Pe hônwe, djô goʼ neng pfu, dou paʼ dendze mbè pou dwji é, Adam pou Éva, le tuôtse bi Si a. * Daʼge, yôkpe ne pe ka mi poʼo. Jéova be é tchye m ne Mou é Yéso Kristo, gyèʼ jye ne bvôk wôkpe ne mhô ba vu. Bible jiʼte ge Yéso le tchye m ne vu é, ha ywe ne djo tse. Taʼ ywe ne djo tse, be ywe ye pou bé ge pou tak mo neng a. Yéso le le vôk tsye te mving ne bé, ne ne thé wôkpe kwô mhô ba vu. (Ké Matio 20:28.) Tchwe ye Yéso le le pountum bing ne tak vôk mama ye é le fing ne ghe demtchaʼ neng a, é le hyéʼ jye bi pe ne ping gre goung potse tsye Adam pou Éva le pi a. Yéso le ping daʼte ba deng paʼ wap pou Jéova koung wôkpe téʼ a. Yenge jiʼte gô kwite ne ping tchente goʼte ne paʼ Yéso le ping ne pfu a.

1. Pe fing ne tsu pé ne vu Yéso tyôʼô m tchi ge ke ?

Paʼ pe be pô mhô a, pe gre medou potse tchwepoung tsye a bôk Jéova a. Daʼge, a bya pe tchente be diʼ mhô môkpe, neng tchye m ne Yéso Kristo do bi Jéova ge é tchousi yôkpe, neng bing gre goung ywe ye pe fing a ne ne thakte ping gre mhô bô, be pe fing ne tchente be mso tchuô pou a Si. (1 Yohané 2:1) Bible gôm ge : “Ne paʼ kwaʼ yu Kristo be é pfu ne mhô, pfu kwi tchum, yu mo dendeng ne tse pô te pe dendeng, poʼo ge é le wô gô dze Si.”—1 Pètro 3:18.

2. Pe gô ti tsu pé ne vu Yéso tchum mtyèʼdzu dze m tchi ge ke ?

Jéova be é le tchya Yéso ge é ha vôk momsoung te mbving ye a le be é ghe a, “poʼo ge baya mo le ye é ping [Yéso] a, é ke pfu, é ghe vôk mama.” (Yohané 3:16) Tchye m ne ywe ye Yéso le ghe a, a tchuʼ mouywe Jéova simgne goung potse tsye tuôtse Adam le ghe ge a pe si a. A thoute ge, pe la daʼte pintum ne nounpwôʼ Yéso, be pe gô ghe sô ne sôʼ tchwe mama tchum paradisi demtchaʼ a !—Izaya 65:21-23.

 PING TCHENG NE GÔ DZE

3. Vu Yéso thé wôkpe kwô ne mhô ba vu

1. Adam le be taʼ mo te mbving ye é le tuôtse bi Si a, paʼ é le neng gre poʼ a, goung pômsoung awè hô neng pfu

2. Yéso le be taʼ mo te mbving ye é le youʼgne bi Si a, poʼ o, é le ha sô bi pômsoung ne ghe ne te mbving, neng tchwe mama

4. Goung pô awè fing ne tsu pé ne vu Yéso

 5. Ywe ne djo tse be poutchi ye Jéova ha bou a

Mso Jéova djô ywe ne djo tse paʼ taʼ poutchi ye é ha kwaʼ bi pou a. Taʼ foʼte, ké Galata 2:20, neng gômte ne hente yenge :

• Polo le laʼte m tchi ge ke, ge é le djô ywe ne djo tse paʼ taʼ poutchi ye pou gre kwaʼ bii a ?

Tchwe ye Adam le hônwe a, yu ba goung kregne é awè le gô pfu. Daʼge Jéova le tchya Mou é ge é pfu, poʼo ge o ghe sô ne sôʼ tchwe mama.

Tchwe ye o gô po ké mkhè Bible menge a, naʼ kwègne tchi paʼ, Jéova le gô po youʼ ne é tchwe ye Mou é le bo djô goʼ a. Ké Yohané 19:1-7, 16-18, neng gômte ne hente yenge :

• O djouʼ ne o m tchi ge ke ne ywe ye Jéova pou Yéso le ghe bou a ?

 YE NE KHAMTE

Ne paʼ Yéso le pfu a, a gre ge Jéova fing ne tuôgne mhô môkpe; be pe neng fing ne ghe sô ne tchwe mama.

O lagne ke ?

• Nweke Yéso le pfu ?

• Vôk te mbving Yéso le pe taʼ ywe ne djo tse ye a tchouʼgne a m tchi ge ke ?

• O fing ne tsu pé ne vu Yéso m tchi ge ke ?