Ezekiɛli 15:1-8
-
Zerizalɛmun ti kɛ viɲin kun mɔ be kwlá fa yoman like fi’n sa (1-8)
15 Zoova kannin ndɛ kleli min ekun. Ɔ seli min kɛ:
2 “?Sran wa, viɲin waka’n i kpa tra waka onga mun? ?Annzɛ i kpa tra bo’n nun waka’m be sama mun?
3 ?Be kwla fɛ i waka flolo kun be di junman? ?Annzɛ sran’m be kwla fa yo like kun mɔ be fa ninnge mun sende su-ɔ?
4 Nian! Be to i yi i sin’n nun naan sin’n jue. Kpɛkun sin’n yrɛ i bue nɲɔn’n, ɔ nin i afiɛn’n. ?Ɔ maan siɛn’n, be kwla fa di junman ekun?
5 I nun m’ɔ ti klonglo bɔbɔ’n, b’a kwlá fa yoman like fi. ?Ɔ maan siɛn mɔ sin’n w’a yrɛ i kɔlikɔli’n, yɛ be kwla fa yo like-ɔ?”
6 “Ɔ maan ndɛ nga Miɛn Zoova m’ɔ Sie Like Kwlakwla’n kan’n yɛ: ‘Kɛ nga n fali viɲin waka m’ɔ o bo’n nun waka’m be afiɛn n fa yili i sin’n nun naan ɔ jue’n sa’n, i wafa kunngba’n yɛ ń má fá yó Zerizalɛmunfuɛ mun-ɔn.+
7 E nin be e le i. Be fin sin nun fiteli. Sanngɛ sin’n wá yrá be kɔlikɔli. Kɛ e nin be e ko yia nun’n, bé wá sí jrɛiin kɛ n ti Zoova.’”+
8 “‘Ń má yó maan nvle’n ɔ́ tɔ́ srolo.+ Afin be nin min b’a nantiman klanman.’+ Ndɛ nga Miɛn Zoova m’ɔ Sie Like Kwlakwla’n ɔ kan’n yɛ ɔ o lɛ-ɔ.”
