1 Be Ɲoliɛ 2:1-55
2 Izraɛli+ i wa yasua mun yɛ: Ribɛnin,+ nin Simeɔn,+ nin Levi,+ nin Zida,+ nin Isakaa,+ nin Zabilɔn,+
2 nin Dan,+ nin Zozɛfu,+ nin Bɛnzamɛn,+ nin Nɛftali,+ nin Gadi,+ ɔ nin Azɛɛ.+
3 Zida i mma mun yɛle Ɛri, nin Onan, ɔ nin Sela. Ɔ nin Sua i wa bla m’ɔ ti Kanaanfuɛ’n+ yɛ be wuli ba nsan sɔ mun-ɔn. Sanngɛ Zoova i klun w’a jɔman Ɛri m’ɔ ti Zida i wa kpɛn’n i wun. Ɔ maan ɔ kunnin i.+
4 Zida nin i sewi Tamaa+ be wuli Perɛzi+ nin Zera. Zida i mma’m be ngba be ti nnun.
5 Perɛzi i mma mun yɛle Ɛzrɔn nin Amili.+
6 Zera i mma liɛ mun yɛle Zimiri, nin Etan, nin Eman, nin Kalkɔlu, ɔ nin Dara. I mma’m be ngba be ti nnun.
7 Kaamin i wa* yɛle Akaa* ng’ɔ yoli mɔ ɲrɛnnɛn tɔli Izraɛlifuɛ’m be su’n.+ Ninnge ng’ɔ fata kɛ be saci be’n i su mmla nga Ɲanmiɛn kpɛli’n,+ Akaa sɔ’n w’a nantiman su.
8 Etan i wa liɛ’n* yɛle Azaria.
9 Ɛzrɔn i wa ng’ɔ wuli be’n yɛle Zerameɛli,+ nin Ramun,+ ɔ nin Kelibai.*
10 Ramun wuli Aminadabu.+ Aminadabu wuli Nasɔn+ m’ɔ ti Zida i osu’n nunfuɛ’m be su kpɛn’n.
11 Nasɔn wuli Salima.+ Salima wuli Boazi.+
12 Boazi wuli Obɛdi. Obɛdi wuli Zese.+
13 Zese wuli Eliabu. I yɛ ɔ ti i wa kpɛn’n niɔn. I mma’m be nɲɔn su’n yɛle Abinadabu,+ be nsan su’n yɛle Simea,+
14 be nnan su’n yɛle Netanɛli, be nnun su’n yɛle Radai,
15 be nsiɛn su’n yɛle Ozɛmun, yɛ be nso su’n yɛle Davidi.+
16 Be niaan bla mun yɛle Zeruya nin Abigaili.+ Zeruya i mma liɛ mun yɛle Abisai,+ nin Zoabu,+ nin Azaɛli.+ Be ti nsan.
17 Abigaili wuli Amaza.+ Amaza i si’n yɛle Zetɛɛ m’ɔ ti Ismaɛlifuɛ’n.
18 Ɛzrɔn i wa Kalɛbu* nin i yi Aziba be wuli ba. Yɛ ɔ nin Zeriɔti be wuli ba wie. Bla’n i mma sɔ mun yɛle Zesɛri, nin Sobabu, nin Aridɔn.
19 Kɛ Aziba wuli’n, Kalɛbu jali Efrati.+ Ɔ nin i be wuli Ur.+
20 Ur wuli Uri. Uri wuli Bezalɛli.+
21 I sin’n, Ɛzrɔn nin Makii+ i wa bla’n be sili sua. Kɛ Ɛzrɔn jɛ́ i’n, nn Ɛzrɔn le afuɛ ablesiɛn (60). Kpɛkun ɔ nin i be wuli Segubu. Galaadi+ i si yɛle Makii sɔ’n.
22 Segubu wuli Zairi.+ Zairi sɔ’n i klɔ nga be o Galaadi+ asa’n su lɔ’n, be ti ablaɔn-nin-nsan (23).
23 I sin’n, Gesuri+ lɔfuɛ mun, nin Siri+ lɔfuɛ’m be deli Avɔti-Zairi+ be sa nun. Asa ekun’n, be fali Kenati+ nin klɔ nga be o i asa’n su lɔ’n.* Klɔ sɔ’m be kwlaa be ti ablesiɛn (60). Galaadi i si Makii i osu’n nunfuɛ mun yɛle be kwlaa sɔ mun.
24 Kɛ Ɛzrɔn+ wuli Kalɛbu-Efrata lɔ’n, i yi Abia wuli ba kun. Be flɛ i kɛ Asuu,+ Tekoa+ i si’n* niɔn.
25 Zerameɛli m’ɔ ti Ɛzrɔn i wa kpɛn’n wuli Ramun. Ramun sɔ’n yɛ ɔ ti i wa kpɛn’n niɔn. I sin’n ɔ wuli Buna, nin Orɛnin, nin Ozɛmun, ɔ nin Aia.
26 Zerameɛli jali bla kun ekun, be flɛ i kɛ Atara. Onamun i nin’n niɔn.
27 Ramun m’ɔ ti Zerameɛli i wa kpɛn’n, i mma liɛ mun yɛle Maazi, nin Zamɛn ɔ nin Ekɛɛ.
28 Onamun i mma mun yɛle Samai nin Zada. Samai i mma liɛ mun yɛle Nadabu nin Abisiri.
29 Abisiri i yi’n suan Abiaili. Ɔ nin i be wuli Aban nin Molidi.
30 Nadabu i mma mun yɛle Selɛdi nin Apaimun. Selɛdi liɛ’n w’a wuman ba naan w’a wu.
31 Apaimun i wa* yɛle Isei. Isei i wa liɛ’n* yɛle Sesan. Yɛ Sesan i wa* yɛle Alai.
32 Samai i niaan bian Zada i mma mun yɛle Zetɛɛ nin Zonatan. Zetɛɛ liɛ’n w’a wuman ba naan w’a wu.
33 Zonatan i mma mun yɛle Pelɛti nin Zaza. Zerameɛli i osu’n nunfuɛ mun yɛ be o lɛ-ɔ.
34 Sesan w’a wuman ba yasua, ba bla ngunmin yɛ ɔ wuli be-ɔ. Sesan sɔ’n i junman difuɛ kun o lɛ’n, be flɛ i kɛ Zara. Ɔ ti Eziptifuɛ.
35 Sesan fɛli i wa bla’n mannin Zara m’ɔ ti i junman difuɛ’n kɛ ɔ jɛ i. Ɔ nin i be wuli Atai.
36 Atai wuli Natan. Natan wuli Zabadi.
37 Zabadi wuli Ɛflali. Ɛflali wuli Obɛdi.
38 Obɛdi wuli Zei. Zei wuli Azaria.
39 Azaria wuli Elɛzi. Elɛzi wuli Eleasa.
40 Eleasa wuli Sisimai. Sisimai wuli Salɔmun.
41 Salɔmun wuli Zekamia. Zekamia wuli Elisama.
42 Zerameɛli i niaan bian Kalɛbu*+ i mma mun yɛle Mesa m’ɔ ti i wa kpɛn’n, ɔ nin Ebrɔn i si Maresa i mma liɛ mun. Zifi i si yɛle Mesa sɔ’n.
43 Ebrɔn i mma mun yɛle Kore, nin Tapia, nin Rekɛmun ɔ nin Sema.
44 Sema wuli Raamun. Zɔɔkeamun i si yɛle Raamun sɔ’n. Rekɛmun kusu wuli Samai.
45 Samai i wa yɛle Maɔn. Maɔn wuli Bɛti-Zii.+
46 Kalɛbu i yi kun ekun yɛle Efa. Ɔ wuli Aran, nin Moza, ɔ nin Gazɛzi. Aran wuli Gazɛzi.
47 Zadai i mma mun yɛle Regɛmun, nin Zotamun, nin Gesan, nin Pelɛti, nin Efa ɔ nin Saafu.
48 Kalɛbu i yi kun ekun yɛle Maaka. Ɔ wuli Sebɛɛ nin Tirana.
49 I sin’n, bla sɔ’n wuli Saafu m’ɔ ti Madmana+ i si’n, nin Seva m’ɔ ti Makbena i si’n, ɔ nin Gibea.+ Kalɛbu+ i wa bla’n suan Aksa.+
50 Kalɛbu i osu’n nunfuɛ mun yɛ be o lɛ-ɔ.
Ur+ m’ɔ ti Efrata+ i wa kpɛn’n i mma liɛ mun yɛle Sobali m’ɔ ti Kiriati-Zearimun+ i si’n,
51 nin Salima m’ɔ ti Bɛtleɛmun+ i si’n, ɔ nin Arɛfu m’ɔ ti Bɛti-Gadɛɛ i si’n.
52 Kiriati-Zearimun i si Sobali i mma mun yɛ: Aroe nin Meniɔtifuɛ’m be bue kun.
53 Kiriati-Zearimun lɔ awloboawlobo’m be nun yɛ Itirifuɛ mun,+ nin Putifuɛ mun, nin Sumatifuɛ mun, ɔ nin Misrafuɛ’m be fin-ɔn. Be osu’n nun yɛ Zoratifuɛ+ mun nin Ɛstaɔlufuɛ’m+ be fin-ɔn.
54 Salima i mma mun yɛle Bɛtleɛmun,+ nin Netofafuɛ mun, nin Atrɔti-Bɛti-Zoabu, nin Manaatifuɛ’m be bue kun, ɔ nin Zorifuɛ mun.
55 Fluwa klɛfuɛ’m be awloboawlobo nga be tran Zabɛzi lɔ’n, be yɛle Tiratifuɛ mun, nin Simeatifuɛ mun, ɔ nin Sikatifuɛ mun. Sran sɔ’m be ti Keninfuɛ.+ Yɛ be fin Amati m’ɔ ti Rekabu+ i awlobo’n nunfuɛ’m be si’n i osu’n nun.
Ja ngua lɔ ndɛ mun
^ Ebr., “i mma mun.”
^ I bo’n yɛ: “Sran m’ɔ kpɛ ɲrɛnnɛn ba’n”, “Sran nga i ti yɛ be yi sran blo’n.” Zoz 7:1 nun’n, be flɛ i ekun kɛ Akan.
^ Ebr., “i mma mun.”
^ Ndɛ mma 18, 19, 42 be nun’n, be flɛ i ekun kɛ Kalɛbu.
^ Ndɛ mma 9 nun’n, be flɛ i ekun kɛ Kelibai.
^ Annzɛ “nga be mɛntɛn i lɛ’n.”
^ Ndɛ tre nga nun’n, dunman wie’m be ti lika dunman, nán sran dunman-ɔn. I lɛ nun’n, kɛ be se kɛ “i si’n,” i bo’n i wie yɛle kɛ “i takafuɛ’n.”
^ Ebr., “i mma mun.”
^ Ebr., “i mma mun.”
^ Ebr., “i mma mun.”
^ Ndɛ mma 9 nun’n, be flɛ i ekun kɛ Kelibai.
