JIʼTE 18
Ghôm nwe tchi paʼ a gô jiʼte mo ywe a
1 Korinto 9:19-23
YE NE KHAMTE : Ghe pô pye wap bo djouʼ o a sè nwe, jye ge a gô ghe wap youʼ ge wap lagne taʼ ywe ye a fing ne kwite wap a.
TCHI NE GHE :
-
Kamte ywe ye pô pye wap bo djouʼ o a tsem jye a. Ke ghôm a daʼ nwe ne potse tsye wap daʼ djouʼ a; kwite wap ne youʼ ywe se ne ywe ye o bo gôm a.
-
Tcheng potse ne, neng tchente sè nwe ne. Tchwe ye o fing a, le mtchoung mye pou ka tchente jye a, ba potse tsye a tchyete tchum dzu a, ne thoute mkhè gugwye. Tchente sè nwe ne potse tsye o gô ghôm nwe ne a, ba ne tchi paʼ a bo tchouʼgne ne mtchoung mye o bo gô ha a.
-
Laʼte ge ywe ye o bo gôm a gô kwite. Toute tchi paʼ taʼ khè Bible fing ne kwite pô ne yap tchi ne tchwe a. Ghôm nwe ne mnwe mye a gre ge baya mo le ghôm ywe ye é bo sè a, ba ne mnwe mye a bo dé pô pye wap bo djouʼ o a.
