JIʼTE 7
Potse nyenyô neng be kwite mo ne ping
Loukasi 1:3
YE NE KHAMTE : Wim potse tsye a nyenyô a ne kwite pô pye wap bo djouʼ o a, ne yô ywe ye o bo tcheng ge wap youʼ a.
TCHI NE GHE :
-
Tcheng potse ne mtsuʼ nyenyô. Ghe ge potse tsye o bo gôm a fe m tchum Bible. Ké pe kwaʼ tchum o be ye o fing a. O pe gô ghôm nwe ne faʼ pe thaʼdzu, ne taʼ tchoung, ne taʼ ywe ye a tchyete kwaʼ m ne o a, ke bakele ye o bo tcheng ne ne thoute you khè ghôm a le, o lendze dé be ye a bo fe ne taʼ tsuʼ pepoung a, neng be nyenyô a.
-
Jye ne wim mtsuʼ mye o tcheng potse ne a. Toute mkhè Bible m tchi paʼ a gô tchouʼgne ne ywe ye pyeshe mkhè Bible, goung Bible awè, ba mŋwaʼgne “gèfaʼ dendeng ba djyenwe” gôm a (Mat. 24:45). O pe tcheng potse ne she mtsuʼ mye a te Bible ke mŋwaʼgne môkpe a le, o wim ma bô paʼ gô tchouʼgne ne ywe ye mo ye é bve a le be ne gôm a, ke ba ywe ye a le gre te é ve ya a le.
-
Le potse tsye o tcheng a ne kwite pô ne sè nwe. Tchwe ye o ming ne ké taʼ khè Bible, ke be o ghôm nwe ne taʼ ywe be o té ne mouʼ tsuʼ a le, ha mhente pepoung ke ha taʼ foʼte le, ne kwite pô pye wap bo djouʼ o a, ne té ywe ye o ke bo tcheng ge wap youʼ a pe kwaʼ wap.