Naɔmun 2:1-13
2 Sran m’ɔ sanngan sran’m be nun’n, w’a jaso ɔ* wun.+
Nian talɛ’m be su.
Nian akpɔ’n su.
Buabua ɔ wun, kpɛkun yo like kwlaa nga a kwla yo’n naan w’a ɲan wunmiɛn kpa’n.
2 Zoova wá yó naan Zakɔbu ɲan ɲrun ekun.
Ɔ́ wá yó naan Izraɛli ɲan ɲrun ekun.
Afin like sacifuɛ’m besacili be.+
Be sacili waka sama mun.
3 I sran yasua’m be ɲrɛn’m be ti ɔkwlɛ.
I sonja’m be wun tralɛ’m be ti ɔkwlɛ bioun.
Kɛ ɔ́ búɛbúɛ i wun naan ɔ́ kɔ́ alɛ kunlɛ’n,i alɛ kunlɛ kakaklolo’m be wun blalɛ’m be jue kɛ sin sa.
Kpɛkun i alɛ kunfuɛ’m be man cua nga be fali zenevrie waka be yoli’n be su.
4 Alɛ kunlɛ kakaklolo’m be sinsin akpɔ’m be su ndɛndɛ kpa.
Be wlanwlan klɔ’n i lika gbawun’m be nun, be kɔ be ba, be kɔ be ba.
Be jue kɛ tɛ sa, yɛ be kpaja kɛ ɲanmiɛn m’ɔ kpa sin’n sa.
5 Ɔ́ flɛ́flɛ́ i sonja su kpɛn mun.
Kɛ bé kɔ́’n, be ja kplá.
Bé wánndi kɔ́ i wun talɛ’n i wun lɔ.
Kpɛkun bé kátakáta atin’n.
6 Bé tíke nzue ba’m be anuan mun.
Yɛ famiɛn sua’n bú gúa.
7 Ndɛ nga be kannin’n yɛ: B’a yi i wun kplɛn,be su fɛ i kɔ, yɛ i kanga bla’m be su sun.
Be sun kɛ auble mun sa, be finfin be wue’n nun.
8 Laa’n, Ninivu+ klɔ’n ti kɛ nzue gble wie sa.
Sanngɛ siɛn’n, be su wanndi.
“Amun jran! Amun jran!”
Sanngɛ sran fi niɛnmɛn i sin.+
9 Maan amun fɛn sika’n! Amun fɛn sika ɔkwlɛ’n!
Be diman ninnge kpakpa’m be yalɛ.
Ninnge kpakpa wafawafa kwlaa b’a yi i piɛ.
10 Klɔ’n w’a bo, w’a tɔ srolo, w’a saci!+
Srɛ’n ti’n be leman awlɛn kun, be ja nannglunman’m b’a glɔglɔ, be afiɛn’n usu.
Be kwlaa be ɲrun’n w’a kpa fuaii.
11 ?Nin yɛ asɔmɔli’m+ be lawlɛ’n wo mɔ be mma’m be di like lɔ’n niɔn?
?Nin yɛ asɔmɔli’n wo m’ɔ fɛ i wa’n fite,mɔ sran fi kwlá wlanwlanman be’n niɔn?
12 Asɔmɔli’n titili nnɛn kpanngban nun fa mɛnnin i mma mun.
Ɔ buli be kɔmin fa mannin asɔmɔli bla mun.
Nnɛn tumɛn i kunman’m be nun le.
I lawlɛ’m be ti nnɛn ngunmin.
13 Ndɛ nga Zoova m’ɔ ti sonja’m be su kpɛn’n, ɔ kan’n yɛ: “Nian! E nin wɔ e le i.”+
“Ń má wɔ́ ɔ alɛ kunlɛ kakaklolo’m be nun, yɛ bé yrá kɔlikɔli.+
Tokofi kún wɔ asɔmɔli gbanflɛn mun.
Ń má yó maan a su ɲanman nnɛn asiɛ’n su dimɛn i kun.
Yɛ be su timan ɔ ngaliɛ kanfuɛ’m be ngan kun mlɔnmlɔn.”+
Ja ngua lɔ ndɛ mun
^ Yɛle kɛ, Ninivu.
