’te ne o ha beng Jéova. Pe sè nwe ne mfa’ mye, mthôk mye, ba mka’gne mye. Ne pe sè po’o bing be gre mpriya gô ghe ge o yô deng ye koungne ba jyenwe Si be a ghe a.​—Ké Josué 1:8; Psaume 1:1-3.

O fing ne pe beng Si da’ be yé o yap tum tsu ne é bing gre pintum ne é a. Da’ge pintum be pa’ ta’ flawa ye a bo tcheng ge pou khim a. O gô pe goung mtchwe awè pe khim pintum o tchye m ne ne sè nwe ne tse tsyé a gre te o ping ghôm Si a.​—Ké Matio 4:4; Ébraika 11:1, 6.

Jéova sè nwe ne pô pye wap koung é a. É fing ne pômte o ne goung tse tsyé a fing ne pakgne pintum o a, ba you ne pyap vôk mama te môkte. (Psaume 91:1, 2, 7-10) É bapte o ne mtchi ne tchwe mye a fing ne ma’ gho ne o, ke khô pa’ bé o ŋwègne a le. É dagne o ye tchi ne tchwe ye a poung té’ a.​—Ké Psaume 73:27, 28; Yakop 4:4, 8.