Zɔbu 2:1-13
2 I sin’n, cɛn kun mɔ Ɲanmiɛn Kpli i mma’m*+ be ko jranjrannin Zoova i ɲrun lɛ’n,+ Satan fɛli i wun wlali be nun wie. Ɔ ko jrannin Zoova i ɲrun lɛ wie.+
2 Yɛ Zoova usali Satan kɛ: “?A fin nin?” Satan tɛli Zoova su kɛ: “N ko nianniannin asiɛ’n su lɔ, n ɔli lɔ wlanwlanlɛ kan.”+
3 Yɛ Zoova seli Satan kɛ: “?A fali ɔ ɲin sieli* min sufuɛ Zɔbu su? Sran fi nin i sɛman asiɛ’n su lɔ. Ɔ ti sran ndɛnmanfuɛ, ɔ nanti seiin.*+ Ɔ sro Ɲanmiɛn, yɛ ɔ kloman kɛ ɔ́ yó sa tɛ bɔɔ kaan sa. Ɔ te nanti seiin titi+ kusu nn ɔ waan n nunnun i+ sa ngbɛn.”
4 Sanngɛ Satan tɛli Zoova su kɛ: “Sran’n i wunnɛn’n yɛ ɔ ti i cinnjin-ɔn.* Like kwlaa nga sran kun le i’n, ɔ́ fá mán naan w’a ka nguan nun.
5 Sanngɛ tinngɛ ɔ sa’n nun naan kɛn i owie nin i wunnɛn ba’n naan nian, ɔ́ káci. Sannzan cɛ yɛ ɔ́ jrán ɔ ɲrun ɔ́ bó wɔ-ɔ.”+
6 Yɛ Zoova seli Satan kɛ: “Nian, i yɛ ɔ o lɛ, ɔ o ɔ sa nun! Sanngɛ nán kun i.”
7 Yɛ Satan jasoli Zoova i ɲin bo* lɛ ɔli-ɔ. Kpɛkun ɔ yoli maan yra wie m’ɔ yo ya fiaan’n* guali Zɔbu i wunnɛn’n su.+ Ɔ fɛ i ti su lele fa ju i ja bo.
8 Talie bue yɛ Zɔbu fa fuɛnfuɛn i wun-ɔn. Kpɛkun ɔ trannin nzuɛn’n nun.+
9 Yɛ i yi’n wa seli i kɛ: “?Naan ɔ waan á nánti seiin sa tititi? Kpɛ i kpo bo Ɲanmiɛn i sannzan naan wu!”
10 Sanngɛ ɔ seli i kɛ: “Ɔ kusu a kan ndɛ kɛ bla nga be ti w’a saci’n sa. ?Kpa nga Ɲanmiɛn Kpli yo e’n, i kunngba yɛ ɔ fata kɛ e sɔ nun-ɔn? ?Sɛ sa tɛ ba’n, ɔ fataman kɛ e sɔ nun wie?”+ Ɔ nin i sɔ ngba’n, ndɛ tɛ w’a finman Zɔbu nuan w’a fiteman.+
11 Zɔbu i janvuɛ* nsan be tili ɲrɛnnɛn sa kwlaa nga be tɔli i su’n. I sɔ’n ti’n, be tinuntinun be fin be tranwlɛ’m be nun naan bé kó níɛn i osu. Be yɛle Elifazi+ m’ɔ ti Temanfuɛ’n, nin Bildadi+ m’ɔ fin Sua i osu’n nun’n,+ ɔ nin Zofaa+ m’ɔ ti Naamafuɛ’n. Be nuan sɛli su kɛ bé kó níɛn i osu naan bé kókó i naan bé fɔ́nvɔ i.
12 Kɛ be wunnin i mmua lɔ’n, b’a wunmɛn i wlɛ. Be mannin be nɛn’n su be sunnin kekle kpa. Be titili be wun tralɛ’m be nun. Be truli ndutre’n nun, yɛ be fali wie guali be ti’n su.+
13 I sin’n, be wa trannin ase i wun lɛ wia nun nin kɔnguɛ lele cɛn ba nso. Be nun wie fi w’a kanman ndɛ ba kun sa w’a klemɛn i, afin be wun kɛ ɔ su wun i ɲrun dan.+
Ja ngua lɔ ndɛ mun
^ Ebre nun ndɛ nga be kacili i Wawle’n nun lɛ’n, be fa kan anzi mun mɔ be ti Ɲanmiɛn i mma’m be ndɛ.
^ Ebr., “A fali ɔ awlɛn sieli.”
^ Annzɛ “be kwlá sacimɛn i wun.”
^ Ebr., “Wunnɛn kplo nin wunnɛn kplo.”
^ Annzɛ “kannin tɛ.”
^ Ebr., “i ɲrun.”
^ Annzɛ “i sifuɛ.”
