Amɔsu 8:1-14
8 Like nga e Min Zoova m’ɔ Sie Like Kwlakwla’n kleli min’n yɛ: N wunnin waka mma nga be fite wawa blɛ nun’n gbogbo kun.
2 I sin’n, ɔ usali min kɛ: “?Amɔsu, ngue yɛ a wun i-ɔ?” N tɛli su kɛ: “N wun waka mma nga be fite wawa blɛ nun’n gbogbo kun.” Yɛ Zoova seli min kɛ: “Izraɛlifuɛ mɔ be ti min nvle’n, be liɛ w’a wie. N su yaci cɛman be kun.+
3 ‘Cɛn sɔ’n nun’n, bé yáci jue tolɛ min sua’n nun, ngwlɛ yɛ bé yí-ɔ.’+ Miɛn Zoova m’ɔ Sie Like Kwlakwla’n yɛ ɔ kan sɔ-ɔ. ‘Fuɛn’m bé trú lika kwlakwla.+ Maan lika’n tɔ bliin.’
4 Amun mɔ amun tiatia yalɛfuɛ’m be sumɔ amun yo maan be nga be leman ɲrun’n be liɛ wie mɛn’n nun’n, amun tie.+
5 Amun se kɛ: ‘?Cɛn onin ko naan anglo le kun cɛn dilɛ’n w’a wie+ naan y’a yo aliɛ* atɛ,naan Wunmiɛn-lolɛ-cɛn’n+ w’a sin naan y’a yo aliɛ* atɛ?I liɛ’n, é wá fá efa* suliɛ kaanfuɛ’n,kpɛkun é wá fá sikli* nɔnnin kpafuɛ’n,é yó e toe’m be uflɛ naan y’a kwla di sran’m be lufle.+
6 I liɛ’n, é kwlá tó sran nga sika ti’n i sa w’a mian’n,kpɛkun ngbabua kun ti’n, é tó yalɛfuɛ’n,+yɛ é yó aliɛ’n i wlawla’m be atɛ.’
7 Zoova fali Like nga Zakɔbu fa Di i Nuan’n tali nda kɛ:+‘Sa kwlaa nga be yoli’n, min wla su fiman su le.+
8 Sa sɔ’m be ti’n, nvle’n* kéje,i nunfuɛ’m be kwlaa bé sún.+
?Nvle’n su mɛnmɛn i wun su kɛ Nili’n sa??Ɔ su boman yɛ ɔ su tɛmɛn i wun ase kɛ Ezipti lɔ Nili’n sa?’+
9 Miɛn Zoova m’ɔ Sie Like Kwlakwla’n waan yoo: ‘Cɛn sɔ’n nun’n,ń yó maan mindi su’n, wia’n tɔ́,yɛ ń yó maan wia klengle kpa’n nun’n, aosin’n wlá tritritri.+
10 Ń yó maan amun cɛn’m be dilɛ’n ɔ́ káci sunlɛ,+yɛ amun ngɔjue’m be kwlaa bé káci ngwlɛ yilɛ.*
Ń fá bajɛ tralɛ wlá sran’m be kwlaa be afiɛn yɛ ń yó maan sran’m be kwlaa be ti’n kpá.Sa nga ń fá yó amun’n, ɔ́ yó kɛ be su yo be wa yasua kunngba cenje’n i sɛ sa,kpɛkun cɛn sɔ’n i bo’n gúa tɛ dan.’
11 Miɛn Zoova m’ɔ Sie Like Kwlakwla’n waan yoo: ‘Cɛn kun wá jú’n,ń fá awe kun ń yí i nvle’n su,nán awe annzɛ nzuewe m’ɔ kun sran’n niɔn,sanngɛ Zoova i ndɛ’n i tilɛ’n i awe yɛ ɔ́ kún be-ɔ.+
12 Bé wlán sa daan jenvie’m be su,bé fɛ́ i nglo lɔ lika’n nun lele bé kɔ́ wia afiliɛ lɔ.
Bé kúnndɛ Zoova i ndɛ’n lika kwlakwla, sanngɛ be su wunmɛn i.
13 Cɛn sɔ’n nun’n, talua klanman nga be nin-a siman bian’n, bé fɛ́fɛ́,gbanflɛn’m be kusu bé fɛ́fɛ́ wie, nzuewe’n ti.
14 Sran sɔ’m be jran Samarifuɛ’m+ be sa tɛ’n su be ta nda kpɛkun be se kɛ:“N kan Dan+ lɔ amuin’n!”
“N kan atin nga be fa kɔ Beɛ-Seba’n!”+
Bé tɔ́ yɛ be su kwlá jasoman kun.’”+
Ja ngua lɔ ndɛ mun
^ Atrɛkpa’n, ble annzɛ ɔɔzu.
^ Atrɛkpa’n, ble annzɛ ɔɔzu.
^ Annzɛ “asiɛ’n.”
^ Annzɛ “sɛ yolɛ jue.”
