Zoɛli 1:1-20
1 Ndɛ nga Zoova kan kleli Petiɛli i wa Zoɛli’n* yɛ. I waan:
2 “Kpɛnngbɛn mun, amun sie amun su,nvle’n nunfuɛ mun, maan amun kwlaa amun fa amun ɲin sie ndɛ nga su.
?Sa kɛ ngalɛ sa’n, w’a ju amun blɛ suannzɛ amun nannan’m be blɛ su le?+
3 Amun kan kle amun mma mun,yɛ maan amun mma’m be kusu be kan kle be mma liɛ mun,yɛ maan be mma sɔ’m be kan kle ba nga bé wá wú be’n.
4 Like nga lalo ng’ɔ saci like’n yacili i lɛ’n, lalo ng’ɔ le ndɛwa’n dili.+Yɛ nga lalo ng’ɔ le ndɛwa’n yacili i lɛ’n, lalo ng’ɔ leman ndɛwa’n dili.Yɛ nga lalo ng’ɔ leman ndɛwa’n yacili i lɛ’n, lalo ng’ɔ di like kwlaa ng’ɔ o i atin’n su’n, ɔ dili.+
5 Nzannunmunfuɛ mun,+ amun tinnge naan amun sun!
Duvɛn nɔnfuɛ mun, amun yi ngwlɛ,afin b’a de duvɛn fɛfɛ’n amun nuan’n nun.+
6 Afin nvle kun i nunfuɛ mun b’a fa min nvle’n, be le wunmiɛn kpa yɛ be siman be nuan.+
Be je’n ti kɛ asɔmɔli liɛ’n sa,+ yɛ be aoje’n ti kɛ asɔmɔli liɛ’n sa.
7 Ɔ sacili min viɲin fie’n, min figie waka’n i losin’n yɛ ɔ yacili i lɛ-ɔ,ɔ kplokploli be wun kpɛkun ɔ to be yili i lɛ,ɔ yoli maan i sa mma’m b’a yo fuaii.
8 Amun yi ngwlɛ kɛ talua ng’ɔ nin-a siman bian’n*mɔ i soman* m’ɔ wuli’n ti’n, w’a wla bajɛ tralɛ’n sa.
9 Be wunman ble annzɛ i wunsu like+ nin nzan+ nga be fa man Ɲanmiɛn’n, Zoova i sua’n nun lɔ kun.Ɲanmiɛn ɲrun jranfuɛ mɔ be ti Zoova i sufuɛ’n, be o sɛ nun.
10 B’a saci blo lɔ ninnge’m be sekeseke, asiɛ’n wo ɲrɛnnɛn nun.+Afin be sacili ble’n nin ɔɔzu’n, duvɛn uflɛuflɛ’n w’a wie, ngo’n kusuw’a wie.+
11 Awlabɔɛ’n w’a kun fie difuɛ’m be kpo. Viɲin fie nun junman difuɛ’m be su yi ngwlɛble nin ɔɔzu’n be ti.Afin fie su ninnge’m be kwlaa b’a wie saci.
12 Viɲin’n w’a wu kee,figie waka’n w’a wu kee,
waka kwlaa nga be o blo lɔ’n, b’a wu kee,+i grenadie waka-o, i nglesia-o, i pɔmun waka-o.Aklunjɔɛ nga sran’m be di’n, w’a kaci ɲannzuɛn.
13 Ɲanmiɛn ɲrun jranfuɛ mun, amun wla bajɛ tralɛ* naan amun sun.*Amun mɔ amun di junman tɛ yiwlɛ’n su’n, amun yi ngwlɛ.+
Amun mɔ amun ti Ɲanmiɛn i junman difuɛ’n, amun wlu wa yɛ amun wla bajɛ tralɛ kɔnguɛ lele aliɛ fa cɛn amun.Afin be faman ble annzɛ i wunsu like+ ɔ nin nzan+ nga be fa man Ɲanmiɛn’n, be baman amun Ɲanmiɛn’n i sua’n nun kun.
14 Amun bo ndolo kɛ be ci nglɛmun. Amun yia be aɲia ngunmin kun bo.+
Maan kpɛnngbɛn mun nin nvle nunfuɛ’m be kwlaa be yiaZoova m’ɔ ti amun Ɲanmiɛn’n i sua’n nun lɔ,+ kpɛkun amun kpan flɛ Zoova naan ɔ uka amun.
15 Cɛn sɔ’n wá yó sro-o!
Afin Zoova i cɛn’n w’a mantan koko.+Kɛ cɛn sɔ’n bá’n, ɔ nin ninnge’m be sacilɛ nga Sran m’ɔ Kwla Like Kwlaa Yo’n waan ɔ́ sáci be’n, yɛ bé bá-ɔ.
16 ?B’a faman aliɛ’n e bɔbɔ e ɲin bo lɛ??B’a yiman aklunjɔɛ’n nin aunjɔɛ’n e Ɲanmiɛn’n i sua’n nun?
17 Ninnge nga be luali’n,* b’a wu kee be peli’m be bo.
Like fi nunman ninnge siewlɛ’m be nun.
B’a saci tanngannin mun, afin ble nin i wunsu ninnge’m b’a saci.
18 Nnɛn mun bɔbɔ’n, be kplin!
Nannin’m be wlan sa daan, afin be leman didiwlɛ!
Bua’m be kusu be o afɛ nun.
19 Ee Zoova, wɔ yɛ ń kpán ńflɛ́ wɔ-ɔ.+Afin sin’n w’a yra nnɛn nga be o aawlɛ flɛnnɛn nun lɔ’n sekeseke,
yɛ sin’n w’a di blo lɔ waka’m be kwlaa.
20 Blo nnɛn mun bɔbɔ’n, be ɲin ta ɔ ɲrun,afin nzue ba’m b’a wie nun mlɔnmlɔn,kpɛkun sin’n yrali nnɛn’m be didiwlɛ nga be o blo lɔ’n sekeseke.
Ja ngua lɔ ndɛ mun
^ I bo’n yɛ: “Zoova ti Ɲanmiɛn.”
^ Annzɛ “talua.”
^ Ebr., “i talua nun soman’n.”
^ Ebr., “amun ci amun bo.”
^ Annzɛ “amun finfin amun wue’n nun.”
^ Be kwla se ekun kɛ “Figie mma kee mun.”
