Ne mdendze mtchouʼte mkritè, pou le be jwôp mshye, be gre mpiya, be khé ba mnye ŋwaʼgne dôlô bing kwigne mghôm ne​—pou late be ging ne taʼ kô be pou tu pe. (1 Korinto 14:26) A tchyete kwaʼ poʼo ne mtchouʼte môk.

Ywe ye pou jiʼte a fe tchum Bible neng be kwite. Ne tchwe ye gapdzu we mi a, baya bemte le tchouʼte djouʼ taʼ ghôm ne Bible ne menék 30, a pe daʼte tchi paʼ mnye ŋwaʼgne dôlô fing ne kwite wôk ne yôk ne tchwe ba ne yôkpe wôdzu a. Tchwe o bô, baya mo le fing ne lé khè Bible ye pou we khé a pe kwaʼ tchum ye Bible. Tchwe yé yebô jeng mi a, pou ping gre Jiʼte “Dye Djapnè”, ne taʼ hawa. Bawele ye é koung a fing ne paʼ ghôm ne ye bô jeng ye a them tchum Dye djapnè ne jiʼte ywe a. Yebô jeng tchouʼte kwite wôk ne pe ging ne mkhète Bible ne yôk ne tchwe. Pou neng jiʼte pe taʼ ywe tchum mbemte 120 000 te twôk mye a ne goung demtchaʼ awè a.

Pou tchye taʼ sekou ne dagne ne jiʼte pô. Pye bing tchouʼte taʼ bwazu tchum gapdzu, kho taʼ tchouʼte be a ghe mjeng ta pou pe khé ge Tchi ne tchwe ba faʼ kritè. Potse tsye pye ne ko a tem tchum Ŋwaʼgne tchouʼte Tchi ne tchwe ba faʼ kritè. Tchouʼte bô toʼ pou a ye jeng ye pou khé ge Potse mtuôdeng tchum Ghôm Si a. A kwite wôk ne tchente djouʼ taʼ pap Bible ye pou nyapte ge bawele lendze khé a. Mouʼ jeng tem jum o pou pe khé ge Tchente tchwiʼte Ghôm Si, a pe daʼte wôk tchi ne gôm nwe ne Bible bi pyeshe pô. Taʼ mo ha mthôk ne kwite wôk ne ping be tchente khé ywe ba ne pe tchente gôm nwe. (1 Timotio 4:13) A ne mi mouʼ jeng ye pou khé ge Tchi ne Tchwe Kritè a, pe daʼte tchi ne pe ging ne mthôk Bible goung mtyèʼ awè. Taʼ jeng kwigne ghôm be ne, taʼ mo pe ha mhente pyeshe pô paʼ, a pe kwite wôk ne tchente djouʼ Bible.

Tchwe ye o gô sôʼ mtchouʼte môk a, tchi ne jiʼte Bible ye a be pye ghe a te gô tchye te tchye o pe.​—Isaïe 54:13.

• Mtchouʼte Mkwithè Jéova tchyete m ge ke?

• O bo tcheng ne ti dendze sôʼ ne ya ne mtchouʼte môk?