Yéso le pe ne mtyèʼdzu mye é le bo gô pfu a gôm ge: “Pou gô sôʼ sing tchoung pepoung yeng ne Nefo tchum goung dzu awè. A pe mkwithè bi pe te pe pe Youdéa. Te dzu mi.” (Matio 24:14) Te yeng faʼ ne sing ghôm Si ne goung demtchaʼ awè le bo gô tchyete m ge ke? Kwaʼ ne foʼte ye Yéso le tak tchwe ye é le demtchaʼ a.​—Loukasi 8:1.

Pye thela ne ghô mdye pô dé wap. Yéso le lagne bi pekhu pye ne pe gô mdye pô sing tchoung pepoung. (Matio 10:11-13; Mfaʼ 5:42; 20:20) Mdendze kritè le be wap ghe taʼ pap tsuʼ ye wap le be gô sing ghôm Si ne a. (Matio 10:5, 6; 2 Korinto 10:13) Dendeng poʼo, ba tyôʼô baya bemte le be é ghe taʼ pap tsuʼ ye é gô pe sing ghôm Si ne a. A tchye m poʼo pye kouʼgne ne ghô shyagne nwe Nefo, bing ha kwithè bi goung pô awè.​—Mfaʼ 10:42.

Pye thela ne ghô ba tsuʼ kele ye pômneng ne a. Yéso le ha foʼ ne paʼ é le be sing ghôm Si bahale ye é yô pômneng ne a; ke a pe beng shye dzentseng ke ba beng ghum shye le. (Markousi 4:1; Yohané 4:5-15) Pye ging ne foʼte é ne paʼ pye tcheng djye ne thoʼ ne ghôm nwe ne Bible bahale ye pye fing a: ne mejye, ne mtsuʼ faʼ, tchum mka ke ba m téléphone le. Tchwe ye pye yô djye a, pye sing tchoung pepoung bi mghè dze dye môk, bi pô pye pye a pou faʼ a ke kho sekou a le, ba bi pô toundye yôk. Kaktuô yeng be a kwite ge pô ne goung demtchaʼ awè youʼ ‘tchoung pepoung ye a ha vôk a.ʼ​—Psaume 96:2.

A gô ŋwègne bou ne sing tchoung pepoung Nefo Si, ba ywe ye a bo thoute ne mtyèʼdzu dze a bi we? Ke lwôʼ tchoung yeng ye a kwite ne pyap tyèʼdzu dze pepoung te môkte a pe daʼ bou. Ghôm nwe ne ba tchwe kele ye o yô jye a!

• “Tchoung pepoung” ye pou gô sing a be ya?

• Mkwithè Jéova foʼte Yéso ne ma mtchi ne sing ghôm Si?