Zoɛli 3:1-21
3 “Afin amun nian! Cɛn sɔ’m be nun’n nin blɛ sɔ’n nun’n,kɛ ń kó fá Zidafuɛ mun nin Zerizalɛmunfuɛ nga be trali be lomuɛn ɔli’n ń sá min sin’n,+
2 ń yíayía nvle kwlaa be nunfuɛ mun wie,kpɛkun ń fá be ń jrá Zozafati* Kongo’n nun lɔ.
Min sran mun nin Izraɛli m’ɔ ti min aja like’n ti’n,ń dí be jɔlɛ lɔ,+afin be yoli maan be bo sanndili nvlenvle’m be nun,kpɛkun be cɛcɛli min asiɛ’n nun be fali.+
3 Be tu fɔtɔ be fa cɛcɛ min nvle’n nunfuɛ’m be nun.+Be yo ba yasua’n i atɛ be fa kunndɛ tekle bla,yɛ be yo ba bla’n i atɛ be fa nɔn duvɛn.
4 ?Tir nin Sidɔn ɔ nin Filisti lɔ akpasuaakpasua’m be sufuɛ’m be kwlaa,n yoli amun sɛ?
?N yoli amun sa wie ti yɛ amun su yi man min-ɔn?Sɛ amun su yi man min’n,
sa nga amun yo min’n, n su sisiman min bo naan m’an fa yo amun wie.*+
5 Afin amun fali min sika’n nin min sika ɔkwlɛ’n,+amun fali min ninnge kpakpa mun ko sieli i amun amuin sua’m be nun.
6 Amun yoli Zidafuɛ mun nin Zerizalɛmunfuɛ’m be atɛ Glɛki’m be sa nun,+kɛ ɔ ko yo naan b’a mantanman be nvle’n i wun koko’n ti.
7 Lika nga amun yoli be atɛ lɔ’n, ń yó maan bé fín lɔ bé bá,+sa nga amun yoli min’n, ń fá yó amun wie.*
8 Ń yó amun mma yasua nin amun mma bla’m be atɛ Zidafuɛ’m be sa nun,+be kusu bé kó yó be atɛ Sabafuɛ’m be sa nun, nvle kun m’ɔ o mmua kpa’n nun.Afin min Zoova, m’an kan.
9 Amun bo ndolo be sin nvlenvle’m be nun kɛ:+
‘Amun siesie amun wun* be ko kun alɛ! Amun flɛ safuɲrɛn mun naan be wɔ!
Maan sonja’m be kwlaa be mantan lɔ, maan be wɔ.+
10 Amun fa amun saru tokpo mun be fa yo tokofi, yɛ amun fa amun wlɔsɔ mun be fa bo cua.
Maan sran ng’ɔ leman wunmiɛn’n, ɔ se kɛ: “N le wunmiɛn kpa.”
11 Nvlenvle nga amun mantan e’n, amun bla be wa uka e, amun yia.’”+
Ee Zoova, fa ɔ sran nga be le wunmiɛn’n* bla lika nga nun wa.
12 “Maan nvlenvle’m be jaso naan be wɔ Zozafati Kongo’n nun lɔ.Afin lɔ yɛ ń trán ń dí nvlenvle nga be mantan lɛ’n be kwlaa be jɔlɛ-ɔ.+
13 Amun fa amun wlɔsɔ’n wla be nun, afin be kpɛlɛ’n w’a ju.
Amun jra be wa tiatia viɲin mma’m be su, afin duvɛn yiwlɛ’n w’a yi.+
Duvɛn guawlɛ’m b’a yi lele, afin be klunwi’n w’a yo dan ngboko.
14 Sran kpanngban kpa be o jɔlɛ dilɛ kongo’n nun lɔ, b’a sɔnman aɔwi,afin Zoova i cɛn’n w’a ju jɔlɛ dilɛ kongo’n i wun koko.+
15 Wia’n nin anglo ba’n, bé lú sa tuun,yɛ nzraama’m be su kpajaman kun.
16 Zoova kpán kɛ asɔmɔli sa Siɔn lɔ,ɔ́ kpán kekle naan be ti i nɛn’n Zerizalɛmun lɔ.
Ɲanmiɛn m’ɔ la nglo lɔ plaii’n nin asiɛ’n bé úsu sa tututu.Sanngɛ Zoova sin yɛ i nvle nunfuɛ’m bé fía-ɔ,+ɔ́ yó Izraɛlifuɛ’m be fiawlɛ.
17 Yɛ amún wá sí jrɛiin kɛ n ti amun Ɲanmiɛn Zoova, naan n tran Siɔn, oka m’ɔ ti min liɛ klonglo’n su.+
Zerizalɛmun wá yó lika kun m’ɔ ti Ɲanmiɛn liɛ klonglo-ɔ,+aofuɛ su sinman lɔ kun.+
18 Cɛn sɔ’n nun’n, duvɛn fɛfɛ’n sónji oka’m be su,+nɔnnɔn’n sónji kpɔlɛ’m be su,Zida lɔ nzue ba’m bé sónji gblogblogblo,
nzue ti kun fín Zoova i sua’n nun ɔ́ sónji,+ɔ́ kó gúa Akasia Kongo’n nun lɔ.
19 Sanngɛ Ezipti mɛn’n bó,+Edɔmun mɛn’n káci aawlɛ flɛnnɛn,+afin be kleli Zidafuɛ’m be ɲrɛnnɛn,+be guali sran nga b’a yoman sa’n be mmoja ase lɔ.+
20 Sanngɛ Zida liɛ’n, sran’m bé trán lɔ tititi,yɛ sran su tuman Zerizalɛmun lɔ naan kɛ ɔ́ yó-ɔ w’a yo.+
21 N buli be fɔ laa, sanngɛ n su buman be* fɔ kun.+Kpɛkun min Zoova, ń trán Siɔn lɔ.”+
Ja ngua lɔ ndɛ mun
^ I bo’n yɛ: “Zoova ti Jɔlɛ Difuɛ.”
^ Ebr., “m’an fa yi amun ti’n su.”
^ Ebr., “ń fá yí amun ti’n su.”
^ Ebr., “Amun yo amun wun sanwun.”
^ Annzɛ “safuɲrɛn mun.”
^ Ebr., “be mmoja’n.”
