Zɔbu 20:1-29
20 Zofaa+ m’ɔ ti Naamafuɛ’n tɛli su kɛ:
2 “I sɔ’n ti yɛ min akunndan m’ɔ sanngannin’n su min bo kɛ n tɛ su-ɔ.Afin min awlɛn’n kpɛ min klun.
3 N tili nzowa nga a kpɛli min’n.Kɛ mɔ n wun sa wlɛ’n ti’n, saan ń tɛ́ su.
4 N si kɛ a si sa sɔ’n w’a cɛ,afin kɛ ɔ fin cɛn nga be sieli klɔ sran* asiɛ’n su’n, kɛ ɔ ti sɔ-ɔ.+
5 Klunwifuɛ’n i aklunjɔɛ kpanlɛ’n cɛmanyɛ sran nga i ndɛ nunman Ɲanmiɛn ndɛ nun’n,* i aklunjɔɛ’n cɛman.+
6 Kannzɛ i dan m’ɔ ti’n ju ɲanmiɛn su lɔ’n,naan i ti’n to ɲanmiɛn ble’n,
7 ɔ́ núnnún sekeseke kɛ i bɔbɔ i sewie’n sa.Be nga be wun i titi’n, bé sé kɛ: ‘?Ɔ o nin li?’
8 Ɔ́ sín kɔ́ ndɛndɛ kɛ laliɛ nun sa, be su wunmɛn i kun.Bé kɛ́n i bo kɛ aolia nun like wie mɔ be wun i kɔnguɛ’n sa.
9 Sran ng’ɔ wunnin i’n su wunmɛn i kun,i lika’n su wunmɛn i kun.+
10 I klun ba mun bé bá naan yalɛfuɛ’n si be aunnvɔɛ,sran’m be aɲanbeun ninnge ng’ɔ fali’n, ɔ́ fá sɛ́ i sin.+
11 I gbanflɛn nzue’n sonjili i owie’m be nun,sanngɛ ɔ* nin i bé lá ndutre’n nun.
12 Sɛ like tɛ yo i nuan nun fɛ’n,sɛ ɔ fa fiɛ i taaman’n bo’n,
13 sɛ ɔ klo i naan ɔ yimɛn i asesanngɛ ɔ fa sie i nuan’n nun’n,
14 i aliɛ sɔ’n káci kɛ like wie mɔ w’a ɲan’n sa i klun lɔ.Ɔ́ káci kɛ kpangbanzrɛlɛ’n i bɔyre’n* sa i klun lɔ.
15 Ɔ mɛnnin aɲanbeun ninnge mun, sanngɛ ɔ́ wá fí be.Ɲanmiɛn wá yó maan i kwlaa fín i ku’n nun fíte.
16 Kpangbanzrɛlɛ’m be bɔyre’n yɛ ɔ́ táfi-ɔ.Ɔnda i je’n* kún i.
17 Ɔ su wunman nzue ba mun le,ɔ su wunman awɛma nzue nin bɛli mɔ be sonji’n le.
18 Ninnge ng’ɔ ɲannin be’n, ɔ́ fá be sá be sin, ɔ su fa yomɛn i wun sa ye.*Ninnge kpakpa ng’ɔ ɲannin be aata dilɛ’n nun’n, ɔ su ɲanman su ye.+
19 Afin ɔ tinnin yalɛfuɛ’n i su kplɔlɔlɔ kpɛkun ɔ yili i blo.Sua nga w’a kplanman’n, ɔ ko deli.
20 Sanngɛ i klun su jɔman.I aɲanbeun’n su kwlá demɛn i.
21 Like fi nunman lɛ kun naan w’a fɛ i kekle nun.I sɔ’n ti’n, i aɲanbeun’n su cɛman.
22 Kɛ ɔ ko ɲɛn i wun lele’n, kpɛkun ngokɔɛ’n w’a yo dan.Ɲrɛnnɛn ng’ɔ́ wá tɔ́ i su’n, ɔ su yoman blɛblɛ.
23 Kɛ ɔ́ dí like mɔ i ku yí’n,Ɲanmiɛn i ya’n jáso i wun,ɔ́ tɔ́ i su lele ɔ́ wlúwlú i klun ninnge’m be nun kɛ nzue wie sa.
24 Kɛ ɔ́ wánndi alɛ ninnge nga be ti blalɛ’n,ta nga be fali aaba be yoli’n i mma’m bé fítifíti i.
25 Ɔ tu ta mma ng’ɔ kplɛn i wiasin’n,ɔ tu alɛ kunlɛ like m’ɔ bo mianmian’n i wiwi’n nun,kpɛkun ɔ ka lɛ usu sa tututu.+
26 Aosin tritritri’n yɛ ɔ́ mínndɛ i aɲanbeun ninnge mun-ɔn.Sin kun mɔ sran fi w’a fitaman nun’n ɔ́ dí i.Sran ng’ɔ o i tannin sua’n nun mɔ sa fi w’a ɲɛnmɛn i’n, ɲrɛnnɛn’n wá tɔ́ i su.
27 Ɲanmiɛn m’ɔ la nglo lɔ plaii’n su kataman sa ng’ɔ yoli’n su.Asiɛ’n wá jáso i wun.
28 Nzue dan kun wá fɛ́ i sua’n kɔ́.Nzue sɔ’n su sonjiman blɛblɛ Ɲanmiɛn i ya cɛn’n nun.
29 I sɔ like’n yɛ klunwifuɛ’n wá ɲɛ́n i Ɲanmiɛn sa nun-ɔn.Aja like nga Ɲanmiɛn fa sieli i’n yɛ ɔ o lɛ-ɔ.”
Ja ngua lɔ ndɛ mun
^ Annzɛ “Adan.”
^ Annzɛ “sran ng’ɔ nin Ɲanmiɛn b’a bu’n.”
^ Yɛle kɛ, i wunmiɛn’n.
^ Annzɛ “i wiwi’n.”
^ Ebr., “i taaman’n.”
^ Ebr., “yɛ ɔ su mɛnman.”
