Abakiki 1:1-17
1 Ndɛ nga Ɲanmiɛn nuan ijɔfuɛ Abakiki* tili i aolia nun’n yɛ:
2 ?Ee Zoova, naan flɛlɛ nga m’an flɛ wɔ lele kɛ a wa uka min’n, a su tɛman min su le?+
?N kpan flɛli wɔ lele kɛ a wa de min nzaje sa’n nun, sanngɛ a yomanlike fi?*+
3 ?Ngue ti yɛ a yo maan n wun sa tɛtɛ nga be yo be’n niɔn?
?Yɛ ngue ti yɛ a yaci sran’m be lɛ mɔ be kle be wiengu’m be ɲrɛnnɛn sɔ-ɔ?
?Ngue ti yɛ be saci ninnge mun, kpɛkun be yo nzaje sa mun min ɲrun-ɔn?
?Yɛ ngue ti yɛ ndɛnnganndɛnngan nin utre’n be o lika’n nun sɔ-ɔ?
4 Sran fi nantiman mmla’n su,yɛ sran fi yoman sa nuan su mlɔnmlɔn.
Afin sa tɛ yofuɛ’m be tin sa kpa yofuɛ’m be su.
I sɔ’n ti yɛ sran’m be diman jɔlɛ nanwlɛ su’n niɔn.+
5 “An nian nvlenvle’m be nun, amun fa amun ɲin sie be su!
Maan amun nuan bo amun wun, yɛ maan amun kpiti,afin sa wie wá jú amunblɛ su’n,kannzɛ bɔbɔ be kan kle amun’n, amun sufaman su.+
6 Afin n su fa Kaldefuɛ mun n ba,+be ti wlɛfuɛ, yɛ be siman aunnvɔɛ.
Be kɔ asiɛ’n i likalika’m be nun
be ko de sran’m be tranwlɛ mun.+
7 Be wlanwlan sran mun, yɛ be yo sro kpa.
Be le be mmla yɛ be nanti su-ɔ, be sie sran mun kɛ be fa klo’n sa.+
8 Be nnɛn kpanngɔ’m be wanndi tra kangale,be yo wlɛ tra blo alua mɔ kɔnguɛ yɛ be fite’n.+
Be nnɛn kpanngɔ nga be fa kun alɛ’n, be wanndi yɛ be ba-ɔ,be nnɛn kpanngɔ’m be fin mmua kpa.
Be tɔ sran’m be su kpɛ kunngba kɛ anunman ɲin fa tɔ nnɛn su sa.+
9 Be kwlaa be ba nzaje sa yolɛ.+
Be kɔ likawlɛ kɛ wia afiliɛ lɔ aunmuan’n sa,+sran nga be tra be kɔ’n, be sɔnnin kpa kɛ aunɲan sa.
10 Be yo famiɛn’m be finfin,be sri famiɛn’n i sran dandan mun.+
Kɛ be wun lika nga b’a sisi i wun’n,+ ɔ kle be srilɛ,be tian fa nuan be sin su, kpɛkun be fa lika sɔ’n.
11 Be kɔ be ɲrun, be sin kɛ aunmuan sa,sanngɛ sa tɛ nga be yoli’n ti’n, bé tú be fɔ,+Afin be waan be tinmin’n fin be amuin’n.”*+
12 Zoova, kɛ ɔ fɛ i laa lele’n, a o lɛ. ?Nɛ́n i-ɔ?+
Min Ɲanmiɛn, min Ɲanmiɛn m’ɔ ti Sanwun’n, a wuman.*+
Zoova, a fali be kɛ be di sran’m be jɔlɛ,min Yɔbuɛ,+ a sieli be kɛ be tu sran’m be fɔ.+
13 Ɔ ɲinma’m be ti sanwun dan, ɔ maan be kwlá nianman sa ng’ɔ ti tɛ’n,yɛ a kwlá tranman lɛ nianman klunwi ayeliɛ’n.+
?Ɔ maan ngue ti yɛ a tran lɛ nian be nga be timan seinfuɛ’n niɔn?+
?Ngue ti yɛ kɛ klunwifuɛ’n tin sran m’ɔ ti kpa trɛ i’n su’n, a kanman ndɛ-ɔ?+
14 ?Ngue ti yɛ a yo sran’mbe kɛ jenvie’n nun jue mun sa-ɔ?
?Ngue ti yɛ a yo i kɛ jenvie’n nun ninnge mɔ be leman siefuɛ’n sa-ɔ?
15 Ɔ* fa kowa tra be kwlaa.
Ɔ fɛ i lala’n tra be,kpɛkun ɔ tian be nuan i lala’n nun.
I sɔ’n ti yɛ ɔ di aklunjɔɛ dan’n niɔn.+
16 I sɔ’n ti yɛ ɔ yi tɛ mɛn i lala’n niɔn,yɛ ɔ yi tɛ mɛn i jue tralɛ lala’n.
Afin be ti’n, like kpa ngunmin* yɛ ɔ di-ɔ,yɛ aliɛ m’ɔ yo maan sran i wunnɛn’n ba nun kpa’n, yɛ ɔ di-ɔ.
17 ?Ɔ maan ɔ́ ísɛ i lala’n nun jue’m be kwlaa tititi?*
?Naan ɔ́ kún nvlenvle’m be nunfuɛ mun titi? ?Ɔ su siman be aunnvɔɛ?+
Ja ngua lɔ ndɛ mun
^ Atrɛkpa i bo’n yɛ: “Sran Nun Tɔlɛ Juejue Su.”
^ Annzɛ “a su deman e.”
^ Be kwla se ekun kɛ “be tinmin’n yɛle be amuin’n.”
^ Be kwla se ekun kɛ “e su wuman.”
^ Yɛle kɛ, Kaldefuɛ mɔ be ti be kpɔfuɛ’n.
^ Ebr., “like nga ngo o nun dan’n.”
^ Be kwla se ekun kɛ “ɔ́ cúɛn i tokofi’n tititi.”
