2 Be Ɲoliɛ 8:1-18
8 Salomɔn fali afuɛ ablaɔn (20) kplannin Zoova i sua’n nin i bɔbɔ i sua’n.*+
2 I sin’n, ɔ kplannin klɔ nga Iramun+ fa be mɛnnin i’n be uflɛ. Kpɛkun ɔ yoli maan Izraɛlifuɛ’m be trannin be su.
3 Asa ekun’n, Salomɔn ɔli Amati-Zoba lɔ, kpɛkun ɔ fali klɔ sɔ’n.
4 I sin’n, ɔ wa kplannin Tadimɔɔ m’ɔ o aawlɛ flɛnnɛn’n nun lɔ’n, nin klɔ kwlaa ng’ɔ kplannin be Amati lɔ+ mɔ be sie ninnge’m be su’n+ be kpa trali laa liɛ’n.*
5 Asa ekun’n, ɔ kplannin talɛ mun fa sisili Bɛti-Orɔn ng’ɔ o Nglo Lɔ’n,+ nin Bɛti-Orɔn ng’ɔ o Ngua Lɔ’n+ be wun kpa. Kpɛkun ɔ yoli be anuan mun nin ninnge nga be fa tanndan anuan’m be sin’n.
6 Yɛ ɔ kplannin Baalati+ nin klɔ kwlaa nga be sie i ninnge’m be su’n, nin kakaklolo klɔ’m be kwlaa,+ nin nnɛn kpanngɔ su fufuɛ’m be klɔ mun. Like kwlaa nga Salomɔn klo kɛ ɔ́ kplɛ́n i Zerizalɛmun, nin Liban, ɔ nin lika kwlaa ng’ɔ di famiɛn ju lɛ’n, ɔ kplannin.
7 Ɛtifuɛ mun nin Amɔɔfuɛ mun nin Perizifuɛ mun, nin Ivifuɛ mun nin Zebisifuɛ+ mɔ be nunman Izraɛlifuɛ’m be nun’n,+ be nun wie’m be kali lɛ.
8 Be osu’n nunfuɛ nga be kali nvle’n nun’n, yɛle kɛ be nga Izraɛlifuɛ’m b’a nunnunman be’n+ be osu’n nun sran mun’n, Salomɔn fali be wlali plɔtrɔ junman’n nun. Andɛ nin andɛ’n be te di plɔtrɔ junman.+
9 Sanngɛ Salomɔn w’a faman Izraɛlifuɛ wie fi kɛ i kanga sa naan be di i junman’n.+ Afin wie’m be ti i sonja, wie’m be ti i sonja’m be su kpɛn,* wie’m be ti i kakaklolo mun nin i nnɛn kpanngɔ su fufuɛ’m be su kpɛn.+
10 Famiɛn Salomɔn i junman sunianfuɛ’m be su kpɛn’m be ti ya nɲɔn ablenun (250). Be ti junman difuɛ’m be su kpɛn.+
11 Salomɔn ɔli Davidi Klɔ lɔ ko fali Faraɔn i wa bla’n+ naan ɔ wa tran sua ng’ɔ kplan mɛnnin i’n nun.+ Afin ɔ seli kɛ: “Kannzɛ bɔbɔ ɔ ti min yi’n, sanngɛ ɔ fataman kɛ ɔ tran Famiɛn Davidi m’ɔ yoli Izraɛli famiɛn’n i sua’n nun. Afin lika nga be fali Zoova i Alaka’n be wluli lɛ’n be ti sanwun.”+
12 I sin’n, Salomɔn yili tɛ nga kɛ bé yí’n be yra nnɛn’n i kɔlikɔli’n+ mannin Zoova. Ɔ yili tɛ sɔ mun Zoova i tɛ yiwlɛ+ ng’ɔ kplɛnnin i Ɲanmiɛn sua’n i lika ng’ɔ ti fleiin kpa’n i ɲrun lɛ’n su.+
13 Ajalɛ nga Moizi mmla’n kle’n, Salomɔn niannin su yili tɛ ng’ɔ fata kɛ be yi be cɛn kwlakwla’n, nin tɛ ng’ɔ fata kɛ be yi be Wunmiɛn-lolɛ-cɛn’m be nun’n,+ nin anglo le kun’n nun’n,+ nin cɛn dandan nsan nga be di be afuɛ nuan kwlaa’n.+ Cɛn dandan nsan sɔ mun yɛle Kpanwun mɔ Levii Nunman nun’n i ti Cɛn’n,+ nin Lemɔcuɛ’m be ti Cɛn’n,+ nin Kpata Bo Tranlɛ Cɛn’n.+
14 Asa ekun’n, ɔ niannin ajalɛ nga i si Davidi kleli’n su naan w’a siesie Ɲanmiɛn ɲrun jranfuɛ mun akpasuaakpasua+ naan be di be junman mun. Kpɛkun ɔ siesieli Levifuɛ mun naan be di be junman liɛ mun, naan be manman Ɲanmiɛn,+ yɛ be di junman Ɲanmiɛn ɲrun jranfuɛ’m be ɲrun lɛ kɛ ng’ɔ fata kɛ be yo i cɛn kwlakwla’n sa. Ɔ siesieli anuan sunianfuɛ mun akpasuaakpasua naan be nian anuan fanunfanun’m be su.+ Afin i sɔ yɛ Davidi m’ɔ ti Ɲanmiɛn Kpli i sran’n seli kɛ be yo-ɔ.
15 Ninnge siewlɛ mun nin ninnge onga’m be kwlaa be su mmla nga famiɛn’n fa mannin Levifuɛ mun nin Ɲanmiɛn ɲrun jranfuɛ mun’n, be nantili i kwlaa su.
16 Kɛ ɔ fɛ i cɛn nga be wlali Zoova i sua’n i bo ase’n su+ lele mɔ bé fá gúɛ i bo’n, wafa nga be siesieli Salomɔn i junman’n i kwlaa yoli kpa dan. Ɔ maan be wieli Zoova i sua’n i kplan.+
17 I sin’n, Salomɔn ɔli Ɛziɔn-Gebɛɛ+ nin Elɔti,+ jenvie’n i nuan’n lɔ, Edɔmun mɛn’n nun lɔ.+
18 Iramun+ sunmɛnnin i sufuɛ mun naan be fa mmeli mun nin sran wie mɔ be si jenvie’n su junman di kpa’n be ko man Salomɔn. Be nin Salomɔn i sufuɛ’m be ɔli Ofii+ be ko fali sika ɔkwlɛ talan ya nnan ablenun (450)*+ lɔ be fa blɛli Famiɛn Salomɔn.+
Ja ngua lɔ ndɛ mun
^ Annzɛ “i famiɛn sua’n.”
^ Annzɛ “ɔ kplannin be uflɛ.”
^ Yɛle kɛ, sonja’m be su kpɛn’m be ukafuɛ’m be sunianfuɛ mun.
