Amɔsu 6:1-14
6 “Be nga be lafi be wun su kpa* mɔ be o Siɔn lɔ’n,be nga be bu i kɛ sa fi kwlá ɲanman be Samari oka’n su lɔ’n,+nvle ng’ɔ le ɲrun kpa’n i nun sran dandan mun,mɔ be sin yɛ Izraɛlifuɛ’m be kɔ’n, be yako.
2 Amun wɔ Kalne lɔ be ko nian.
Amun fɛ i lɛ be wɔ Amati Dan’n+ su lɔ,kpɛkun amun jra be wɔ Gati m’ɔ ti Filistifuɛ’m be klɔ’n su lɔ.
?Be ti kpa tra famiɛn diwlɛ sɔ mun,*annzɛ be lika’n cɛnnin tra amun liɛ’n?
3 Amun buman cɛn nga ɲrɛnnɛn’n wá jú’n i akunndan kun,+kpɛkun nzaje sa yolɛ’n* yɛ amun fa cici amun ti-ɔ.+
4 Be la bɛ nga sui je+ yɛ be fa yoli’n be su, yɛ be tinngɛ be wun bia tɛnndɛn’m+ be su,bua mun nin nannin nga b’a cɛn luklɔɔ’n* yɛ be di-ɔ.+
5 Kɛ be ti jru’n i tɛlɛ’n, be ka lɛ kpɛ jue,+kpɛkun be yi miziki bolɛ ninnge mun kɛ Davidi sa.+
6 Be nɔn duvɛn’n klowa dandan’m be nun+kpɛkun ngo kpakpa mun yɛ be kpakpa-ɔ.Sanngɛ ɲrɛnnɛn ng’ɔ́ wá tɔ́ Zozɛfu su’n, ɔ timan be ndɛ.*+
7 I sɔ’n ti’n, kɛ bé wá trá sran mun lomuɛn bé kɔ́’n, be yɛ bé dún mmua trá be-ɔ,+kpɛkun cɛn dilɛ’n wíe be nga be la lɛ dunmlaan’n be sa nun.
8 ‘Miɛn Zoova m’ɔ Sie Like Kwlakwla’n w’a fɛ i dunman’n w’a ta nda.’+ Ɲanmiɛn Zoova m’ɔ ti sonja’m be su kpɛn’n yɛ ɔ kan sɔ-ɔ. Ɔ se kɛ:‘“N kloman tutre nga Zakɔbu di’n i kaan sa,+n klomɛn i fiawlɛ sua nga be ti fleiin’n mun mlɔnmlɔn,+ń fá klɔ’n nin ninnge kwlaa nga b’a yi i piɛ’n, ń wlá sran uflɛ sa nun.+
9 “‘“Sɛ sran blu yɛ be kali sua kunngba’n nun’n, bé wú wie.
10 Be osufuɛ kun wá bá, kpɛkun ɔ́ wɔ́ be nun kunngunngun. Ɔ́ yí be owie mun sua’n nun fíte. Kpɛkun ɔ́ sé sran ng’ɔ o sua’n i klun mmua lɔ sua ba’m be nun’n kɛ: ‘?Sran te o ɔ wun wa?’ Yɛ ɔ́ tɛ́ i su kɛ: ‘Sran fi nunman wa.’ I sin’n, ɔ́ wá sé i kɛ: “Yoo, muan ɔ nuan. Afin nán dɔ nga su yɛ ɔ fata kɛ be bo Zoova i dunman-ɔn.’”
11 Afin Zoova yɛ i waan be yo sɔ-ɔ,+ɔ́ wá búbú sua dan’n, i osu’n yɛ bé wún i-ɔ,ɔ́ wá búbú sua kaan’n, i osu’n yɛ bé wún i-ɔ.+
12 ?Nnɛn kpanngɔ’m be wanndi yɔbuɛ su-ɔ, ɔ yo ye??Annzɛ be kwla fa nannin be tutu kacɛ lɔ?
Afin amun ti’n, sa i nuan su sɛsɛ yolɛ’n w’a kaci kɛ nɲa kun mɔ be di-ɔ, ɔ kun be’n sa,yɛ wafa nga amun di jɔlɛ mun’n, w’a kaci kɛ ijre wiwi wie sa.*+
13 Finfin ninnge’m be ti’n, amun di aklunjɔɛ,yɛ amun se kɛ: “?Nán e bɔbɔ e fanngan nun ti yɛ y’a ɲan kwlalɛ-ɔ?”*+
14 I sɔ’n ti’n, Izraɛlifuɛ mun, ń fá nvle kun ń bá naan ɔ fa alɛ wla amun sin,+kɛ ɔ́ fɛ́ i Lebo-Amati+ lɔ’n,* ɔ́ klé amun ɲrɛnnɛn lele fá jú Araba lɔ nzue ba’n i nuan lɔ.’ Ɲanmiɛn Zoova m’ɔ ti sonja’m be su kpɛn’n yɛ ɔ kan sɔ-ɔ.”
Ja ngua lɔ ndɛ mun
^ Annzɛ “Be nga be bu i kɛ be mianman sran fi wun.”
^ Ɔ ti weiin kɛ Zida nin Izraɛli lɔ famiɛn diwlɛ’m be ndɛ yɛ be kɛn i wa-ɔ.
^ Ebr., “bia.”
^ Annzɛ “nannin gbanflɛn mun.”
^ Ebr., “b’a tɔmɛn i ti tukpacɛ.”
^ Annzɛ “w’a kaci klunngbɔ.”
^ Ebr., “y’a fifi wɛ-ɔ.”
^ Annzɛ “kɛ ɔ́ fɛ́ i Amati i nuan lɔ’n.”
