Bible be a le kaʼgne ge tchwe ye Yéso le gô pfu a, a pô tchwepoung lousi tchetche mdendze mkritè, neng kwepgne nwe nyenyô ye Bible dagne a. (Mfaʼ 20:29, 30) A le neng tchyete a kwaʼ poʼo. Potse tsye Yéso le lagne a le tamte pou a mtchwanwe. A neng gre pe mkritè tchwepoung toʼ ne pe we. (2 Timotio 4:3, 4) Ke fing ne ghe te pe jye ge yôkpe tchi ne youʼ potse tsye Bible dagne a be tyôʼô be nyenyô?

A le be tam ŋwak. Jéova Si be é le kaʼgne ge ne “mtyèʼdzu jum” jyenwe nyenyô le bo gô sa dzu. (Daniel 12:4) Ne gouʼ 1870, mouʼ deng pô bo tcheng ne jye nwe nyenyô le youʼ ge medou potse tsye mtchôsi le dagne a late be tsye Bible dagne a pe. A pe poʼo wap tcheng ne youʼ ywe ye Bible le ne thoʼ be dagne a. Jéova neng kwite wap.

Pô nyenyô le tchente dagne Bible. Pe Jiʼte Bible le be wap ghe taʼ tchi ne dagne Bible. Pye neng bing gre pe poʼo tyôʼô. Wap le bé Bible mtse mtse. Tchwe ye ywe naʼ bo tuô wap ne youʼ a, wap tcheng she mkhè mye a le bo thoute ya a. Tchwe ye wap youʼ taʼ ywe, Bible le po gô ping kengne ya bô ne mouʼ tsuʼ a, wap ŋwaʼ ya. Wap pe poʼo be thak ge Bible toute ne é pe do é, a neng kwite wap ne youʼ nyenyô ne tso Si, ne Nefo é, ne ywe ye Si tcheng ne demtchaʼ ba pômneng a, ne tsouʼ ye pô pye wap pfu a be m ne a, ba ne ywe ye Bible gôm ne yam vu a. Potse tsye wap tcheng a le té wap ne medou mtchwanwe mye pou le gre le be dagne ne ye bô tam a.​—Yohané 8:31, 32.

Ne gouʼ 1879, pe Jiʼte Bible le youʼ ge tam le be a khouʼ ne ghe ge pou tchente jye nwe nyenyô. Wap toʼ ne té ŋwaʼgne ŋwe Dye Djapnè tchwiʼte Nefo Jéova. A neng dje tyôʼô pye pe thé ŋwaʼgne mŋwe bô. Pye be tyôʼô be sing nwe nyenyô tchum mgoung 240, ne mghôm 900 te twôk. Nwe nyenyô lam fe sa dzu paʼ tyôʼô a!

• Tchwe ye Yéso le pfu a, ke le ŋwak ne nwe nyenyô Bible?

• Ke le kwite ge pou ping jye nwe nyenyô ye a tchum ghôm Si a?