JIʼTE 2
gi ne gôm nwe
2 Korinto 2:17
YE NE KHAMTE : Ghôm nwe paʼ pou jye ge o ji gôm a, ne ghôm a pe fe tchum tum tsu, ne ne daʼte ywe ye o bo sè ne ywe ye o bo gôm a, ba ne pô pye o bo gôm nwe bi pou a.
TCHI NE GHE :
-
Tchente nyapte ne o neng gre priya. Ghe priya ne do ge Si kwite o ne tchyete tu mkwègne mou ne beng ne o, daʼge, m ne ywe ye o bo gôm a. Tchente djap mkwègne mou ne mkhè ghôm gugwye mye o gô ghôm nwe ne a. Tse ne ké pe mghôm mye o djô tchum taʼ ŋwaʼgne a, le pe mghôm mye o ji jye a te ne gôm.
-
Ne ghôm a pe fe tchum tum tsu. Sè nwe ne ywe ye a gre te a po tcheng ge pô pye wap bo djouʼ o a, youʼ ywe ye o bo gôm a. Yap mkwègne mou ne pou. Poʼo, you tchi ne tingne, ne ŋakgne mjeng ne mou, ba tchi paʼ se o bo ne tchwe a, gô laʼte ge o bo de kwaʼ tum tsu gôm nwe, neng bo de ŋwègne gôm.
-
Lé pô pye wap bo djouʼ o a. Ne you tsuʼ ye o tchwe ne a, a pe be a ka pôk ne lé pô tchwe ye o bo gôm nwe bi pou a, o lé wap. Tchwe ye o bo ha taʼ ghôm a, lé taʼ mo pe do é tse ne maʼ mnye mou ne ne dé medou pô.