Ngɔjue Fɛfɛ Kpa’n 1:1-17
1 Jue’m be nun fɛfɛ kpafuɛ’n, Salomɔn i jue-ɔ:+
2 “Maan ɔ fɛ i nuan’n wɔwɔ min wun,afin wafa nga a kle min kɛ a klo min’n, i kpa liɛ’n ɔ tra duvɛn.+
3 Ɔ ngo’m be bɔn fannin dan.+Ɔ dunman’n ti kɛ ngo fanninfannin mɔ be fa guɛguɛ i lika’n nun’n sa.+I sɔ’n ti yɛ talua’m be klo wɔ’n niɔn.
4 Fa min naan e wɔ,* maan e wanndi.Famiɛn’n fali min wluli i sua ba’m be nun lɔ!Maan e klun jɔ, yɛ e di aklunjɔɛ likawlɛ.Maan e yi klolɛ nga a fa klo min’n* mɔ i kpa tra duvɛn’n i nglo.Sɛ be* klo wɔ’n, nán ngbɛn ti-ɔ.
5 Ee, Zerizalɛmun talua mun, min wunnɛn’n lu, sanngɛ n ti klanmankɛ Kedaa lɔ tannin sua mun sa,+ kɛ Salomɔn i tannin sua’n i tannin mun sa.+
6 Nán maan min wunnɛn m’ɔ lu’n ti’n, amun nian min gaan sɔ,afin wia’n boli min dan.Min nin’n i mma yasua’m be fali min wun ya.Be sieli min viɲin fie sunianfuɛ,sanngɛ n bɔbɔ min viɲin fie liɛ’n, m’an nianman su.
7 Wɔ mɔ n klo wɔ dan’n, kle minkan a fa ɔ nnɛn mun kɔ didilɛ’n,+kle min kan a fa be kɔ mɔ be ko la lo wunmiɛn mindi su’n.Nán maan n yo kɛ bla wie mɔ w’a fa luku* w’a kɛtɛ i wun’n sa,ɔ janvuɛ’m be nnɛn’m be afiɛn.”
8 “Ee, wɔ mɔ a ti bla’m be nun klanman kpafuɛ’n, sɛ a siman lika’n,fa nnɛn’m be ja osu’n su,naan fa ɔ boli ba mun kɔ nnɛn kankanfuɛ’m be tannin sua’m be wun lɔ.”
9 “Wɔ mɔ n klo wɔ dan’n, a ti kɛ nnɛn kpanngɔ bla* nga be cuɛn Faraɔn i kakaklolo’m be nunkun sa.+
10 Ɔ njuaba’m b’a yo ɔ fuka’m be klanman kpa,*ɔ kɔmin afle’m be yo maan ɔ kɔmin’n i klanman’n w’a fite kpa.
11 É yó sika ɔkwlɛ njuaba mun,*yɛ é fá sika é wláwlá nun é mán wɔ.”
12 “Kɛ famiɛn’n ti i tabli kukluku’n i sin’n,min palifɛn’n*+ bɔn fɛɛn.
13 Min adeba’n ti kɛ miri bɔlɛ kun sa,+kɔnguɛ’n, ɔ la min wunflɛn’m be afiɛn.
14 Min adeba’n ti min ɲrun kɛ ene*+ sɔsɔwa kun saAn-Gedi+ lɔ viɲin’m be afiɛn.”
15 “Wɔ mɔ n klo wɔ kpa’n, a ti klanman dan-o!Nanwlɛ, a ti klanman dan-o! Ɔ ɲinma’m be ti kɛ auble’m be liɛ’n sa.”+
16 “Min adeba, a ti klanman dan,* yɛ a yo ɲɛnmɛn.+Waka nɲa’n yɛ ɔ ti e bɛ-ɔ.
17 E sua’n* i kuatrɛn’m be ti sɛdri waka,Zenevrie waka yɛ be fa tuli su-ɔ.
Ja ngua lɔ ndɛ mun
^ Ebr., “Cuɛn min naan n su ɔ su.”
^ Annzɛ “Maan e kan klolɛ nga a fa klo min’n i ndɛ.”
^ Yɛle kɛ, talua mun.
^ Annzɛ “sɛ yolɛ luku.”
^ Annzɛ “min nnɛn kpanngɔ bla.”
^ Be kwla se ekun kɛ “ɔ fuka’m be ti klanman ɔ ti mɔ be yoli’n be afiɛn.”
^ Annzɛ “ninnge kukluuklu mun.”
^ Ebr., “naa palifɛn.”
^ Ɔ ti waka kun, i nɲrɛ’n bɔn fannin, yɛ i nɲa’n i nzue’n ti ɔkwlɛ.
^ Annzɛ “a ti gbanflɛn klanman.”
^ Annzɛ “E sua m’ɔ yo ɲɛnmɛn’n.”
