Fluwa klikli nga Pɔlu klɛli Korɛntifuɛ mun’n 5:1-13
5 N tili i kɛ be yo sa sukusuku*+ amun lɔ. Yɛle kɛ amun nun kun w’a de i si i yi’n.+ Nanwlɛ, bla nin bian kunndɛlɛ tɛ* kɛ ngalɛ sa’n, be nga be timan Zifu bɔbɔ’n be yoman sɔ.
2 ?Amun fa sa kɛ ngalɛ’n sa di amun nuan? ?Ɔ fataman kɛ amun wla bo amun wun+ naan amun kan sran ng’ɔ yoli sa sɔ’n i bo amun afiɛn lɛ?+
3 Kannzɛ dɔ nga su n nunman amun wun lɔ’n, sanngɛ n bu amun akunndan.* Yɛ m’an dun mmua m’an bu sran ng’ɔ yoli sa sɔ’n i fɔ lalaa kɛ n wo amun wun lɔ sa.
4 Sɛ amun yia e Min Zezi dunman nun naan amun si kɛ e Min Zezi i fanngan nun n bu amun akunndan’n,
5 ɔ fata kɛ amun fa sran sɔ’n be wla Satan sa nun+ naan asɔnun’n i nunfuɛ’m be akunndan’n w’a saciman e Min’n i cɛn’n nun.+
6 Amun nuan dilɛ sɔ’n timan kpa. ?Amun siman kɛ levii kaan sa wla sanmlɛn nga be fɔtɔli’n i wunmuan’n?+
7 An yi sanmlɛn nga be fɔtɔli m’ɔ ti nvuɛn mɔ levii o nun’n i blo naan amun kaci sanmlɛn fɔtɔwa uflɛ, afin levii nunman amun nun kun.* Afin be fali Klisi m’ɔ ti e Delɛ Cɛn bua ba’n+ be yili tɛ.+
8 I sɔ’n ti’n, nán maan e fa sanmlɛn nga be fɔtɔli m’ɔ ti nvuɛn mɔ levii o nun’n, ɔ nin sa tɛ nin klunwi’n be levii’n e di cɛn sɔ’n.+ Sanngɛ maan e fa kpanwun mɔ levii nunman nun mɔ yɛle sa kpa yolɛ nin nanwlɛ dilɛ’n.
9 Fluwa nga n klɛli amun’n i nun’n, n seli amun kɛ be nga bla nin bian kunndɛlɛ sukusuku nin i wunsu ɲannzuɛn sa’m* be yolɛ’n ti be nzuɛn’n, nán amun nin be san nun kun.
10 Nán be nga be kunndɛ bla nin bian sukusuku mɔ be yo i wunsu ɲannzuɛn sa mun’n* mɔ be o mɛn nga nun’n,+ nin aɲinkplifuɛ mun nin be nga be de sran like wue kekle su’n mun, ɔ nin amuin sɔfuɛ’m be kwlaa be ndɛ yɛ n kan-ɔn. Afin sɛ be ndɛ yɛ n kan’n, nn ɔ fata kɛ amun jaso mɛn’n nun.+
11 Sanngɛ siɛn’n, n su klɛ amun fluwa naan sɛ sran kun se i wun kɛ ɔ ti e niaan naan ɔ kunndɛ bla nin bian sukusuku annzɛ ɔ yo i wunsu ɲannzuɛn sa mun’n,* annzɛ ɔ ti aɲinkplifuɛ’n,+ annzɛ ɔ ti amuin sɔfuɛ’n, annzɛ ɔ kpɛ sran’m be nzowa’n,* annzɛ ɔ ti nzanbɔɛfuɛ’n,+ annzɛ ɔ de sran like wue kekle su’n,+ nán amun nin i san nun kun.+ Yɛ nán amun nin i sɔfuɛ’n be di like bɔbɔ.
12 ?Ngue ti yɛ ń kó dí gua su lɔfuɛ’m be jɔlɛ yɛ? ?Nán amun yɛ ɔ fata kɛ amun di be nga be o amun afiɛn’n be jɔlɛ-ɔ?
13 ?Yɛ nán Ɲanmiɛn yɛ ɔ di gua su lɔfuɛ’m be jɔlɛ-ɔ?+ “Maan amun yi sa tɛ yofuɛ’n amun afiɛn lɛ.”+
Ja ngua lɔ ndɛ mun
^ Glɛki nun: pɔɔneia. Nian Ndɛ’m be bo tulɛ lika’n nun lɔ.
^ Glɛki nun: pɔɔneia. Nian Ndɛ’m be bo tulɛ lika’n nun lɔ.
^ Glɛki nun: pinema. Nian Ndɛ’m be bo tulɛ lika’n nun lɔ.
^ Glk., “levii’n su wlaman amun kun.”
^ Glɛki nun: pɔɔneia. Nian Ndɛ’m be bo tulɛ lika’n nun lɔ.
^ Glɛki nun: pɔɔneia. Nian Ndɛ’m be bo tulɛ lika’n nun lɔ.
^ Glɛki nun: pɔɔneia. Nian Ndɛ’m be bo tulɛ lika’n nun lɔ.
^ Annzɛ “ɔ kan sran’m be wun ndɛ tɛtɛ’n.”
