Zɔbu 7:1-21
7 “?Klɔ sran’n i nguan’n asiɛ’n su wa’n, ɔ timan afɛ ngunmin??Blɛ ng’ɔ ko di’n timan kɛ junman difuɛ kun mɔ be tuɛ i kalɛ’n sa?+
2 Kɛ kanga sa’n, ɔ kunndɛ kɛ ɔ́ trán fɔnvɔ nun,kɛ junman difuɛ sa’n, i ɲin o i akatua’n i sin.+
3 Anglo nga be fa mannin min’n, like kpa sa nunman nun,kɔnguɛ nga be fa mannin min’n, ɔ ti ngokɔɛ ngunmin.+
4 Kɛ n ko la’n, n usa kɛ: ‘?Cɛn onin ko naan m’an jaso?’+Sanngɛ kɛ mɔ kɔnguɛ’n cɛ lelele’n ti’n, n kpli lele lika’n fa cɛn min.*
5 Min wunnɛn’n ti kakaa nin fa ngunmin.+Min wunnɛn’n su’n ti kannin ngunmin, yɛ be bu nzue sa puuu.+
6 Min cɛn’m be sin ndɛndɛ tra tannin wufuɛ’n i kloklo’n m’ɔ sin flafla’n,+yɛ be wie, kpɛkun n leman like fi naan m’an fa min wla m’an gua su.+
7 Nán maan ɔ wla fi su kɛ min nguan’n ti kpe kan sa,*+min ɲinma su guaman like kpa wun sa le kun.
8 Sran nga i ɲinma gua min wun andɛ’n su wunman min kun.Á fá ɔ ɲinma kúnndɛ min, sanngɛ kɛ ɔ́ yó sɔ’n, nn n nunman lɛ kun.+
9 Kɛ ɲanmiɛn ble’n m’ɔ nunnun kannganngan mɔ be wunmɛn i kun’n sa’n,sran ng’ɔ jra Ndia’n* nun’n, ɔ sɛmɛn i sin kun.+
10 Ɔ su sɛmɛn i sin i awlo kun,i tranwlɛ’n su simɛn i kun.+
11 I sɔ’n ti’n, n su muanman min nuan.Min akunndan’n w’a sanngan, sanngɛ ń íjɔ.Min wla w’a bo min wun dan, sanngɛ ń kán ndɛ.+
12 ?Jenvie’n annzɛ jenvie’n nun nnɛn sroesroe wie yɛle minti yɛ a fa gladi difuɛ sie min su-ɔ?
13 Kɛ n se kɛ: ‘Min lawlɛ’n fɔ́nvɔ min,min bɛ’n yó maan min ngokɔɛ’n wíe’n,’
14 kpɛkun a yo maan n cɛn laliɛ tɛtɛ mun,yɛ a fa aolia nun ninnge sroesroe mun wlanwlan min,
15 ɔ maan n kunndɛ kɛ min wunmiɛn’n tannin min wun.Nanwlɛ, kɛ n fa min wunnɛn* nga n tran nguan nun’n ɔ flunman kɛ n wu.+
16 Min nguan’n w’a bɔn min bue nun.+ N kloman kɛ ń ká nguan nun kun.Yaci min diin, afin min nguan cɛn’m be sin ndɛndɛ kɛ sran su lo wunmiɛn sa.+
17 ?Wan yɛle klɔ sran mɔ i ti yɛ a bu i akunndan-ɔn??Wan yɛle i mɔ i ti yɛ a fa ɔ ɲin* sie i su-ɔ?+
18 ?Ngue ti yɛ a niɛnniɛn i nglɛmun kwlakwlamɔ a sɛ i nian sa trilili-ɔ?+
19 ?Naan a su yiman ɔ ɲin min su??A su yaciman min diin naan m’an ɲan min ti m’an mɛn min nuan nzue’n?+
20 ?Wɔ mɔ a nian sran mun’n, sɛ n yoli sa tɛ’n, abɔlɛ benin yɛ n kwla yo wɔ-ɔ?+?Ngue ti yɛ a tu ɔ ɲin wɔ min sɔ-ɔ?
?M’an kaci kɛ trɔ nɔnnin wie sa ɔ ti su ti-ɔ?
21 ?Ngue ti yɛ a yaciman min wun sa’n cɛman min-ɔn??Ngue ti yɛ ɔ wla fiman min fɔnlɛ’n su-ɔ?Afin ɔ ka kaan sa’n, ń kó lá ndutre’n nun,+á wá kúnndɛ min, sanngɛ kɛ ɔ́ yó sɔ’n, nn n nunman lɛ kun.”
Ja ngua lɔ ndɛ mun
^ Annzɛ “aliɛ njɛnniɛn su.”
^ Annzɛ “ti aunmuan.”
^ Annzɛ “Seɔlu’n.” Nian Ndɛ’m be bo tulɛ lika’n nun lɔ.
^ Ebr., “min owie.”
^ Ebr., “ɔ awlɛn’n.”
