Ezai 10:1-34
10 Be nga be kpɛ mmla tɛtɛ mun,+mɔ be kpɛ mmla titi be fa kle sran’m be ɲrɛnnɛn’n be yako!
2 Be yo sɔ naan yalɛfuɛ’n w’a kwlá kɛnmɛn i ndɛ liɛ’n,naan b’a diman min nvle’n i nunfuɛ nga be leman ɲrun’n be ndɛ’n i klanman.+Kɛ be yo sɔ’n, be de angbeti bla’m be sa nun ninnge mun,yɛ be fɛn ba nga be leman si’n* be bo ninnge mun.+
3 ?Cɛn nga bé wá úsa amun sa’n,*+mɔ sacilɛ’n fín mmua lɔ bá’n,+ ngue yɛ amún yó-ɔ??Wan sin yɛ amún kɔ́ naan ɔ uka amun-ɔn?+?Yɛ nin yɛ amún síe amun aɲanbeun* ninnge mun-ɔn?
4 Like ng’ɔ nin amun ka’n, yɛle bisuafuɛ’m be afiɛn klulɛ,ɔ nin fuɛn’m be afiɛn tɔlɛ.I kwlaa sɔ’n ti’n, i ya’n kanman ase.Yɛ ɔ te tinngɛ i sa’n be wun naan ɔ́ yó be like yaya.+
5 “An nian! Asirifuɛ’n,+ɲantiaan mɔ ń fá yí min ya’n i nglo’n niɔn.+Yɛ kpɔnman ng’ɔ o i sa nun’n, yɛ ń fá tú min klunngbɔ’n niɔn.
6 Ń má súnmɛn i nvle kun m’ɔ nin min w’a bu’n i sin,+ń súnmɛn i nvlefuɛ mɔ be fɔkɔ min awlɛn’n be sin,ń sé i kɛ ɔ de be sa nun ninnge kpanngban,yɛ ɔ tiatia be su kɛ akpɔ su nnɔtiɛ sa.+
7 Sanngɛ nɛ́n i sɔ yɛ ɔ́ súnnzun-ɔn,yɛ nán like nga i awlɛn’n trán su’n yɛ ɔ o lɛ-ɔ.Afin like ng’ɔ o i klun’n yɛle like sacilɛ,ɔ nin nvle kpanngban be nunnunlɛ, nán nvle kunngba yɛ ɔ kunndɛ kɛ ɔ́ núnnún i-ɔ.
8 Afin ɔ se kɛ:‘?Min sran dandan’m be kwlaa be timan famiɛn ti-ɔ?+
9 ?Kalno+ timan kɛ Kaakemisi+ sa ti-ɔ??Amati+ timan kɛ Aapadi+sa ti-ɔ??Samari+ timan kɛ Damasi+ sa ti-ɔ?
10 N fali min sa n trali famiɛn diwlɛ mɔ be amuin’m be timan like fi’n,mɔ be nzɔliɛ ninnge’m be sɔnnin tra Zerizalɛmunfuɛ mun nin Samarifuɛ’m be liɛ’n!+
11 ?Like nga n fa yoli Samari, ɔ nin i amuin mɔ be timan like fi’n,nɛ́n i kunngba’n yɛ ń fá yó Zerizalɛmun, ɔ nin i amuin mun-ɔn?’+
12 “Kɛ Zoova ko wie junman’n i kwlakwla di Siɔn Oka’n su lɔ’n, ɔ nin Zerizalɛmun lɔ’n, ɔ́* wá tú Asiri famiɛn’n i fɔ, i ɲin kekle’n nin i wun dandan yolɛ’n ti.+
13 Afin ɔ se kɛ:‘Ń má fá wunmiɛn m’ɔ o min sa’n nun’n,ɔ nin min ngwlɛlɛ’n ń fá yó sa sɔ’n, afin n si ngwlɛlɛ.Ń yí nvlenvle mun beawɛ mun,+yɛ ń dé be sa nun ninnge kpakpa mun,+kɛ mɔ n le tinmin’n ti’n ń má síe be sran mun.+
14 Kɛ sran kun m’ɔ fɛ i sa wla anunman sua kun nun’n sa’n,ń má fá min sa’n ń fá nvlenvle’m be nun ninnge kpakpa mun.Kɛ sran kun m’ɔ isa klenzua mɔ be gua lɛ ngbɛn sa’n,ń má ísa asiɛ’n su ninnge’m be kwlaa!Sran fi su bomɛn i ndɛwa mun, sran fi su ukemɛn i nuan, yɛ sran fi su kpanman.’”
15 ?Kpɛliɛ’n ɔ kwla tu i wun sran ng’ɔ fɛ i di junman’n i su??Like nga be fa bu waka’n ɔ kwla tu i wun sran ng’ɔ fɛ i di junman’n i su??Kpɔnman’n+ ɔ kwla keje sran ng’ɔ mɛn i su’n??Annzɛ ɲantiaan’n ɔ kwla man sran mɔ nán waka yɛle i’n i su?
16 I sɔ’n ti’n, Zoova m’ɔ ti sonja’m be su kpɛn’n, m’ɔ ti Miɛn kpafuɛ’n,ɔ́ wá yó maan i* sran mɔ be wunnɛn o be wun’n bé yó koklo,+yɛ ɔ́ wá trɔ́ sin dan+ kun i aɲrunɲan’n i bo.
17 Izraɛli i Kannin’n+ ɔ́káci sin,+i Ɲanmiɛn m’ɔ ti Sanwun’n ɔ́ káci sin taaman,ɔ́ júe vlanwunvlanwun kpɛkun ɔ́ yrɛ́ i* ijre tɛtɛ mun, nin i susrɛ mɔ beti owieowie’n cɛn kunngba’n nun.
18 Ɔ́ wá núnnún i bo’n, ɔ nin i waka mma fie’n be aɲrunɲan’n mlɔnmlɔnmlɔn,ɔ́ yó kɛ tukpacifuɛ kun mɔ w’a yo koklo’n sa.+
19 I bo’n nun waka mun bé ká kaan dan ti’n,bakan kun bɔbɔ kwla ka be,
20 Cɛn sɔ’n nun’n, be nga bé ká Izraɛli nvle’n nun’n,Zakɔbu i awlo’n nunfuɛ nga bé ká nguan nun’n,be su faman be wla be guaman sran ng’ɔ yoli be like yaya’n i su kun.+Sanngɛ bé fá be wla bé gúa Zoova su,bé fá be wla bé gúa Izraɛli Ɲanmiɛn m’ɔ ti Sanwun’n i su nanwlɛ su.
21 Sran wie’m bé ká lɛ,Zakɔbu i awlo’n nunfuɛ onga mun-ɔn, be ngunmin cɛ yɛ bé sá be sin Ɲanmiɛn m’ɔ Kwla’n i wun-ɔn.+
22 Ee Izraɛli, kannzɛ ɔ sran munbe sɔnnin kɛ jenvie nuan aunɲan’n sa’n,sanngɛ be nga bé ká lɛ’n, be ngunmin yɛ bé sá be sin-ɔn.+Be seli kɛ bé núnnún be,+sa nuan su sɛsɛ yolɛ’n* ɔ́ káta be su.+
23 Nunnunlɛ nga Miɛn m’ɔ Sie Like Kwlakwla’n, Zoova m’ɔ ti sonja’m be su kpɛn’n ɔ seli kɛ ɔ́ núnnún be’n,ɔ́ yó sɔ nvle wunmuan’n nun.+
24 I sɔ’n ti’n, ndɛ nga Miɛn m’ɔ Sie Like Kwlakwla’n, Zoova m’ɔ ti sonja’m be su kpɛn’n ɔ kan’n yɛ: “Min sran mɔ be tran Siɔn’n, nán maan srɛ kun amun Asiri m’ɔ fa ɲantiaan+ bo amun’n, m’ɔ man kpɔnman’n su amun wun kɛ Eziptifuɛ mun sa’n,+ i dunman nun ti.
25 Afin ɔ ka kan’n, min ya dan’n ɔ́ wíe. Min ya’n ɔ́ núnnún i.+
26 Zoova m’ɔ ti sonja’m be su kpɛn’n, ɔ́ wá mán ngble’n su i wun,+ kɛ ng’ɔ fa kwlali Madianfuɛ mun Orɛbu+ yɔbuɛ’n i wun lɔ’n sa. Ɔ́ wá mɛ́n i kpɔnman’n su jenvie’n su, yɛ ɔ́ mán su kɛ ng’ɔ fa yoli i Ezipti lɔ’n sa.+
27 Cɛn sɔ’n nun’n, i trɔ’n ɔ́ wá jáso ɔ wati su,+i kɔmin su waka’n ɔ́ jáso ɔ kɔmin su,+yɛ ngo’n ti’n, bé búbú ɔ kɔmin su waka’n nun.”+
28 Ɔ juli Aiyati,+ɔ sinnin Migrɔn,yɛ ɔ tɛkɛli i trɔ’n Mikimasi+ lɛ.
29 Be sinnin kan be kpɛ nzue’n be ja nun lɛ’n,be lali Geba+ lɛ,Rama usuli, Gibea+ m’ɔ ti Sɔlu liɛ’n ɔ wanndili.+
30 Galimun i wa bla, kpan, kpan kekle kpa.Ee, Laisa, sie ɔ su tie!Ee, Anatɔtu,+ yako!
31 Madimena wanndili,Gebimunfuɛ’m be kunndɛli fiawlɛ.
32 Cɛn kunngba sɔ’n nun’n, ɔ́ wá jrán Nɔbu+ lɛ.Ɔ ɲɔnɲɔn acɔliɛ fa kle Siɔn i wa bla’n i oka’n,ɔ fa kle Zerizalɛmun kpɔlɛ’n.
33 Amun nian! Zoova m’ɔ ti sonja’m be su kpɛn’n, m’ɔ ti Miɛn kpafuɛ’n,ɔ su bubu waka sama mun, yɛ be tɛ kekle kpa,+ɔ kpɛkpɛ waka fleinflein mun,yɛ ɔ kan waka nga be ti tɛnndɛn kpa’n be ase.
34 Ɔ fa like kun mɔ be fali blalɛ be yoli’n* ɔ fa kpɛkpɛ bo’n nun susrɛ mun,yɛ sran kun m’ɔ le kwlalɛ’n ɔ́ yó maan Liban tɔ́.
Ja ngua lɔ ndɛ mun
^ Annzɛ “aika ba mun.”
^ Annzɛ “Cɛn nga bé tú amun fɔ’n.”
^ Annzɛ “aɲrunɲan.”
^ Ebr., “ń.”
^ Yɛle kɛ, Asirifuɛ’n.
^ Yɛle kɛ, Asirifuɛ’n.
^ Ebr., “fɔ tulɛ’n.”
^ Annzɛ “kpɛliɛ kun.”