Zɔbu 11:1-20
11 Zofaa+ m’ɔ ti Naamafuɛ’n tɛli su kɛ:
2 “?Naan be su tɛman ndɛ kwlaa ngalɛ’n su??Annzɛ ijɔlɛ beblebe’n ti yɛ maan sran kun i ndɛ yó fɛ-ɔ?*
3 ?Ndɛ ngbɛngbɛn nga a kan be’n ti’n, sran’m bé múan be nuan??Kɛ a yo sran’m be finfin’n, sran fi sa su ijɔman wɔ?+
4 Afin a se kɛ: ‘Like nga n kle’n, fiɛn kaan sa nunmɛn i sin,+yɛ n ti sanwun ɔ ɲrun.’+
5 Sanngɛ sɛ Ɲanmiɛn waan ɔ́ kán ndɛ’n,sɛ i waan ɔ́ úke i nuan naan ɔ́ tɛ́ ɔ su’n,+
6 i liɛ’n, ɔ́ yí like nga a ko yo naan w’a si ngwlɛlɛ’n i nglo klé wɔ,afin ngwlɛlɛ ng’ɔ yo sa ye’n, i ngbɛsungbɛsu’n sɔnnin.Kpɛkun á wún i wlɛ kɛ Ɲanmiɛn kloman kɛ i wla kpɛ́n sa nga a yoli be’n, be nun wie’m be su kun.
7 ?A kwla si Ɲanmiɛn i ninnge nga be bo ti kploun’n??Annzɛ a kwla si Sran m’ɔ Kwla Like Kwlaa Yo’n i su like kwlakwla?*
8 I ngwlɛlɛ’n i nglonglo’n tra ɲanmiɛn m’ɔ la nglo lɔ plaii’n su. ?Ngue yɛ a kwlɛ i yo-ɔ?I bo ti kploun tra Ndia’n.* ?Ngue yɛ a kwla si i-ɔ?
9 Ɔ ti tɛnndɛn tra asiɛ’n,yɛ ɔ ti tɛtrɛ tra jenvie’n.
10 ?Sɛ Ɲanmiɛn sín naan ɔ tra sran kun, naan ɔ fɛ i kɔ jɔlɛ difuɛ’m be ja su’n,wan yɛ ɔ kwla jrɛn i ɲrun-ɔn?
11 Afin ɔ si gblɛfuɛ mun.?Kɛ ɔ wun sa tɛ’n, ɔ su siemɛn i nzɔliɛ?
12 Sanngɛ sɛ á wún kɛ sran nga like fi nunmɛn i ti sɛ nun’n w’a wun i wlɛ’n,nn blo aflunmun’n w’a wu sran.*
13 ?Sɛ a siesie ɔ awlɛn’n i kpanaan a man ɔ sa’n su kle i’n nin?
14 Sɛ a su yo sa tɛ’n, yaci i yolɛ.Nán maan be yo sa ng’ɔ timan su’n ɔ tannin sua’m be bo.
15 Afin i liɛ’n, kɛ á mán ɔ ti’n su’n, ɲannzuɛn su kunman wɔ.Á kwlá jrán kekle, srɛ su kunman wɔ.
16 Afin i liɛ’n, ɔ wla fí afɛ ng’ɔ o ɔ su’n.Ɔ wla su kpɛnman su kun, kɛ nzue wie mɔ w’a sonji w’a wɔ’n sa.
17 Ɔ mɛn dilɛ’n kpája trá mindi su wia’n.I aosin tritri’n yó kɛ nglɛmun nun sa.
18 Ɔ wla gúa ase, afin á láfi like kpa su,á níannían ɔ nvɛnwunnvɛnwun yɛ kɛ á lá’n, ɔ klun su titiman wɔ.
19 Á lá diin, sran fi su wlaman ɔ ɲin nglonglo,yɛ sran kpanngban kpa bé kúnndɛ kɛ a si be aunnvɔɛ.
20 Sanngɛ klunwifuɛ’m be ɲinma’n sí.Be su ɲanman fiawlɛ,yɛ wie’n i kunngba cɛ yɛ bé sún flɛ́ i naan ɔ wa ti be wun ɲanman nun-ɔn.”+
Ja ngua lɔ ndɛ mun
^ Annzɛ “?Sran ng’ɔ di i nuan’n i ndɛ yó fɛ?”
^ Annzɛ “like ng’ɔ trɛ i kpɛn’n.”
^ Annzɛ “Seɔlu’n.” Nian Ndɛ’m be bo tulɛ lika’n nun lɔ.
^ Annzɛ “nn kɛ bé wú blo aflunmun’n ɔ ti sran.”
