Ezai 11:1-16
11 Waka kaan+ kun wá fɛ́fɛ́ Zese+ i bo ng’ɔ kali lɛ’n su,yɛ i olui nga be fɛfɛli’n, be nun kun+ wá sú mma.
2 Zoova i wawɛ’n ɔ́ trɛ́n i su,+ngwlɛlɛ silɛ wawɛ’n+ nin sa wlɛ wunlɛ wawɛ’n,afɔtuɛ manlɛ wawɛ’n nin kwlalɛ wawɛ’n,+sa silɛ wawɛ’n nin Zoova srolɛ wawɛ’n bé trɛ́n i su.
3 Kpɛkun Zoova i srolɛ’n ti’n, ɔ́ dí aklunjɔɛ.+Ɔ su jranman like ng’ɔ wun i’n su diman jɔlɛ,yɛ ɔ su jranman ndɛ ng’ɔti’n i ngunmin su tuman sran fɔ.+
4 Ɔ́ dí yalɛfuɛ’m be jɔlɛ mun klanman,*ɔ́ tú sran’m be fɔ nanwlɛsu ɔ́ mán asiɛ’n su wɛtɛɛfuɛ mun.Ɔ́ fɛ́ i nuan nun waka’n ɔ́ fá bó asiɛ’n,+kpɛkun ɔ́ fá aunmuan m’ɔ fin i nuan nun fite’n ɔ́ fá kún klunwifuɛ mun.+
5 Sa kpa yolɛ’n ɔ́ yó i afiɛn cilɛ kplo,yɛ nanwlɛ dilɛ’n ɔ́ yó i bo cilɛ kplo.+
6 Ɔ ju wie’n, blo alua’n nin bua ba’n bé trán likawlɛ,+yɛ boli ba’n nin kangale’n bé lá likawlɛ,kpɛkun nannin ba’n nin asɔmɔli’n,* ɔ nin nnɛn nga w’a lo kpa’n bé trán likawlɛ.*+Yɛ ba kaan kun yɛ ɔ́ kánkán be-ɔ.
7 Nannin bla’n nin nnɛn ngble nga be flɛ i kɛ ursu’n bé dí like likawlɛ,yɛ be mma kanngan mun bé lá likawlɛ.Asɔmɔli’n ɔ́ dí ijre kɛ nannin tola sa.+
8 Bakan m’ɔ te nɔn wunflɛn’n ɔ́ kán ngowa kpangbanzrɛlɛ’n i lawlɛ’n i wun lɛ,yɛ bakan mɔ b’a kpɛ i wunflɛn’n ɔ́ fɛ́ i sa síe i wuo m’ɔ le bɔyre kpa’n i kunman’n su.
9 Be su yoman sa tɛ fi,+yɛ be su saciman like fioka m’ɔ ti min liɛ klonglo’n su.+Afin saan Zoova i silɛ’n ɔ́ yí asiɛ’nkɛ jenvie’n nun nzue’n sa.+
10 Cɛn sɔ’n nun’n, Zese i olui’n+ ɔ́ jáso kɛ nzɔliɛ like sa nvlenvle’m be ɲrun.+Nvlenvle’m bé kpɛ́ be ɲin i su lɔ naan ɔ kle be atin,*+yɛ i wunmiɛn lolɛ lika’n ɔ́ ɲán ɲrun.
11 Cɛn sɔ’n nun’n, Zoova ɔ́ tínngɛ i sa’n nun ekun, ɔ́ yó sɔ i kpɛ nɲɔn su, naan ɔ́ kó fɛ́ i sran nga be kali Asiri,+ nin Ezipti,+ nin Patrɔsu,+ nin Kisi,+ nin Elamun,+ nin Sinea,* nin Amati’n, ɔ nin lika nga be o jenvie’n i afiɛn lɔ’n.+
12 Ɔ́ wá mán nzɔliɛ like kun su ekun ɔ́ klé nvlenvle mun, yɛ ɔ́ flɛ́flɛ́ Izraɛlifuɛ nga be bo sanndili’n.+ Kpɛkun ɔ́ yía Zidafuɛ nga be bo sanndili asiɛ’n i bue nnan’m be su’n be nuan.+
13 Kɛ ɔ́ yó sɔ’n nn Efraimun i kwla silɛ’n w’a wie,+yɛ b’a nunnun be nga be fa be ɲin be ci Zida’n.Efraimun i ɲin su bloman Zida i wun kun.Yɛ Zida kusu i ɲin su ciman Efraimun kun.+
14 Bé kɔ́ Filistifuɛ’m be kongo’n nun lɔ, wia atɔliɛ lɔ,be bo yó kun bé fɛ́n wia afiliɛ lɔfuɛ’m be bo ninnge mun.Be sa kán Edɔmunfuɛ mun+ nin Moabufuɛ mun,*+yɛ bé síe Amɔnfuɛ mun.+
15 Zoova wá kpáci Ezipti Jenvie’n i bue kun’n* i nun nɲɔn,*+kpɛkun ɔ́ tótó i sa’n Nzue Ba’n* su.+Ɔ́ fɛ́ i bue nun aunmuan m’ɔ lo kpa’n, ɔ́ fá yó i nzue dandan nso’n be like yaya,*ɔ́ yó maan sran’m bé wlá be ngbabua mun bé kpɛ́ nzue’n.
16 Yɛ i sran nga be kali lɛ’n,+ bé ɲán atin dan kun+ m’ɔ fin Asiri lɔ’n bé sín su,kɛ Izraɛlifuɛ mɔ kɛ bé fín Ezipti lɔ bé fíte’n, be ɲannin atin kun be fali su’n sa.
Ja ngua lɔ ndɛ mun
^ Annzɛ “nanwlɛ su.”
^ Annzɛ “asɔmɔli gbanflɛn mɔ i kɔmin nun ndrɛ’n ti vɔɔ’n.”
^ Be kwla se ekun kɛ “nannin ba’n nin asɔmɔli’n bé dí like likawlɛ.”
^ Annzɛ “Nvlenvle’m bé kúnndɛ i.”
^ Yɛle kɛ, Babilɔnin.
^ Annzɛ “Bé fá be sa bé síe be su.”
^ Ebr., “i taaman’n.”
^ Be kwla se ekun kɛ “Ɔ́ wá yó maan ɔ́ wú kee.”
^ Yɛle kɛ, Efrati’n.
^ Be kwla se ekun kɛ “ɔ́ kpácikpáci nun nzue dandan nso.”
