Ɲanndra Mun 9:1-18
9 Ngwlɛlɛ’n i kpafuɛ’n kplɛnnin i sua.Ɔ sɛli i sua ja mlomlo nso mun.
2 Ɔ kunnin i nnɛn’n i kpa.Ɔ sɛnngɛnnin i duvɛn’n.Kpɛkun ɔ siesieli i tabli’n.
3 Ɔ sunmɛnnin i talua munnaan be ko jran klɔ’n i lika nga be ti nglonglo’n be su naan be kpan be se kɛ:+
4 “Amun nga amun siman sa’n, amun wlu wa.”Ngwlɛlɛ’n seli be nga ngwlɛlɛ’n w’a timan be kpa’n* kɛ:
5 “Amun bla be wa di min kpanwun’nnaan amun nɔn duvɛn nga n sɛnngɛnnin i’n.
6 Amun yaci amun sinnzin’n* naan amun ɲan nguan.+Amun nanti sa wlɛ wunlɛ’n i atin liɛ’n su be wɔ.”+
7 Sran ng’ɔ tu sran finfin yofuɛ’n i fɔ’n, ɔ guɛ i bɔbɔ i ɲin ase,+yɛ sran ng’ɔ ijɔ klunwifuɛ’n, ɔ́ wún i ɲrun.
8 Nán ijɔ sran finfin yofuɛ’n, ɔ timɛn i ti’n ɔ́ kpɔ́ wɔ.+Ijɔ ngwlɛlɛfuɛ’n, i liɛ’nɔ́ kló wɔ.+
9 Nga a si i’n kan kle ngwlɛlɛfuɛ’n, i liɛ’n ɔ́ sí ngwlɛlɛ kpa trá laa’n.+Kle sran kpa’n i like, yɛ ɔ́ fá úka ng’ɔ si i laa’n su.
10 Zoova i srolɛ’n yɛ ɔ ti ngwlɛlɛ’n i bo bolɛ’n niɔn,+yɛ Sran M’ɔ Ti i liɛ Ngunmin’n i silɛ’n+ yɛ ɔ ti sa wlɛ wunlɛ’n niɔn.
11 Min* ti’n, ɔ cɛn’m bé sɔ́n kpanngban kpa,+yɛ bé mán ɔ afuɛ kpanngban kpa ekun.
12 Sɛ a yo ngwlɛlɛfuɛ’n, ɔ bɔbɔ yɛ á ɲán ɔ ngwlɛlɛ’n i su mmlusuɛ-ɔ,sanngɛ sɛ a ti sran finfin yofuɛ’n, i sin sa ng’ɔ́ bá’n, ɔ ti ɔ ngunmin ɔ ndɛ.
13 Bla ng’ɔ ti sinnglinfuɛ’n i wlɛwlɛ liɛ’n be kanman.+Like fi nunmɛn i ti sɛ’n nun, ɔ siman like fi mlɔnmlɔn.
14 Ɔ ti bia kun su i sua’n i anuan’n nun lɛ,klɔ’n i lika nga be ti nglonglo’n be su.+
15 Ɔ kpan se be nga be susin kɔ’n,be nga be su nanti kɔ be ɲrun trelele’n be kɛ:
16 “Amun nga amun siman sa’n, amun wlu wa.”Bla’n seli be nga ngwlɛlɛ’n w’a timan be kpa’n* kɛ:+
17 “Nzue nga be wua’n, i fɛ liɛ’n be flɛman,yɛ aliɛ nga be fia be di’n, ɔ yo fɛ-o.”+
18 Sanngɛ be siman kɛ lɛ yɛ be nga be wuli mɔ be kwlá kejeman be wun’n be wo-ɔ,naan sran nga bla’n yiali be’n, be o Ndia’n* i bo mmua kpa lɔ.+
Ja ngua lɔ ndɛ mun
^ Ebr., “be leman awlɛn ba’n.”
^ Annzɛ “Amun yaci be nga be siman sa’n.”
^ Yɛle kɛ, ngwlɛlɛ’n.
^ Ebr., “be leman awlɛn ba’n.”
^ Annzɛ “Seɔlu’n.” Nian Ndɛ’m be bo tulɛ lika’n nun lɔ.
