Ɲanndra Mun 30:1-33
30 Ndɛ cinnjin nga Zake i wa Agiri kan kleli Itiɛli nin Ikali’n yɛ.
2 Kɛ be se kɛ sran siman like’n yɛle min liɛ’n,+kɛ sran o sa’n, ɔ fata kɛ ɔ wun sa wlɛ. Sanngɛ n liɛ’n, n wunman sa fi wlɛ.
3 M’an suanman ngwlɛlɛ silɛ naan se kɛ ń sí i,yɛ like nga Sran M’ɔ Ti i liɛ Ngunmin’n ɔ si i’n, n siman wie fi.
4 ?Wan yɛ ɔ fuli ɲanmiɛn su lɔ kpɛkun ɔ fin lɔ jrali-ɔ?+?Wan yɛ ɔ fɛli i sa’n trali aunmuan’n niɔn??Wan yɛ ɔ cicili nzue’n i tralɛ’n nun-ɔn?+?Wan yɛ ɔ siesieli asiɛ’n i tiwatiwa’m be kwlaa-ɔ?+?Be flɛ i sɛ? ?Yɛ be flɛ i wa’n sɛ? Sɛ a si i’n, kan.
5 Ndɛ kwlaa nga Ɲanmiɛn kan’n, fiɛn kaan sa nunmɛn i sin.*+Be nga be ko talo i’n, ɔ ti be ɲrɛn.+
6 Ndɛ ng’ɔ kan’n, nán kpɛ wie gua nun,+ɔ timɛn i ti’n, ɔ́ tú ɔ fɔ,kpɛkun bé wún kɛ a ti gblɛfuɛ.
7 Ń srɛ́ ɔ like nɲɔn.Ka naan m’an wu’n, nán se kɛ a fa manman min.
8 Uka min naan m’an yoman ato buafuɛ nin gblɛ kpɛfuɛ.+Nán yo maan n di yalɛ annzɛ n yo aɲanbeunfuɛ.Ɔ li maan n ɲan min aliɛ liɛ n di,+
9 kɛ ɔ ko yo naan min ku w’a yiman naan m’an kaciman min sin m’an siman wɔ’n ti. Afin ɔ cɛman naan m’an se kɛ: “?Wan li yɛle Zoova?”+Nán yaci min lɛ kusu naan yalɛ’n di min. Afin ɔ cɛman naan m’an ko wua naan m’an saci min Ɲanmiɛn’n i dunman.*
10 Nán ko tɔn junman difuɛ kun i suɛn kle i min’n,ɔ timɛn i ti’n, ɔ́ bó ɔ sannzan kpɛkun bé sé kɛ w’a yosa tɛ.+
11 Sran akpasua kun o lɛ’n, be bo be si’n i sannzan,kpɛkun be boman muae manman be nin’n.+
12 Sran akpasua kun o lɛ’n, be bu i kɛ fiɛn nunman be wun,+kusu nn be nin-a saloman be wun fiɛn’n.*
13 Sran akpasua kun o lɛ’n, be yo be wun kpakpa,yɛ be nian be wiengu’m be kain.+
14 Sran akpasua kun o lɛ’n, be je’n ti kɛ tokofi sa,yɛ be aoje’n ti kɛ laliɛ nga be fa kpɛ nnɛn kɔmin’n sa.Be mianmian be nga be leman ɲrun asiɛ’n su’n,ɔ nin yalɛfuɛ mun kplɔlɔlɔ sran’m be nun.+
15 Amlɛnmlɛn’n le ba bla nɲɔn, be kpan se kɛ: “Fa man min! Fa man min!”Ninnge nsan be o lɛ’n, be ku yiman,nnan be o lɛ’n, be seman le kɛ: “W’a yo kpa sɔ!”
16 Be yɛle Ndia’n*+ nin be klun m’ɔ ti kpan’n,nin lika nga nzue nunman lɔ’n,nin sin m’ɔ seman le kɛ “w’a yo kpa sɔ’n!”
17 Sran ng’ɔ yo siɛ kun i finfin’n, mɔ i ɲin yiman niɛn kun’n,+kongo’n nun kɔkɔkuankuan’m bé bóbó i ɲinma’nyɛ anunman ɲin’n i mma’m bé dí i.+
18 Like nsan be o lɛ’n, be tra min kpɛn,*nnan be o lɛ mɔ n wunman be wlɛ-ɔ.
19 Be yɛle anunman ɲin’n i atin ng’ɔ sin su nglo lɔ’n,atin nga kɛ wuo’n sín yɔbuɛ’n su’n ɔ fa su’n,atin nga mmeli’n sin su jenvie’n su’n,atin nga yasua kun fa kɔ talua kun sin’n.
20 Like nga bla ng’ɔ kunndɛ bian i wun bo’n yo’n yɛ:Ɔ di like, ɔ nunnun i nuan wun,kpɛkun ɔ se kɛ: “M’an yoman sa tɛ-o!”+
21 Like nsan be o lɛ’n, be keje asiɛ’nyɛ like nnan be o lɛ’n, ɔ kwlá suanman be bo:
22 Kɛ kanga’n kaci famiɛn’n,+kɛ aliɛ’n bobo sinnglinfuɛ’n i su’n,
23 kɛ be ko ja bla nga sran’m be kpɔ i’n,*kɛ talua kun sin bla ng’ɔ di i sa nun junman’n i osu’n.*+
24 Like nnan be o lɛ’n, be o asiɛ’n su wa ninnge kanngan kpa’m be nun,sanngɛ be si be ngwlɛlɛ liɛ:*+
25 Ijrewa’m be leman wunmiɛn,*sanngɛ wawa nun’n, be kunndɛ be aliɛ’n be sie.+
26 Oya’m*+ be leman wunmiɛn sɔ liɛ,sanngɛ be yo be sua’n yɔbuɛ buɛ’m be nun.+
27 Lalo’m+ be leman famiɛn,sanngɛ kɛ be fite mɔ bé kɔ́ sa’n, ɔ waan sonja mun yɛ be su kɔ alɛ kunlɛ-ɔ.*+
28 Laliɛ’n+ i ja’n mantan like kwlaa wun,kpɛkun ɔ wlu famiɛn’n i sua’n nun.
29 Like nsan be o lɛ’n, kɛ be nanti’n, ɔ yo ɲɛnmɛn,like nnan be o lɛ’n, kɛ bé nánti bé kɔ́ sa’n, be yo ɲɛnmɛn:
30 Asɔmɔli mɔ nnɛn’m be nun’n, ɔ le wunmiɛn dan’n,ɔ wanndiman sran fi ɲrun.+
31 Levrie’n,* nin boli yasua’n,ɔ nin famiɛn nga i sonja’m be su i su’n.
32 Sɛ a dili sinnzin naan a dili ɔ nuan’n,+annzɛ sɛ a guguli kɛ á yó sɔ’n,fa ɔ sa’n kata ɔ nuan’n su.+
33 Afin kɛ be bo nɔnnɔn’n yɛ be yi bɛli’n niɔn,kɛ be mian be bue’n i fii’n, ɔ tu mmoja,kɛ be klɔklɔ sran ya’n, ndɛnngan tɔ.+
Ja ngua lɔ ndɛ mun
^ Ndɛ nga be klɛli i Ebre nun’n, be fa kan blalɛ mɔ be klo i naan bé yí i nun fiɛn’n, i ndɛ.
^ Annzɛ “m’an kan min Ɲanmiɛn’n i dunman’n i ndɛ tɛtɛ.”
^ Ebr., “be sewie’n.”
^ Annzɛ “Seɔlu’n.” Nian Ndɛ’m be bo tulɛ lika’n nun lɔ.
^ Annzɛ “be bo min nuan dan.”
^ Annzɛ “bla nga sran’m be klomɛn i sa’n.”
^ Annzɛ “ɔ kwla bla ng’ɔ di i sa nun junman’n.”
^ Annzɛ “be si ngwlɛlɛ dan.”
^ Ebr., “be ti nvle kun m’ɔ leman wunmiɛn-ɔn.”
^ Oya nga be kɛn i ndɛ wa’n, ɔ la yɔbuɛ buɛ’m be nun.
^ Annzɛ “be bubu be wun nun akpasuaakpasua.”
^ Alua wafa kun-ɔn. I wanndilɛ ng’ɔ wanndi’n, be flɛman.
