Ɛsdrasi 2:1-70
2 Nvle’n nunfuɛ nga be trali be ɔli mɔ be sali be sin’n,+ be nga Nebikadnezaa m’ɔ ti Babilɔnin famiɛn’n trali be ɔli Babilɔnin’n,+ mɔ i sin’n be sali be sin Zerizalɛmun nin Zida mɛn’n nun’n, mɔ be tinuntinun be ɔli be klɔ’m be su’n,+
2 be nin Zorobabɛli,+ nin Zesua,+ nin Neemin, nin Seraya, nin Reelaya, nin Maadose, nin Bilsan, nin Mispaa, nin Bigvai, nin Reumun, ɔ nin Baana yɛ be bali-ɔ.
Izraɛli yasua’m be nuan yɛ:+
3 Parɔsu i mma mun, be ti sran akpi nɲɔn ya kun ableso-nin-nɲɔn (2.172).
4 Sefatia i mma mun, be ti sran ya nsan ableso-nin-nɲɔn (372).
5 Ara i mma mun,+ be ti sran ya nso ableso-nin-nnun (775).
6 Paati-Moabu i mma mun,+ be fin Zesua nin Zoabu be osu’n nun, be ti sran akpi nɲɔn ya mɔcuɛ blu-nin-nɲɔn (2.812).
7 Elamun i mma mun,+ be ti sran akpi kun ya nɲɔn ablenun-nin-nnan (1.254).
8 Zatu i mma mun,+ be ti sran ya ngwlan ablanan-nin-nnun (945).
9 Zakai i mma mun, be ti sran ya nso ablesiɛn (760).
10 Banin i mma mun, be ti sran ya nsiɛn ablanan-nin-nɲɔn (642).
11 Bebai i mma mun, be ti sran ya nsiɛn ablaɔn-nin-nsan (623).
12 Azgadi i mma mun, be ti sran akpi kun ya nɲɔn ablaɔn-nin-nɲɔn (1.222).
13 Adonikamun i mma mun, be ti sran ya nsiɛn ablesiɛn-nin-nsiɛn (666).
14 Bigvai i mma mun, be ti sran akpi nɲɔn ablenun-nin-nsiɛn (2.056).
15 Adɛn i mma mun, be ti sran ya nnan ablenun-nin-nnan (454).
16 Atɛɛ i mma mun, be fin Ezekiasi i osu’n nun, be ti sran ablangwlan-nin-mɔcuɛ (98).
17 Bezai i mma mun, be ti sran ya nsan ablaɔn-nin-nsan (323).
18 Zora i mma mun, be ti sran ya kun blu-nin-nɲɔn (112).
19 Asumun i mma mun,+ be ti sran ya nɲɔn ablaɔn-nin-nsan (223).
20 Gibaa i mma mun, be ti sran ablangwlan-nin-nnun (95).
21 Bɛtleɛmunfuɛ mun, be ti sran ya kun ablaɔn-nin-nsan (123).
22 Netofa yasua mun, be ti sran ablenun-nin-nsiɛn (56).
23 Anatɔtu yasua mun,+ be ti sran ya kun ablaɔn-nin-mɔcuɛ (128).
24 Azmavɛti i mma mun, be ti sran ablanan-nin-nɲɔn (42).
25 Kiriati-Zearimunfuɛ mun, nin Kefirafuɛ mun, nin Beerɔtifuɛ mun, be ti sran ya nso ablanan-nin-nsan (743).
26 Ramafuɛ mun,+ nin Gebafuɛ mun,+ be ti sran ya nsiɛn ablaɔn-nin-kun (621).
27 Mikimasi yasua mun, be ti sran ya kun ablaɔn-nin-nɲɔn (122).
28 Betɛli yasua mun, nin Ai yasua mun,+ be ti sran ya nɲɔn ablaɔn-nin-nsan (223).
29 Nebo i mma mun,+ be ti sran ablenun-nin-nɲɔn (52).
30 Mabisi i mma mun, be ti sran ya kun ablenun-nin-nsiɛn (156).
31 Elamun kunfuɛ’n i mma mun, be ti sran akpi kun ya nɲɔn ablenun-nin-nnan (1.254).
32 Arimun i mma mun, be ti sran ya nsan ablaɔn (320).
33 Lɔdu, nin Adidi, nin Ono be mma mun, be ti sran ya nso ablaɔn-nin-nnun (725).
34 Zerikofuɛ mun, be ti sran ya nsan ablanan-nin-nnun (345).
35 Senaa i mma mun, be ti sran akpi nsan ya nsiɛn ablasan (3.630).
36 Ɲanmiɛn ɲrun jranfuɛ mun:+ Zedaia i mma mun,+ be fin Zesua i osu’n nun,+ be ti sran ya ngwlan ableso-nin-nsan (973).
37 Imɛɛ i mma mun,+ be ti sran akpi kun ablenun-nin-nɲɔn (1.052).
38 Pasii i mma mun,+ be ti sran akpi kun ya nɲɔn ablanan-nin-nso (1.247).
39 Arimun i mma mun,+ be ti sran akpi kun blu-nin-nso (1.017).
40 Levifuɛ mun:+ Zesua nin Kadimiɛli be mma mun,+ be fin Ɔdavia i osu’n nun, be ti sran ableso-nin-nnan (74).
41 Jue tofuɛ mun:+ Azafu i mma mun,+ be ti sran ya kun ablaɔn-nin-mɔcuɛ (128).
42 Anuan sunianfuɛ’m be mma mun:+ Salɔmun i mma mun, nin Atɛɛ i mma mun, nin Talmɔn i mma mun,+ nin Akibu i mma mun,+ nin Atita i mma mun, ɔ nin Sobai i mma mun, be kwlaa be ti sran ya kun ablasan-nin-ngwlan (139).
43 Ɲanmiɛn sua’n nun lɔ junman difuɛ mun:*+ Zia i mma mun, Asifa i mma mun, Tabaɔti i mma mun,
44 Kerɔsi i mma mun, Siaa i mma mun, Padɔn i mma mun,
45 Lebana i mma mun, Agaba i mma mun, Akibu i mma mun,
46 Agabu i mma mun, Salimai i mma mun, Anan i mma mun,
47 Gidɛli i mma mun, Gaa i mma mun, Reaya i mma mun,
48 Rezɛn i mma mun, Nekoda i mma mun, Gazamun i mma mun,
49 Uza i mma mun, Pasea i mma mun, Besai i mma mun,
50 Asna i mma mun, Meinimun i mma mun, Nefisimun i mma mun,
51 Bakibuku i mma mun, Akufa i mma mun, Aruu i mma mun,
52 Bazulutu i mma mun, Meida i mma mun, Aasa i mma mun,
53 Baakɔsu i mma mun, Sizera i mma mun, Tema i mma mun,
54 Nezia i mma mun, ɔ nin Atifa i mma mun.
55 Salomɔn i sufuɛ’m be mma mun: Sotai i mma mun, Soferɛti i mma mun, Peruda i mma mun,+
56 Zaala i mma mun, Daakɔn i mma mun, Gidɛli i mma mun,
57 Sefatia i mma mun, Atili i mma mun, Pokerɛti-Azebaimun i mma mun, ɔ nin Amin i mma mun.
58 Ɲanmiɛn sua’n nun lɔ junman difuɛ’m* be kwlaa nin Salomɔn i sufuɛ’m be mma’m be ti sran ya nsan ablangwlan-nin-nɲɔn (392).
59 Be nga be fin Tɛl-Mela, nin Tɛl-Aasa, nin Kerubu, nin Adɔn, nin Imɛɛ mɔ b’a kwlá siman be si’m be awlo’n nin be osu’n, mɔ be siman sɛ be ti Izraɛlifuɛ’n be nuan’n yɛ:+
60 Delaya i mma mun, Tobia i mma mun, Nekoda i mma mun, be ti sran ya nsiɛn ablenun-nin-nɲɔn (652).
61 Ɲanmiɛn ɲrun jranfuɛ’m be mma mun yɛ: Abaya i mma mun, Akɔzu i mma mun,+ Baazilai i mma mun. Baazilai sɔ’n jali Baazilai m’ɔ ti Galaadifuɛ’n i mma bla’m be nun kun,+ yɛ be fɛli i sia’n i dunman’n be sieli i su.
62 Sran sɔ’m be kunndɛli be fluwa nga be klɛli be awlobo’m be dunman’n nun’n naan bé sí osu nga be fin nun’n, sanngɛ b’a wunman be. Ɔ maan b’a manman be atin kɛ be di Ɲanmiɛn ɲrun jranlɛ junman’n wie.*+
63 Nvle’n i siefuɛ’n* seli be kɛ be kwlá diman like ng’ɔ ti Ɲanmiɛn liɛ klonglo’n wie,+ saan Ɲanmiɛn ɲrun jranfuɛ kun w’a fa Urimun’n nin Tumimun’n+ w’a usa Ɲanmiɛn i sa.
64 Nvlefuɛ’m be kwlaa be ti sran akpiakpi ablanan-nin-nɲɔn ya nsan ablesiɛn (42.360).+
65 Be kanga yasua nin be kanga bla nga b’a kaman be b’a wlaman nun’n be ti sran akpi nso ya nsan ablasan-nin-nso (7.337). Asa ekun’n, be jue tofuɛ yasua nin bla’m be ti sran ya nɲɔn (200).
66 Be nnɛn kpanngɔ’m be ti ya nso ablasan-nin-nsiɛn (736), yɛ be milɛ’m be ti ya nɲɔn ablanan-nin-nnun (245),
67 be ɲɔnngɔnmin’m be ti ya nnan ablasan-nin-nnun (435), be aflunmun’m be ti akpi nsiɛn ya nso ablaɔn (6.720).
68 Kɛ be juli Zoova i sua’n nun lɔ Zerizalɛmun lɔ’n, be si’m be awlobo’m be su kpɛn wie’m be mannin be klunklo like+ naan be fa kplan Ɲanmiɛn Kpli i sua’n i uflɛ i osu kunngba’n nun.+
69 Sran kun man ng’ɔ kwla man’n. Be kwlaa be mannin sika ɔkwlɛ draki* akpiakpi ablesiɛn-nin-kun (61.000), nin sika minin* akpi nnun (5.000),+ nin Ɲanmiɛn ɲrun jranfuɛ’m be tralɛ tɛnndɛn ya kun (100).
70 Ɲanmiɛn ɲrun jranfuɛ mun, nin Levifuɛ mun, nin nvlefuɛ’m be nun wie mun, nin jue tofuɛ mun, nin anuan sunianfuɛ mun, nin Ɲanmiɛn sua’n nun lɔ junman difuɛ mun,* be ko trannin be klɔ’m be su sɛsɛsɛ, yɛ Izraɛlifuɛ onga’m be kwlaa* be ko trannin be klɔ’m be su.+
Ja ngua lɔ ndɛ mun
^ Annzɛ “Netinimun mun.” Ebr., “be nga be fa be mannin’n.”
^ Annzɛ “Netinimun mun.” Ebr., “be nga be fa be mannin’n.”
^ Annzɛ “be yili be Ɲanmiɛn ɲrun jranfuɛ’m be nun, afin be buli be kɛ be ti fiɛn.”
^ Annzɛ “Tiisata’n,” Pɛɛsifuɛ’m be siefuɛ’m be tɔnndɔnlɛ dunman-ɔn.
^ Ɲanmiɛn Ndɛ’n i bue nga be klɛli i Ebre nun’n i nun’n, minin nga be kɛn i ndɛ’n ti gramun 570. Nian Nd. B14 nun.
^ Annzɛ “Netinimun mun.” Ebr., “be nga be fa be mannin’n.”
^ Ebr., “Izraɛlifuɛ’m be kwlaa.”