Mnye ŋwaʼgne grikia gôm nwe ne Barnabas pou gè them Polo, she mkhuʼ dé pye wap le gô dé mdendze mbemte mkritè a. Neke? Wap le tchente sè nwe ne ye ne pe pyeshe mkritè. Polo le ghôm ge: “Pou pegne dé mfe [. . .] pou ghô djô dze tsuʼ ye wap ne a.” (Mfaʼ 15:36) A late bo bakgne é ne ying be a ne gwè a kilométa khe te twôk ne gô ha kaktuô bi pou pe. Ba mkhuʼ dé tyôʼô kwiʼ tcheng ne ghe pe poʼo.

Wap sôʼ ne ha kaktuô bi pye. Ba ya khuʼ dé le dé nwe ne mbemte gwè a moubue; wap tchye taʼ gapdzu pou a baya bemte le mtchum bue ne gouʼ. Tse tsyé wap jye bing djô a, ba ye pedjwi pap (be ye wap lômdye a) kwite wôkpe téʼ. Wap koung ne lagne ne jye pomsem ba pekhu, ba ne tchya wôk pé ne sing ghôm Si bing gre mjiʼte Bible môk. Wap pou a mghetso gô dé she mfe bemte neng ha kwaʼ kwite ye a tcheng a bi pou. Wap ha mghôm kaktuô tam mtchouʼte bemte ba mtchouʼte gwye.​—Mfaʼ 15:35.

Wap dé nwe ne goung pô awè. Mkhuʼ dé kwite mfe ne ghe ge yap ne pe pou a Jéova tchente boung. Wap tchouʼte pou a mghetso ba mghè faʼ kwite ne ne gôm nwe ne tchi paʼ bemte kwye tchum jwégne a, ba ne ne ha mthôk bi pou ne tchi paʼ wap gô faʼ faʼ tsap a. Wap kwite mŋaʼjye ne ghe ge faʼ tsap ne sing ghôm Si yam mthôm pepoung. A tchente boung wap ne jye pô se pye wap bo te sôʼ tchum bemte a, neng be hente tchi paʼ wap bo ne kwye tchum jwégne a. Baya mo le ne pou de pountum faʼ, be de ne é paʼ taʼ “so faʼ a” bi pye. (2 Korinto 8:23) Pintum yap ba yap tchi ne le mkhouʼ bing Si be bi pye be kwaʼ mfoʼte pepoung.​—Ébraika 13:7.

• Nweke mkhuʼ dé pe gô tchum mbemte?

• O fing ne ghe la te dzu pé tchwe ye wap sôʼ a?